انا حر

كل سنة وانتم طيبيين واللى مستنى فيكم يعرف مين شخصية العام السنة دى او حظه للعام القادم او خط سير الكواكب وطريق الابراج , يبقى ممكن تسئل نفسك كام سؤال كدة عالماشى لو جاوبت عليهم يبقى كمل مسيرتك فى الاتجاه الغريب ده والله يباركلك وان شاء الله مسيرك هتصدق ان فى حاجة اسمها خطة ماشى عليها وواقع انت رسمته لنفسك .. ولو لقيت انى معايا حق فى كلامى ومش عارف تجاوب على السؤالين تلاتة اللى جايين دول يبقى لازم تعمل حاجة مهمة اوى فى حياتك كل اخر سنة وهى كشف حساب :) انت عارف انت برج أيه فى كل بلاد العالم او معظمها او حتى بلدين منها بس ؟ انت عارف انت ليه البرج ده واتسمى كدة ليه وبيرمز لأيه ؟ هو انت لسه بتؤمن بالحظ وان الواقع هو اللى بشكلنا مش احنا اللى بنخلق الواقع ؟ انت لسه بتؤمن بالحظ والنصيب ومتعرفش ان فى حاجة اسمها اجتهاد !! انت لسه مستنى ناس تمشيك ورا كلامها وميبقاش صوتك من دماغك ومن تجارب اللى سبوقك وخبراتهم ؟ انت فاكر اصلا مين شخصية السنة اللى فاتت واللى قبلها عشان تستنى شخصية السنة دى ؟ لو انت شايف ان كلامى صح يبقى كمل قراية , ولو مش شايف ومش عايز تكمل يبقى كتر خيرك ونشوفك على خير فى ال...

فى واحد انتحر من من كام يوم عشان مش قادر يكفى بيته وعيلته من طلبات وكان منتحر واحد من شهر شانق نفسه على لوحة اعلانات علشان يقول للناس كلها انا بضحى بنفسى اهو قدام عينكم اللى بتبص على اعلانات حاجات تشتريها ومحدش بيقدر البنى أدم فيكم واليوميين الجايين هنسمع عن التالت والرابع والخامس للأسف لحظة من فضلك : بعيدا عن حكمنا عليهم او ادانتهم او نسئل ده كافر ولا لأ او ده مات مؤمن ولا لا .. وياترى رايح فين الجنة ولا النار ولا بين البينيين .. فاده فى النهاية مش حكمنا ولا لينا دخل فيه الا الدعاء ليه بالرحمة فقط  كل الناس اتكلمت عن الموضوع وقبل كدة كمان اتكلموا بس انا عندى وجهة نظر بعيدة شوية فى الموضوع ده ممكن ميكونش حد اتطرقلها ومكن محدش برضو يبصلها هو اللى انتحر ده عشان بياخد 1200 جنيه ومسئولة من اسرة سايبهم وشغال طول اليوموأخر الليل يروح فى سكن مغتربيين شبه الزنازين كدة عشان يحاول يأكلهم فى ظروف الغلا اللى بتحصل كل يوم وسط وعود وانفلات اسعار جنونى من غير اى زيادات فى المرتبات والاجور بتقابلها !! 40 جنيه فى اليوم على 3 أشخاص او 4 يكفوا ايه ولا ايه طب هو واخد حقه فى الشغل ؟؟؟ الحقيقة ...

نبتدى منين الحكاية !! حادثة حصلت راح ضحيتها اطفال كل ذنبهم انهم رايحيين مدرسة شايليين على كتافهم نص طن ورق ملوش لازمة عشان المفروض يتعلموا مع ان ياعالم المدرسيين كانت بتشرح ولا بتقمع بامية فى الحصص  سواء طفل او كبير فا فى الحالتيين دى روح ونفس طالع داخل ..ضحكة بتضك للحياة ساعات ودمعة حزن من الزمن ساعات لكن فى النهاية محدش حابب الموت حتى لو كان عمره 1000 سنة أحنا يمكن الحادثة دى أثرت فينا اوى عشان دول أطفال لكن الحقيقة كل يوم مليان حوادث وكوارث .. المشكلة مش فى سواق غفل ولا قضاء وقدر ولا اى هرى من ده  المشكلة كلها هيا الفساد طريق مش ممهد عشان مفيش وزرا بتعدى عليه ولا تلفزيون بيصوره او يمكن مسئول خد ميزانية رصفه بس اتلخبط ودخلها فى حسابه ولا ماجايز سواق العربية اللى كان فيها جاز ولا بنزين دى اللى المفروض متمشيش فى اوقات ذروة زى دى عشان متحصلش كوارث زى ماحصل وبيحصل ولسه هايحصل للاسف كان متعاطى حاجة بس صحيح هيتعاطى ايه ده الحشيش والبرشام بقوا يتباعوا عالرصيف عادى ولاكأنها ممنوعة لحد مايقننولها أكشاك تتباع فيها قريب ان شاء الله مع ان كان زمان ياجدع المخبريين يمسكوا العيال دى ...

من كام يوم كدة كنت فى مكان وهم جدا اسمه سيتى ستار انا عارف ان معظم الناس عارفينه لكن اعذروا جهلى لانى مش بهتم بالاماكن دى لأنى عمرى ماهشترى من مكان زى ده , فأنا تفكيرى الساذج فهمنى ان ده مكان تسوق الاغنياء لكن طبعا كنت غلطان , ده طلع مكان لتسوق اغنياء الاغنياء .. هما دول فعلا اللى كنت فاكرانهم خيال علمى ملهمش وجود غير فى المسلسلات وبس  من وانا فى الباركينج وشوفت العربيات المركونة اتقبضت من المنظر وافتكرت انى لسه مكمل لعبة نيد فور سبيد موست وانتد او اندر جراوند او حاجة كدة تشبه متحف اللوفر بس للسيارات الفخمة  كبرت دماغى وطلعت فوق شوفت محلات فى منتهى العظمة كان صديق ليا منه لله قالى هناك عامليين تنزيلات , أتاريها من 3 بواكى لباكوين فى الجاكيت ياقلبى لاتحزن برضو تسبب كارثة بالنسبة لى لكن المشكلة ان العيال الصغيرة بتشترى وسن ال 17  18 تكبش حاجات وتديه الفيزا كارد يحاسب من حساب ابوها وخلصت البيعة على كدة حتى ممن غير مايسئل بكام المهم الفيز فيها ! صراحة اتحسرت على نفسى وقولت هما دول فعلا الناس اللى عايشة حسرة على الغلابة اللى شبهنا احنا ملناش مكان معاكم ياناس يالميعة انتو...

المكان :   أوضة نومك التوقيق :  الخامسة فجرا  الحالة  :  متوتر جدا وضربات قلبك سريعة السبب  :  رؤية او كابوس على حد تعبيرك بتوصل لك رسالة ان ربنا جاى ياخد روحك بعد 365 يوم بالظبط .. سنة بالتمام والكمال مممممممم ياترى هاتعمل ايه فى ال 365 يوم دول , هاتستعد من اول دقيقة ؟ ولا من اول شهر ولا من تانى شهر ولااااا على أخر دقيقة !! الصراحة ده سؤال نهايته مفتوحة كل واحد يتخيل لنفسه اجابة بس المهم تكون اجابة صادقة مع نفسه لأن محدش هايسمعها غيره هو ولا هاتنفع حد غيره هو .... فمش محتاجة أجابة عالملأ  ومتنساش ان العذارى الجاهلات كانوا هما كمان سهرانيين وكمان معاهم مصابيح يعنى مستعديين لكن مكنوش مستعديين كفاية عشان كدة زيتهم خلص , تخيل انت بقى ربنا مديك المصباح وكمان المعاد وبيقولك يلا يابطل بقى شد حيلك وأملاه زيت يكفيك .. فالوصايا محفوظة والتعاليم معروفة والكتاب موجود " بس نضفه من التراب اللى عليه الاول " :) طب هل هتتوب ونحس فعلا ان مبقاش عندنا وقت نضييعه ؟؟ ولا بمناسبة الوقت اللى بيضيع فمحتاجيين نستغله برضو شوية فى حبة فسح على سهرات على فيس ...

دايما بنشتكى من قلة الوقت معدناش وقت نعمل حاجة خالص , دايما وقتنا مزنوق وعلى القد .. لا عندنا قت نصلى ولا وقت نقعد فيه نراجع حسابتنا مع نفسنا ولا حتى وقت نقعد ناكل فيه بقى كله عالسريع . لكن يدوبك الوقت اللى بنعرف وفره بنخليه للفسح او النت وشوية نوم .... كل ده كويس ومهم ومش بقولك لااقفل على نفسك وخليك قاعد لوحدك طول الوقت لكن انا عايز اكلمكم فى حاجة غير كدة خالص :) احنا مبقاش عندنا وقت نعمل فى حاجة لحد او نقدم مساعدة لحد او نجامل بعض ونقول كلمات حلوة او نقدم خدمات من غير ماحد يطلب فى ايدينا نساعده بيها ده حتى لو حد من اهلنا طلب مننا خدمة دايما بنقول منين اجيب الوقت ده لو مكشرناش فى وشهم طبعا وزعقنا وصرخنا ... بقى موضوع الوقت ده شبه المهمة المستحيلة واحنا بقينا اهم شخصيات فى المجتمع مش عارفيين منين نجيب الوقت . متنساش ان ربنا قال كنت جوعان فاشبعتمونى وكنت عطشان فسقيتمونى وكنت محتاج .... وغيرها كتير لانه مكنش حرفيا هو كدة لكن بيقولنا خلى بالك وخلى بالك انا بشبه نفسى بالناس دول علشان كل مرة تساعد حد منهم حتى لو بكلمة فانت بتساعدنى انا وبتدينى انا وبتفرحنى انا  مينفعش نقضى حياتنا لوح...

من زمان وانا بستغرب جدا من قصة يوسف الصديق وكل مرة اجى اكتب عنها مقدرش او معرفش ,, قصة غريبة فعلا وكانت اكتر حاجة تستوقفنى الاية المتكررة فيها دائما " كان الرب مع يوسف فكان يوسف رجلا ناجحا " مكنتش قادر اعرف فين ربنا مع يوسف طول حياته قبل الملك حوالى 13 سنة من خيانة من اخواته وبيعه وعبوديته وسجنه .... وكل ده كان الرب مع يوسف لحد ماقررت اوسع مداركى شوية واقرا فيه يااستفاضة وتوسع واسمع عنه اكتر لعلى استفيد حاجة ولقيت الاتى ممكن يكون كلام مش جديد للكل ولكن أسرد فيه بعض تأملاتى الخاصة ان يوسف ده هو المسيح فى العهد القديم بسبب رداءه الملون اغتاظ اخوته منه وخلعوه ردائه ورموه فى البئر الخاو من الماء مثله مثل القبر وايضا المسيح خلعوه رداءه وصلبوه ورموه فى القبر أخوته هم من خانوه مثل يهوذا تلميذ المسيح اتباع بالفضة  والمسيح ايضا اتباع بالفضة وحينما رموه فى البئر خطط بنياميين لسرقته بعد انصراف اخوته مثلما كانت تود المريمات فجر الاحد خطة الفداء للبشرية اتحققت كيفما رسمها الله ايضا احلام يوسف تحققت مثلما حلمها بالظبط سن يوسف وقتما اصبح ملكا وتحقق حلمه وسجد له اخوته و...

مثلى مثل الكثير من الشباب المصرى الذى لايعمل او يتلطم من عمل للاخر باحثا عن   الاستقرار او مستوى دخل يكفى لمعيشة على الكفاف بعد ان اصبحت مستويات اسعارها تكوى نار متوسطى الدخل باارتفعها الجنونى الذى لايتناسب ابدا مع قفزت زيادة الاسعار ولا حتى تستطيع الحكومة التحكم بها ورتكتها تسبق كل من يحاول اللحاق بها , او حتى هروبا من القطاع الخاص الذى بعد زيادة السكان وقلة فرص عمل الحكومة وصعوبة تنافسها مع القطاع الخاص بات هو الملجأ الوحيد لكل الشباب الذى يستغل هذه النقطة اصحاب هذه الاعمال ويمص كل قطرة دم متاحة امامهم ممن يعمل لديهم ولا يتركوا لهم الا الفتات القليل , ولكى لا اطيل عليكم بمأسى الكلام صادفتنى فرصة اعلان وظيفة قرأته فى جريدة الاهرام ورأيت فيها شعاع الامل حتى واذا كنت اراه من ثقب أبرة واحلام اليقظة استقرت بى اخيرا الى ان اعمل مادرست من اجله اعلى الشهادات وتحملت اسرتى نقات كل مراحله ولانى لا املك وسطة تزرعنى بااحدى المصالح الحكومية ولا اموالا تكفى لعمل مشروع تجارى فى ظل بيروقراطية الدولة او حتى فى ظل غياب القوانين عنها فنحن لانستطيع ان نتماشى مع الهمجية او مصانع بير السلم او ماشبه ....

اكبر غلطة وقعنا فيها هى تسمية جريمة التحرش ظاهرة فهو جريمة وليس بظاهرة ولااستهتارنا بها هكذا فهى حدثت مئات المرات وتحدث الان وستحدث ايضا اذا لم ننتبه لخطورتها , ليس عقوبة المتحرش هيا بوستات على الفيس بوك او تويتة بنبعتها واحنا قاعديين ولا حتى كام لقاء فى برنامج توك شو ولا حتى مسيرة ولا مظاهرة لكن حلنا هو القانون .. اذا شعب فقد الاخلاق فى يوم فلايستعيدها مرة اخرى ألا جبرا بتطبيق القانون لأنه الحل السريع مع امثال هذا المجتمع واما الحل البطىء التى نادى به كل فئات المجتمع ويظل ينادوا به وبلا جدوى هو التعليم وغرس القيمة مثلما كان يحدث قديما كان أقصى متحرش يفعل باأجمل امراة ذى الفستان مفتوح الصدر وعارى الكتف وفوق الركبة هو " ياغزال " أو " ياجميل " او على نفس الوتيرة من كلمات الغزل التى لا تجرح شعور أحد التى حتى أصبحت الان طفل الست سنوات لايستطيع النطق بها من سذاجتها فالمثلث بأكمله يجب معالجته ( تحرش ومتحرش وضحية ) لكل ضلع منه له معالجة مختلفة (قانون وعقاب ونظرة متحضرة ) وأذا هى جريمة ضررها مادى ومعنوى ونفسى فيجب عقابها يكون على قدر نفس الضرر ولكن ايضا نحتاج لتغي...

مبروك سيدى الرئيس على المنصب المسئول الذى تقلدته المنصب الذى لا يوجد به راحة البال ومشحون دائما بالاحداث والتوترلكن الله يعينك عليه وعلى مسئولياته ارجو خطابى هذا يهتم به مديرون مكتبك الموقر وتجده يوم ما على مكتبك لتقرأه . انا مواطن مصرى صابر راضى وهى اول حروف كلمة مصر الذى تعبر عن اصالة الشعب المصرى وصبره دائما ورضاءه بحاله وبما حوله , اناشدك سيدى العمل على بناء الشعب المصرى اولا واولاده قبل اى شىء فالشعب هو من يبنى الدولة وليس العكس لا نبدأ ببناء وطن بلا شعب قوى متماسك متوحد الهدف ..... محتاجيين سيدى الرئيس تفعيل دولة القانون الصارم فى كل شىء حتى ابسطها لكى نغرس فينا العدل والحق والمساواة بدون محسوبية ولا تحايل ولا حداقة ولا فهلوة فبعد ذلك تصبح القوانين روح نتحلى بها لانمل منها ولا نكل ولا نشتكى ولكن يكون عالكل للقضاء على الواسطة والقضاء على الرشوة وخلافه فدولة بلاقانون اشد فتكا من غابة لايحكمها قانون ايضا لان يوجد اشخاص احيانا اشد توحش من اشرس حيوانات الغاب , ومحتاجيين العمل على العدالة الاجتماعية فى توزيع الاجور والالتزام بالقوانيين على الكل فكل منشأة ملزمة بقانون العمل من مر...

  طول سنين الدراسة نعرف ان عيد العمال اجازة ووقتها كنت بفكر بقى ان العامل بيبقى مبسوط اليوم ده على اساس انه تكريم ليه والمجتمع كله بيفتكر ان العمال دى فئة عايشة معانا ولولاها الانتاج يقف والاراضى تبور والماكينات تتعطل والعجلة تبطل لف و .... واشتغلت اول شغلانة فى حياتى كانت محاسب موقع وكل شغلى مع العمال وعرفت يعنى ايه ناس مطحونة فى الحياة علشان تاكل بس هما والملزوميين منهم ,  ويوم 30 ابريل بقولوهم كل سنة وانتم طيبيين قالولى وانت طيب بس ليه قولتلهم بكرة عيد العمال قالولى اه صح عندك حق اهو يوم زى اى يوم وأنت طيب قولتلهم احنا بكرة اجازة ان شاء الله كان سؤال نفسى اى حد فى الموقع يجاوبنى عليه بااه عشان اريح انا كمان معاهم لو اجازة هأنتخ ومش هاجى مع انى مبتعبش ربعهم لكن ياريت ردوا عليا بااه او لا دول ردوا عليا باسلوب توسل !! حرام عليك يااستاذنا انت عايز تقطع رزقنا ورزق عيالنا ليه بكرة شغل ولو عايز تسهرنا كمان نسهروا مفيش مشكلة داحنا راس مال فى دراعنا وساعة مانتعب خلاص كدة هنتشرد على اد مااتصدمت من ان بكرة شغل اتصدمت اكتر من الفئة دى اللى قوتها فى يومها واليوم اللى تأجز ...

فى انجيل لوقا الاصحاح 15 نلاقى ربنا بيكلمنا عن مثل الابن الضال وسمعنا فيه تأملات كتير اوى اوى سواء عن الابن الضال الحقيقى اللى فضل ضال برضو لحد اخر المثل هو الابن الاكبر او كمان عن الابن الضال اللى تاب ورجع اللى ياريت كلن نبقى زييه لكن متأملناش قبل كدة فى حنان ومحبة الاب لولاده الى هو بيجسد دور السيد المسيح فى حياتنا ... نلاقى فى اول المثل الابن الصغير جاله وقاله قسم نص ثروتك بيننا علشان انا عايز امشى من ها زى كدة لما ابن يجى يقول لابوه انا مش عايز اقعد معاك فى بيت واحد وكما عايز اورثك بالحيا ... شعور صعب اوى لما الاب يحس كدة من ابنه ومعتقدش فى اب فى الدنيا يسمع كلام زى ده من ابنه غير لما يضربه او على الاقل يكرشه من البيت من غير ولا لوم , لكن ابوه بكل حب قسم ثروته وادهاله مع انه كان حزين ... لكن دى رغبته مش هيقدر يرفضها لان احنا كلنا زى الولد ده ربنا مدينا حرية الاختيار حتى لو كان بيضرنا و صعب على ابونا السماوى يشوفنا فى موقف زى ده لكن فى الاخر احنا ربنا مدينا كامل الحرية , مهما زعلاناه مننا بتصرفاتنا دى لكن برضو بيحبنا واول ماالولد عرف بغلطته وندم وعرف ان مفيش احسن من حضن ...

ايه هواهم قرار اخدته فى حياتك؟! تفتح مشروع ..... تحب ... تتجوز ...كل دى قرارات فعلا مهمة ومصيرية فى حياتك لكن مفيش قرار من دول هو القرار الأهم فى حياتك .. لأن اهم قرار فى حياتك هو... انك تقوم من ضعفك قوم من ضعفك وعيد حساباتك مع ربنا من جديد وشوف حبك لربنا هل هو موجود فعلا بالتصرفات ولا ده مجرد كلام  , هل حبنا لربنا كبير ولا كبير اوى ولا كبير اوى وى بننفذ وصاياه بحب ولا لأ ؟ كل دى اسئلة مهمة محتاجين دايما كل فترة نسئلها لنفسناعلشان نقدر نعرف احنا عندنا فتور روحى ولا لأ , احيانا كثيرة بنحس ان بقى عندنا فتور روحى بنصلى بملل بنحضر قداسات عشان نشوف اصحابنا وبنقرا فى الانجيل اهو تضييع وقت وخلاص وبندفع عشور لانها بقت مجرد عادة .. لكن ده بيكون فتور فى الحياة الروحية ولازم نحس بخطورته واننا محتاجين نفوق لنفسنا بسرعة منه قبل مايطول معانا ويبقى التخلص منه اصعب شوية من الأول , فلو حياتنا الروحية لمبة والتراب كل مادا وبيكترعليها من غير ماحنا نمسحها نورها هيقل شوية بشوية وترابها هيكتر ويلصق عليها وننسى انها كانت منورة زمان او انها كانت لمبة اصلا , كويس اننا نعترف بده لكن لازم كمان نشتغل عل...

تخش كارفور تلاقى ناس متعرفش تعدهم من كترتهم عماليين يعبوا فى اكل بالكراتين وعصاير بالبكتات وكأن مثلا كارفور هيقفل بكرة او الناس هتاكل كل الكميات دى فى وقت واحد , ولا تتفرج كدة على محلات السندوتشات والناس واقفة عليها طوابير كل واحد طالب بالخمس ست ارغفة اقل واجب لو اعتبرها تصبيرة يعنى  تفتكر دى تبقى ايه ؟؟ طفاسة ... الناس بتقول على اللى بيعمل التصرفات دى طفس , بس برضو الطفاسة حلوة مفيش كلام لكن الطفاسة فى الرياضة فى العلم فى الثقافة فى المعرفة ..... لكن احلى طفاسة هى الطفاسة فى الحياة مع ربنا عندنا عدد مبينتهيش من كل انواع الاكل فى الحياة الروحية هنلاقى الاجبية والصلوات والقرايات والقداسات والالحان وغيره وغيره كتيييير اوى اللى مهما كنا طفسيين بلغة العالم مش هتكفينا ولا هنشبع ولا هنبطل اكل من الحاجات دى لانها طفاسة لا بتجيبلنا تخمة ولا هتتخنا لا بتتقل حركتنا لكن بالعكس ده الاكل الوحيد اللى كل ماناكل منه نزيد فرح ونزيد محبة ونزيد نورمن جوانا وبرانا واللى يثبتلك كلامى ده ان كلام ربنا احلى اكل يتاكل بولس الرسول قال عنه من الاف السنين " وجدت كلامك كالشهد فأكلته " وده لاهو اكل مك...

منذ الازل والشعب المصرى لايتعلم من اخطاءه , ليس لانه لن يريد التعلم او لايعلم كيف يتعلم ولكنه كسول لايريد اعمال عقله او اشغال فكره بشىء غير لقمه عيشه وبعض الاحاديث فى السياسة او غيره ليس من اجل التفكير فيها ولكن من اجل اضاعة الوقت او لزوم الصحبة الحلوة او حتى التباهى بما لديه من معلومات شعب مع الموجة ..... من ايام موسى وهروبه مع شعب مصر من فرعون وهم وراءه .. البعض يتذمروهم فهم ايضا وراءهم , ثم مرورا بالحكام التى لا استطيع ذكرها ليس خوفا منى على اضاعة وقتكم ولكن جهلا منى بتاريخ مصر القديم لانى كنت فى مدرسة حكومة :) لكن اتذكر ان مصر فى عهد الاحتلال كانت احيانا تقاومهم واحيانا كثيرة كنا نجدهم يتعايشون مع الاحتلال وكأن شيئا لم يكن ومرورا بحكام العصر الحديث ايضا التى لم اعاصر منهم غير فترة مبارك ووجدت براعة شديدة لا تذكر مثلها من قبل فى صناعة ديكتاتور وفرعون برضاء المصريين لكى يقودهم .... ثم سقط مبارك  بعد ثورة جزء كبير من الشعب المصرى شارك فيها والجزء الاخر منتظرون ماذا سيحدث ليتماشوا معه وتستمر الحياة مجددا بأى شكل ان كان ولكن الوضع توقف عند ذلك فلا نستطع اكمالها فوقفنا ثم وجدنا ال...

من اول ما 30 يونيو هل علينا والساعات اللى بعدها جت فى صالحنا من مهلة ثم قرار عزل ثم الحمد الله البعيد غار فى 60 داهية وبعديها السيسى قالنا عايز تفويض ضد الارهاب والناس مزقططة فى الشارع .. أكن حياتهم رجعتلهم من تانى او بعد ما حكم بالسجن مدى الحياة فجاة اخدوا فيه براة , فشوية تلاقى ناس بترقص على اغانى وطنية كنا بنسمعها زمان ومنهم تلاقيهم بيلفوا فى الشوارع بااعلام وصور للسيسيى وحتى البياعيين اللى دايما راكبين الموجة , المرة دى كانوا بيبيعوا صورة السيسى بحب فعلا جاى من جواهم  للدرجة دى أثر حب السيسى على الاطفال اللى طول الليل والنهار يغنوا تسلم الايادى بااصوات بريئة ومخارج الفاظ كوميدية :) وعلى الفقراء وعلى العواجيز والمسنيين اللى حتى دول كانوا فى المياديين فى عز الزحمة ماشيين على عكاز او على كرسى و قاعدببن بيفطروا رمضان عالاسفلت للدرجة دى مكنش حد طاىء مرسى والخونة اللى حواليه ! وبعد تفويض السيسى للقضاء على الارهاب وعمل الجيش هجومه على رابعة ..... الناس انشقت شوية جزء كبير فضل لسه مع الجيش ولكن فى برضو جزء بقى ضد طب كان ازاى ممكن يتفض اعتصام رابعة المسلح غير بالطريقة دى .. وب...

لو عيد ميلاد حد متعرفهوش اوى بس انت معزوم عليه ... هتروح وهتبقى فرحان كمان وسعيد بالشخص ده وهتهييص معاهم وابتسامتك هتملى المكان لان الفرحة "عدوة " ولو عيد ميلاد حد بتحبه اوى اوى او حد من صحابك القريبيين هتروح طبعا وهتبقى طايرمن الفرح ومش هتكون عارف تعمله ايه ولا ايه  طيب وعيد ميلاد ربنا ؟؟ اللى نزل من عرش السموات وساب كل الملك بتاعه وكل جيوشه من الملايكة اللى بتسبح له ليل ونهار ونزل وأتولد زييينا على الارض علشان يبدأ رحلة الفداء علشاننا احنا ميستحقش اننا نفرح معاه !! ونهييص ونحتفل بيه كمان ونفرح ونفرح كل للى حوالينا معانا بعيد ميلاد يسوع ونعرف كل الناس ان يسوع نزل الارض واتولد فى اليوم ده علشان يشيل عنا خطيتنا علشان يرميها فى بحر النسيان ونركع قدامه ونقوله احنا بنحبك ياربى وعيد ميلادك ده هو سر خلاصنا وسر فرحتنا على الارض . انت اختارت مزود بقر علشان تنزل تتولد فيه وتعلمنا التواضع , لكن انا كمان يارب محتاجلك تيجى وتتولد جوه قلبى انا فاتحلك الباب زى مااهل المزود فتحولك والهدية للى جاى اقدمهالك وانا متأكد انها هاتعجبك هى المحبة , بقدملك محبة زى ماطلبت منى وهاحب يارب اخواتى فى...

من مصر دعوت ابنى ومبارك شعب مصر .... أيتين من اكتر الايات اللى بقف قدامهم فى الكتاب المقدس وبتحسسنى بالطمأنينة والهدوء والسلام الداخلى ... صحيح الكتاب مليان أيات حلوة وكلها بتحسسنا بالطمأنينة والسلام وكلها مفرحة , لكن ربنا خص شعب مصر بالذات بالايتين دول فى الكتاب المقدس مرتين مرة نبؤة فى سفر هوشع ومرة تأكيد فى متى الرسول من بين كل شعوب العالم وأكنه مركز معانا احنا وباعتلنا رسالة خاصة بيقولى فيها وبيقولك انا بكلمك انت ياللى ساكن فى مصر وبقولك انا بحبك ومخلى بالى منك وزى مااتقال عليا " من مصر دعوت ابنى " انا كمان بقولك " من مصر دعوت ابنى " علشان تكون ابنى وتتكلم عنى وبلسانى وتحب الناس زى مانا حبيتك وتوريهم اعمالك الحسنة علشان يمجدوا اباك اللى فى السموات , متنساش ان انا سايبك هنا نور للعالم وملح للارض .. الفرصة قدامك والوقت ملكك استغلهم معايا وعلشانى واستثمرهم الاستثمار الكسبان فى حياتك ...  حب اخوك وكمان حب عدوك فأنا اسمى الله محبة والاية قالت عنى " احب الله العالم " مش اللى حبوه بس ... وزى ماانت بتحتفل بعيد ميلادك وعيد ميلاد صحابك , احتفل بيا انا كمان فى...