معنديش وقت !!

دايما بنشتكى من قلة الوقت معدناش وقت نعمل حاجة خالص , دايما وقتنا مزنوق وعلى القد .. لا عندنا قت نصلى ولا وقت نقعد فيه نراجع حسابتنا مع نفسنا ولا حتى وقت نقعد ناكل فيه بقى كله عالسريع . لكن يدوبك الوقت اللى بنعرف وفره بنخليه للفسح او النت وشوية نوم .... كل ده كويس ومهم ومش بقولك لااقفل على نفسك وخليك قاعد لوحدك طول الوقت لكن انا عايز اكلمكم فى حاجة غير كدة خالص :)
احنا مبقاش عندنا وقت نعمل فى حاجة لحد او نقدم مساعدة لحد او نجامل بعض ونقول كلمات حلوة او نقدم خدمات من غير ماحد يطلب فى ايدينا نساعده بيها ده حتى لو حد من اهلنا طلب مننا خدمة دايما بنقول منين اجيب الوقت ده لو مكشرناش فى وشهم طبعا وزعقنا وصرخنا ... بقى موضوع الوقت ده شبه المهمة المستحيلة واحنا بقينا اهم شخصيات فى المجتمع مش عارفيين منين نجيب الوقت . متنساش ان ربنا قال كنت جوعان فاشبعتمونى وكنت عطشان فسقيتمونى وكنت محتاج .... وغيرها كتير لانه مكنش حرفيا هو كدة لكن بيقولنا خلى بالك وخلى بالك انا بشبه نفسى بالناس دول علشان كل مرة تساعد حد منهم حتى لو بكلمة فانت بتساعدنى انا وبتدينى انا وبتفرحنى انا 
مينفعش نقضى حياتنا لوحدنا لمجرد اننا متخيليين اننا مش فاضيين او تبقى كل حياتنا جوه العالم الالكترونى نت وموبايل وانتهينا على كدة وكل تعبير بنرسمه على وشنا بيكون فى صورة ايومشن ومتبقاش كل دنييتك مجرد شاشة وكيبورد ونوم وشغل وبس