حب كدة وكدة

 لانه هلكذا احب الله العالم حتى بذل ابنه الوحيد لكى لا يهلك كل من يؤمن به

الاية دى مؤثرة جدا جدا ومهمة بس المرة دى انا مش عايز ابين قوتها فى الخلاص ولكن علشان نتكلم عن قوة المحبة

اللى ربنا عمله ده هو اكبر دليل عن الحب وانه بيحبنا عشان كدة ضحى من اجلنا

طيب هل احنا كمان بنحب الله ؟ طبعا بنحب الله وبدون اى تفكير

طيب فكر شوية .. مش محتاجة تفكير بقولك

طيب اللى بيحب حد هو بيحافظ على مشاعره وبيخاف على زعله وبيدرس كويس اوى ايه ممكن يزعله عشان يبعد عنه وايه ممكن يفرحه عشان يعمله

وكل الحاجات دى موجودة فى وصاياه وفى الانجيل وكلنا حافظنها وعارفينها

المشكلة كلها اننا اتدلعنا اوى عليه عارفين انه بيحبنا فخلاص بنقول دى هاتزعله صحيح بس من محبته هايفوتها ولو عملنا دا هايزعل شوية بس هايعدى ويسامح فانكبر دماغنا ونغلط اكتر ونزعل اكتر واكتر ماخلاص بقى حب مكتسب نمتلكه اننا نزعل ربنا اى وقت ونكسر وصاياه فى اى وقت وده مش صح ابدا.. لان لو رجعنا بقى للاية الاولانية اللى اتكلمنا عليها فازى مابتبين حب ربنا لينا كمان حذرت من لايؤمن به بالهلاك (لكى لايهلك كل من لا يؤمن به) واللى مش بيؤمن بربنا دا مش اللى هو مش معترف بالكنيسة لا اللى مش مؤمن بربنا دا اللى مش مصدق ومأمن ان وصايا ربنا حية ومستخحقة وبتتنفذ بكل حب

 فهو حب مش مشروط صحيح لكنه حب حقيقي بكل معنى الحب والتضحية والطاعة الحقيقية مش ضمانة انن مهما عملنا ربنا مسامح ومابيزعلش مننا !!