الفتور الروحى

ايه هواهم قرار اخدته فى حياتك؟!
تفتح مشروع ..... تحب ... تتجوز ...كل دى قرارات فعلا مهمة ومصيرية فى حياتك لكن مفيش قرار من دول هو القرار الأهم فى حياتك .. لأن اهم قرار فى حياتك هو... انك تقوم من ضعفك
قوم من ضعفك وعيد حساباتك مع ربنا من جديد وشوف حبك لربنا هل هو موجود فعلا بالتصرفات ولا ده مجرد كلام  , هل حبنا لربنا كبير ولا كبير اوى ولا كبير اوى وى بننفذ وصاياه بحب ولا لأ ؟
كل دى اسئلة مهمة محتاجين دايما كل فترة نسئلها لنفسناعلشان نقدر نعرف احنا عندنا فتور روحى ولا لأ , احيانا كثيرة بنحس ان بقى عندنا فتور روحى بنصلى بملل بنحضر قداسات عشان نشوف اصحابنا وبنقرا فى الانجيل اهو تضييع وقت وخلاص وبندفع عشور لانها بقت مجرد عادة .. لكن ده بيكون فتور فى الحياة الروحية ولازم نحس بخطورته واننا محتاجين نفوق لنفسنا بسرعة منه قبل مايطول معانا ويبقى التخلص منه اصعب شوية من الأول , فلو حياتنا الروحية لمبة والتراب كل مادا وبيكترعليها من غير ماحنا نمسحها نورها هيقل شوية بشوية وترابها هيكتر ويلصق عليها وننسى انها كانت منورة زمان او انها كانت لمبة اصلا , كويس اننا نعترف بده لكن لازم كمان نشتغل عليه ونقوم منه احسن بكتير من احساسنا اننا كويسيين وربنا فرحان بينا وبنرضيه واحنا فى الحقيقة مش كدة وبنكابر
دوامة الحياة بتاخدنا للأسف العجلة بتلف بينا فى كل مشاغل الحياة وفى الاخر مبنلاقيش وقت لربنا اوحتى وقت لتقييم حياتنا مع ربنا , فكل نمو محتاج لازدهار علشان يبان فينا عمل النعمة ونكون نور للعالم كله زى مالكتاب وصانا 
الحياة مع ربنا نعمة كبيرة وسبب النعمة دى انه مباركلنا حياتنا اللى احنا للأسف انشغلنا بيها عنه  
واحسن وقت ناخد فيه القرار ده هو اليومين دول مع بداية السنة الجديدة واحنا بنعيد كل حسابتا فى السنة الى فاتت سواء فى تجارة او تصرفات او علاقات اواصدقاء نحط اولهم واهمهم حسابنا مع يسوع ونشوف ربنا بيدينا ايه واحنا قصاد كل ده بنقدمله ايه !