الطفاسة

تخش كارفور تلاقى ناس متعرفش تعدهم من كترتهم عماليين يعبوا فى اكل بالكراتين وعصاير بالبكتات وكأن مثلا كارفور هيقفل بكرة او الناس هتاكل كل الكميات دى فى وقت واحد , ولا تتفرج كدة على محلات السندوتشات والناس واقفة عليها طوابير كل واحد طالب بالخمس ست ارغفة اقل واجب لو اعتبرها تصبيرة يعنى 
تفتكر دى تبقى ايه ؟؟ طفاسة ... الناس بتقول على اللى بيعمل التصرفات دى طفس , بس برضو الطفاسة حلوة مفيش كلام
لكن الطفاسة فى الرياضة فى العلم فى الثقافة فى المعرفة ..... لكن احلى طفاسة هى الطفاسة فى الحياة مع ربنا
عندنا عدد مبينتهيش من كل انواع الاكل فى الحياة الروحية هنلاقى الاجبية والصلوات والقرايات والقداسات والالحان وغيره وغيره كتيييير اوى اللى مهما كنا طفسيين بلغة العالم مش هتكفينا ولا هنشبع ولا هنبطل اكل من الحاجات دى لانها طفاسة لا بتجيبلنا تخمة ولا هتتخنا لا بتتقل حركتنا لكن بالعكس ده الاكل الوحيد اللى كل ماناكل منه نزيد فرح ونزيد محبة ونزيد نورمن جوانا وبرانا واللى يثبتلك كلامى ده ان كلام ربنا احلى اكل يتاكل بولس الرسول قال عنه من الاف السنين " وجدت كلامك كالشهد فأكلته " وده لاهو اكل مكلف ولا اكل مضرولا هيسوس سنانك ولا حتى اكل بينتهى لكنه اكل للحياة الابدية تاكل منه تشبع فتحب انك تاكل منه اكتر واكتر على عكس اكل العالم انت بتاكل ومبتشبعش ولو شبعت هتاكل تانى بعد شوية لانك جوعت مش لانك عايز تشبع زيادة
نصيحة منى .... خليك طفس :)