حادثة !

نبتدى منين الحكاية !!
حادثة حصلت راح ضحيتها اطفال كل ذنبهم انهم رايحيين مدرسة شايليين على كتافهم نص طن ورق ملوش لازمة عشان المفروض يتعلموا مع ان ياعالم المدرسيين كانت بتشرح ولا بتقمع بامية فى الحصص 
سواء طفل او كبير فا فى الحالتيين دى روح ونفس طالع داخل ..ضحكة بتضك للحياة ساعات ودمعة حزن من الزمن ساعات لكن فى النهاية محدش حابب الموت حتى لو كان عمره 1000 سنة
أحنا يمكن الحادثة دى أثرت فينا اوى عشان دول أطفال لكن الحقيقة كل يوم مليان حوادث وكوارث .. المشكلة مش فى سواق غفل ولا قضاء وقدر ولا اى هرى من ده 
المشكلة كلها هيا الفساد
طريق مش ممهد عشان مفيش وزرا بتعدى عليه ولا تلفزيون بيصوره او يمكن مسئول خد ميزانية رصفه بس اتلخبط ودخلها فى حسابه ولا ماجايز سواق العربية اللى كان فيها جاز ولا بنزين دى اللى المفروض متمشيش فى اوقات ذروة زى دى عشان متحصلش كوارث زى ماحصل وبيحصل ولسه هايحصل للاسف كان متعاطى حاجة بس صحيح هيتعاطى ايه ده الحشيش والبرشام بقوا يتباعوا عالرصيف عادى ولاكأنها ممنوعة لحد مايقننولها أكشاك تتباع فيها قريب ان شاء الله مع ان كان زمان ياجدع المخبريين يمسكوا العيال دى ياخدوا اللى فيه النصيب منهم ويمشوا كأنهم ولا شافوا حاجة بس حتى السواقيين دول لما يتشافوا بتتسحب رخصهم لكن لأ صح ماهى بترجع من مكالمة تليفون من صاحب العربية او 50 جنيه للعسكرى الغلبان بس هانقول ايه ولا ايه ماالمصابيين ان شاء الله  هتروح تتعالج فى مستشفيات اللى بيدخلها بيخرج  بامراض تانية جاية من الاهمال والاستهتار بأرواح ناس " ربنا يوقفعهم فى ايد حد عنده ضمير... امين "

كفاية بقى نكد .... هانقول أيه ولا ايه ماالمرار طافح
انا شايف الحرب هاتكون اقوى لو على الفساد بدل الارهاب , على الاقل لو حكمنا الفساد بعقوبات قوية وتوعية للناس حنقدر نحكم اى حاجة تانية ماهو السلاح بيتهرب بالرشوة والمساجين بتهرب بالرشوة وربنا يستر متكونش التفجيرات دى كمان بالاتفاق مع حد من جواها بالرشوة 
هما تطبيق القانون والقضاء على الفساد هما اللى هينهضوا مؤقتا بالبلد لحد مايجيلنا فيها عالم متعلم كويس ولا باحث أخد فرصته فى البلد وعرف يعمل حاجة

حاولت اكون متفائل شوية بس معرفتش للأسف ملقتش حاجة تدعو للتفاؤل