السيسى رئيس !!

من اول ما 30 يونيو هل علينا والساعات اللى بعدها جت فى صالحنا من مهلة ثم قرار عزل ثم الحمد الله البعيد غار فى 60 داهية وبعديها السيسى قالنا عايز تفويض ضد الارهاب والناس مزقططة فى الشارع .. أكن حياتهم رجعتلهم من تانى او بعد ما حكم بالسجن مدى الحياة فجاة اخدوا فيه براة , فشوية تلاقى ناس بترقص على اغانى وطنية كنا بنسمعها زمان ومنهم تلاقيهم بيلفوا فى الشوارع بااعلام وصور للسيسيى وحتى البياعيين اللى دايما راكبين الموجة , المرة دى كانوا بيبيعوا صورة السيسى بحب فعلا جاى من جواهم 
للدرجة دى أثر حب السيسى على الاطفال اللى طول الليل والنهار يغنوا تسلم الايادى بااصوات بريئة ومخارج الفاظ كوميدية :) وعلى الفقراء وعلى العواجيز والمسنيين اللى حتى دول كانوا فى المياديين فى عز الزحمة ماشيين على عكاز او على كرسى و قاعدببن بيفطروا رمضان عالاسفلت
للدرجة دى مكنش حد طاىء مرسى والخونة اللى حواليه !
وبعد تفويض السيسى للقضاء على الارهاب وعمل الجيش هجومه على رابعة .....
الناس انشقت شوية جزء كبير فضل لسه مع الجيش ولكن فى برضو جزء بقى ضد
طب كان ازاى ممكن يتفض اعتصام رابعة المسلح غير بالطريقة دى .. وبعدين لازم القانون يطبق ... صحيح مش مفعل فى كتير من المواقف اللى محتاجة فيها حسم لكن ادينا بنبدء وغير كل ده وده ايه ذنب المحلات والشركات والسكان اللى فى منطقة رابعة اللى لو سمعت منهم قصص اللى كانوا بيشوفوه ويسمعوه ويشموه كنت اول واحد هتئيد اللى حصل ده
بس ده مش موضعنا
برضو انا معرفتش ارد على سؤالى وسؤال ناس كتير 
اللى حصل ده انقلاب ولا لا ؟؟
مش هجادل معاك فى النقطة دى فهى ارادة شعب شجعها الجيش فى ظل نظام لن يصلح لادارة محل فراخ حتى .. مش بلد بحجم مصر
ولو كان انقلاب فنزول اكتر من 50 مليون مصرى فى الشوارع لتفويض الجيش يؤكد ان الشعب عاجبه الجيش سواء بثورة او بأانقلاب واملهم كبير فيه انه هو الحل اللى هيظبطلهم الدنيا من تانى
 واخر نقطة انا عايز اقولها ان كل الناس بتقول السيسى هيترشح ولا لا 
اقوله السيسى هو رجل المرحلة وهو الزعيم القادم وعبد الناصر الجديد و لو فى منافس عالساحة يقدر يقدم برنامج ملتزم بتنفيذه مش مجرد كلام زى ماسمعنا كتير فى مشروع النهضة يتقدم
ولو فى مرشح من رجال الدولة لامم بكل احوال البلد الاقتصادية والسياسية الداخلية والخارجية وكل تفاصيلها فليتقدم
لو فى مرشح جازف بحياته ووقف قدام ارهابيين وهو شايل ايده على كفه من اجل مصر مش من اجل شو اعلامى فليتقدم
ومتنساش ان السيسى بعد لما ادا مهلة لمرسى قبل العزل يأما كان هيتحاكم بتهمة الخيانة العظمى ثم اعدام اما يغتيل يعنى يأما مصر يأما الموت , وهو كمان أشرف بشكل او بأخر فى مشروع دستور يقلل فيه جدا من صلاحية الرئيس علشان ميجلناش فرعون جديد حتى لو هو ....