انا حر

طول عمر جماعة الاخوان المسلمين وهيا جماعة انتهازية مصلحتها فوق كل شىء فهى فوق المبادىء وفوق الاشخاص وفوق الوطن وفوق حتى مااسمى من ذلك فاذا استرجعنا تاريخ الجماعة فى لقطات سريعة فنتذكر تحالفهم مع الانجليز ضد مصلحة مصر ونتذكر خيانتهم لعبد الناصر رئيس جمهوريتهم وطبعا الشهيد الراحل انور السادات الذين غدروا به وقتلوه لمجرد اختلاف فى الفكر مع ان ذلك يعتبر ايضا ضد مبادىء الدين وهو الخروج عن الحاكم ولكن كل هذا لا يعنيهم والاكثر من ذلك ان ماقتله اصبح الان بطل سياسى ومناضل ورجل ذو شأن هام , عجبى  وطبعا تحالفتهم المستمرة مع الحزب الوطنى الذين يكفروه الان ويعتبروه فلول حول تقسيم مقاعد البرلمان مع احمد عز والتمريرات التى كانت تحدث من تحت الترابيزة مع حبيب العادلى وزير الداخلية ومع جمال مبارك من تفجيرات وخلافه لالهاء الناس عن تخريب البلد فنراهم تارة مع هذا وتارة اخرى مع ذاك المهم من الفائز بالجولة الاخيرة فيصرحون باانهم ضد الثورة ثم يصرحون انهم مع الثورة بعد اتضاح الرؤية لهم ولأغلب الشعب ان النظام سيسقط ثم ركوب الثورة بشكل واضح ثم موقعة الجمل الشهيرة التى كان يجب ان تدبر على هذا النحو بعد ا...

(القطعة) مرة اسلاميين حبوا يفصلوا دستور راحوا عاملين لجنة تشكل الدستور وسموها جمعية تاسيسية بس لقيوا ناس كتير بتنسحب منها راحوا برضو اصروا وكملوا صياغة الدستور الهزلى من غير القوى السياسيةالمدنية واكتفوا بالقوة الاخوانجية بس وبعد ماطبخوه راحوا مقدمينه للناس , را ح ت الناس ثارت ضده  ملحوظة : الناس اللى ثارت دى طبعا قلة قليلة مندسة من التيار العلمانى الديموقراطى اللى لا يعبر الا عن نفسه :) ورحبت بالدستور كــــــــــــــــــل جماعة الاخوان المسلمين او عشان اكون ادق الجموع المجمعة والحشود المحشدة اللى شوفناهم عند جامعة القاهرة الى جايين باتوبيسات من كل المحافظات من غير مايعرفوا ايه السبب الا نصرة الاسلام وعملواتائيد على اعلى مستوى للدستورعلشان الشريعة ! حتى هتافاتهم كانت للاسلام والشريعة مش للدستور نفسه وجت طيارات هيلكوبتر تصور بتكلفة عالية جدا بس عادى ماكله على قفا المصريين وناس كتير اتصابت فوق ال700 غير الشهداء بس برضو عادى كله من ابناء مصر الابرياء اللى كانوا فاكريين ان فى حرية رأى , بس حرية رأى ايه بعد تهديدات الاعلاميين والضيوف اللى احنا فيه ده ويسيبوا قنوات تانية بتحرض علنى...

زى م ال ألة محتاجة وقت نفصلها فيه عشان الموتور بتاعها ميسخنش وبالتالى تعطل الالة كلها وهنتعطل عليها كذا يوم , وكمان العربية محتاجين نسيبها تبرد شوية لو كنا بيها فى مشوار طويل عشان متقطعش " على حد علمى يعنى انا مليش فى ميكانيكا السيارات اوى" و التلاجة برضو لازم نفصلها كل مدة عشان الموتورم ي سخنش والكمبيوتر لو شغلناه فترة كبيرة بيهنج ويقرفنا معاه ...... الخ احنا البنى ادمين بقى ملناش حق نفصل موتورنا شوية اللى هو اهم موتور فى كل الامثال السابقى د ة ولا احنا مستنيين نهنج ؟! من اول نصحى هنفطر ايه وهنفطر عيالنا ايه وهنلبس ايه وهنلبس عيالنا ايه وهنروح الشغل ازاى وهنعمل ايه ونفكر واحنا فى ب ن شتغل وكلام وتليفونات ومشاوي ر ونفكر فى المستقبل وبكرة والغدا والعشا والمواصلات والزحمة والمصاريف والفصال ....  وكمان نرووح نشغل دماغنا بالسياسة طبعا انا بتكلم على فقة الناس المهتمة بالاخبار اللى بتمسك الجرنال والنت من الصبح وهاتك ياتحليل وبعد كدة نكمل على تقارير اخبارية اما نرووح ونختم بالتوك شواللى اصبح مصدر ثقافة معظم المصريين الى ان نصبح على فجر جديد بااخبار جديدة بتقارير جديدة ومشا...

كان زمان قبل مانتعود على خطابات مرسى كنا بنستناها يمكن كان عندنا امل او كنا متوقعيين انها خطابات بحق وحقيقى او كنا فاكريين بيكلمنا بيها ولكن بعد خطاب والتانى لقينا ان الخطابات دى لا بنفهم منها حاجة ولا بنقدر نتناقش فيها زى ماوعدنا ايام الانتخابات وبتبقى كلها صدمات لينا وله فى الغالب خطابات مرسى دائما تتسم بالارتجالية فهى طويلة وممتدة لانه بيدوورعلى كلام يقوله وبيحاول يسترسل فيه على قد مايقدر عشان منظره قدام نفسه وقدام جماعته انه عمل اللى عليه   ودايما بيخلط العامية بالفصحى لان الكلام بيكون وليد اللحظة  اى حد ينبهه لحاجة وقت الخطاب او يتكلم ب صوت عالى عن حاجة بيزودها للخطاب زى ماشوفنا فى جمعة 23 نوفمبر الللى قاله سوريا راح متكلم عنها شوية  بيحاول يدينا امل مش عنده هو شخصيا فطبعا بيكون وعد مزييف لينا مشتت وغير منظم بدليل انه اتكلم عن حادث اسيوط بمناسبة الحوادث ف ى وقت غير وقتها اصلا وعن وقتها تحدث اقل من دقيقتيين  غير مرتب حتى فى القرارت الهامة مثلما تحدث عن تعويضات اسر ضحايا القطار كان هايقول خمسة وعشري ن وبعد كدة قال عشرين اما يتزنق بيخلع زى ماسمع ح...

عيش وحرية وعدالة اجتماعية ثم المطالبة بالقصاص من قتلة خالد سعيد ثم إسقاط الحكومة ثم عدم قبول الفترة الانتقالية 6 شهور مرورا بإسقاط النظام ثم محاكمته وإلى وإلى وإلى إلى أن تجاوز عدد المليونات كما يقال البعض إلى 160 مليونية كبرى مع إني أصلا لا أعترف بكلمة مليونية لأن مساحة ميدان التحرير كله وفقا لمقاييس مصلحة المساحة بالمتر المربع لا يكفي لمليون فرد ولكن أنا لا أستطيع التحدث عن ذلك ولا حتى أبدي رأيي في ذلك لماذا لا أستطيع قول ذلك ؟ لأني ببساطة حزب كنبة.. فمصر على مر عصورها تشكل بها أحزاب كثيرة منها مع النظام ومنها أيضا من كان ضد النظام حتى إذا كان ضعيفا ولا صوت له أو حتى إذا كان ديكور واسم فقط ليقولوا أن مصر ديمقراطية وبها معارضة فكان يوجد بها أيضا فئة كبيرة منها تنضم لحزب اسمه حزب الكنبة ولكن ماهو هذا الحزب ؟ هو ليس حزب بالمفهوم السياسي ولكن هو حزب بالمفهوم القديم الذي يعني فئة أو مجموعة من الناس تتبنى فكرة معينة وتوافق على رأي معين وطبعا الفكرة التي يتبنوها في الغالب تكون سلبية.. طلبات بلا تنفيذ ولا يسعون لتنفيذها أصلا فهم يريدون الاستقرار ثم الانسياق حسب التيار ال...

كثيرا ماتردد ايام الانتخابات عن المؤامرة الصهيونية او خطة امريكا فى السيطرة على ا ل شرق الاوسط وما علاقة التمويلات القطرية بذلك و لكن تردد ايضا على مخططات امريكا على مساندة الفريق احمد شفيق فى الانتخابات ليفوز بالرئاسة ومن ثم هروب مبارك ورجاله واشياء كثيرة سمعنا عنها منها المنطقى ومنها الخرافى لكن اذا تأملنا الوضع لآستطعنا استنتاج بعض الاحداث مما يدور حولنا لم نكن نتخيل قط مساعدة امريكا لمرسى لنجاحه بالرئاسة ولكن من الم ؤ كد اننا لم نتوقع ذلك بسبب سذاجتنا فقط   ب ف وز مرسى وهو من الاخوان المسلمين التى كانت على مر العصور لها اهداف دائما غير اهداف الدولة او تكون فى م ص ل حة الدولة فذلك يؤدى طبعا الى مساندة القضية الفلسطينية ومنها فتح معبر رفح ومنها نزوح الفلسطنيين والضفة وغزة الى الانفاق التى ستفتح حتما فيدخلون سينا التى فقدت مصر السيطرة عليها بسبب شرطتها المفككة ورئيسها ورئيس وزرائها الغير معنى ابدا بشئون بلده والسعى وراء غزة ومشاكل غزة ومن ثم فيسهل طبعا تقنيين ا ق امة الفلسطنيين مثلما حادث الان ان الرئيس مرسى اعطى الجنسية المصرية ل ثلاثة عشر الف فلسطينى     ...

من غير تفكير ولاتحضير ولا تجميل فى الكلام ولا حتى تزويقه او تنسيقه لان الموضوع مش مستحمل وبيوجع كل انسان عنده دم وبيحس باللى حواليه كل يوم نسمع عن حاجة جديدة مش عارفيين ايه لازمتها اللى يقولى تطبيق شريعة واللى يقول حجب مواقع اباحية واللى يقولى مش عارف ايه ارجوكم فكروا فى اللى عايشيين تحت الكبارى واللى نايميين عالرصفان واللى بيدوروا على اكل فى الزبالة وغيرهم كتيير, بالله عليكم يااللى بتفكروا فى الحاجات الغريبة دى وسايبين ناس زى دول من غير ماتوفرلوهم حياة كريمة نايميين ازاى وضميركم مستريح هى مش الثورة قامت عشان دول اللى انتوا قفزتوا عليها زى الاسد الجعان اللى فض ل جعان مدة كبير ة واول ماشاف فريسة جعلها هى هدفه الوحيد لحد مااقتنصها وحتى مش عارف يوزع منها حتة صغيرة للارنب الجعان اللى معاه فى نفس المكان  يهم ايه واحد بياكل من الزبالة حجب المواقع الاباحية اللى هتكلف البلد 100 مليون جنيه عشان فى الاخر ننزل حتة برنامج بروكسى من ع النت ببلاش يفتح كل ده  طب متأكلوا الناس دى احسن ولا نسيتوا شعار الثورة " عيش وحرية وعدالة اجتماعية " فين الشعار ده دى ناس لا لاقية عيش الا اذا كان فى ا...

سرحت مرة بخيالك كدة شوية لبعيد اوى بس مش لقدام لورا والا انا بس اللى بشطح الشطحات دى انا مش عارف ليه كتيير اوى بش ط ح بخيالى كدة للجدود , يااااااا احساس فظيع جدا دايما بفكر فى جدودى القدام اوى , مثلا كان ليا جد وقت ثورة 19 اكيد , هل شارك ؟ هل كان جبان ؟ هل كان من الاحرار ؟ هل من الخونة ؟ هلى عميل او خمورجى او قمارتى ؟؟ هل كان صديق لسعد زغلول ؟ هل كان بيجلس معهم فى بيت الامة ؟  مش بوصل لأى حل  طب هل كان ايام محمد على موجود فى مصر ولا جاء تهجير من بلد تانية او جاء مع الاتراك ؟ طب هل من اللى كانوا بيربوا شنباتهم زى اللى بيقف عليها الصقر دى مثلا ؟  هل كان مزارع ؟ هل كان اقطاعى هل كان اشتراكى هل كان شيوعى ؟ هل كان متعلم ؟ هل كان جاهل ؟ هل كان مناصر للمراة ؟ هل مع نزولها الحياة العملية ؟ هل ضد المراة ؟ طب فى حد منهم كان بلطجى ؟ كان حرامى ؟ كان سارق ؟ كان رجل دين ؟ كان رجل دولة ؟ مش عارف اوص ل ل أ ى نتيجة لحد ما دماغى بتشت هل حارب ضد التتار ؟ هلى وقف ضد الهكسوس ؟ ممكن يكون مينا موحد القطرين جدى ؟ او ممكن يكون احمس ؟  مش عارف برضو هل كان وقت بناء الاهرامات ف...

" ان فاتك الميرى اتمرمغ قى ترابه " مقولة ملهاش اى 30 لازمة الا لبعض الاشخاص اللى اراهم من وجهة نظرى بلا طموح وبلا هدف موظف الحكومة مصر بها مايقرب من الستة ملايين من موظفى الحكومة يعملون بجميع هيئاتها ويكلفوا الدولة الكثير والكثير من الخساير الناتجة عن الروتيين فى العمل وساعات العمل القليلة واجازات الدولة الرسمية التى ت تجاوز ثلث السنة واجازات الموظفين الخاصة والاذونات والتزويغ وخلافه جميعنا بلا استثناء اضطررنا الى اللجوء للمصالح الحكومية اسفيين من اجل استخراج بطاقة رقمك قومى او شهادة ميلاد او ماشبه واشتكينا مر الشكوى من الموظفين الكسالة " تنابلة السلطان " الذين يرونها أ تة محلولة يأكلونها من كل الجوانب ولا يشبعوا منها و لا اعمم لكى لا اظلم الكل الا انى اخفف على سمعكم واقول ان نصفهم فقط ياخذون الرشوة , فنشاهدهم اما نائمين واما يشربون الشاى واما يقمعون البامية واما يحلون الكلمات المتقاطعة الالتى اتصور انها فى الاساس اخترعت من اجلهم . ماهو طموحهم ؟ يستوقفنى دائما التفكير فى مستقبل الموظف الحكومى هذا فما هو طموحه وما هى تطلعاته فهو موظف يعمل لدى الدولة بسيا...

طل علينا من جديد الفريق احمد شفيق بعد رحلة هروب انتهت بالتحفظ على امواله واموال بناته بسبب قضايا الفساد , الى ان صرح انه ينوى فتح التحقيق فى ملف تزويرالانتخابات وبالفعل فعلها والنائب العام قبل الدعوى لكن لماذا فكرت فى هذا الان سيادة الفريق ؟ هلى هى لعمل زوبعة او لتتحول شهيد اغتيل سياسيا وبالتالى تسقط عنك دعاوى الفساد المقامة ؟ هلى تريد بهذه الحركة خروج امن من قضاياك مقابل التنازل عن دعوى الانتخابات ولكنك اكيد قررت عمل ذلك بعد ما خرج المشير طنطاوى التى اشتريت خاطره لحساب البلد كما تقول ماتنتظر من هذه الدعوة ؟ هل حتى اذا فزت بها ستكون رئيس لمصر ؟ هل الاخوان يتركونك تفعل ذلك ؟ " عشم ابليس فى الجنة " هل سيرفضها القضاة ؟ اكيد سيرفضها القضاة لان بقبول مثل هذه الدعوى وانتصارك فيها حتى لو كان ذلك هو العدل فعلا لا يحدث لانها فى النهاية ستهز بصورة القضاء المصرى امام العالم كله التى بات يترقب اول رئيس منتخب جديد فى مصر فى ظل نظام ديموقراطى جديد  وامام الرأى العام المصرى مما سيفقد ثقتنا بهيبة القضاء هل ستموت مثل عمر سليمان " بأزمة قلبية مفاجأة " ؟ اسئلة كثيرة محتاجة توضي...

الو مساء الخير:) مساء النور ازيك عامل ايه , انا الحمد الله تمام بس مش عارف ميين حضرتك انت مش عارف صوتى  , الحقيقة لأ ليه كدة داحنا نعرف بعض اوى جايز بس حضرتك عارف مشاغل الحياة نسيتنا اسامينا طب انا كنت باكلمك بخصوص حاجة انت كنت طالبها منى امبارح صدقنى مش فاكر اى حاجة من دى خالص يابنى انا ابوك معقول مش عارف صوتى :( .......... ده حالنا بالظبط نطلب الحاجة من ربنا ونستنى نسمع صوت ربنا ونشوف هو عايزنا نعمل ايه فى الموضوع المحتارين فيه ومبنسمعهوش ونفتكران ربنا ناسينا او زعلان مننا او متجاهلنا او مش سامعنا اصلا لكن فى الحقيقة احنا اللى مقصرين جدا مش متعوديين نسمع صوته احنا لا بنقرأ كلامه باأستمرار ولا بنصلى صلواته باأستمرار هانعرف صوته ازاى ؟! احنا دايما اما نيجى نطلب حاجة من ربنا نصلى يوم اواتنيين و ساعات تلاتة لكن برضو ده مش كفاية يخلينا نعرف نمييز صوته لاننا مش متعودين على سماعه . عشان نعرف صوته لازم تحصل عشرة بيننا وبين ربنا بالقراءة والصلاة اليومية احنا محتاجيين نعمل صداقة بيننا وبينه , علاقة محبة بيننا وبينه عشان نقدر نمييز صوته ولومن وسط الف صوت حتى . زى الصديق اللى بنتكل...

كنت قاعد انهاردة بضرب الشاى ابو نعناع فى القهوة التجارية عالبحر وكالعادة اخترت مكان جنب واحد عجوز قاعد لواحد بيسلى نفسه بشد الانفاس على اساس انى انكشه فى اى حديث والسلام اكيد ياهستفاد ياهتسلى وقد كان كلمة من هنا على كلمة من هناك نكشته فى موضوع غلق المحلات الساعة عشرة اللى عايزيين يطبقوها فى مصر فبيقولى انتوا يابنى ومتزعلش منى جيلك م ده بيحب الصرمحة وملوش فى الشغل فيها ايه لو قفلوا كله من الساعة 10 ولا بالكتير  12  عالاقل تروحوا الشغل فايقيين , قولتله طبعا ياحج على اساس انك فاكر ان الأغلبية هى اللى بتشتغل مش الفئة العاطلة , عمل نفسه مش سامع قولتله بص ياحج الصراحة قرار كويس لكن توقيته مش كويس وكمان الهدف منه زى مابيتقال كلام هجس راح قالى ليه قولتله  او لآ: بيقولوا ان القرار ده معمول لتوفير الطاقة بالرغم من كل كشافات النور بتبقى منوورة الصبح عالطريق اكتر من مابتنور بالليل كمان وانا بنفسى مصورها فى اكتر من مكان بالموبايل  ثانيا : هتحل ازمة ال مرور ازاى وهى هتخلى التكدس كله من الصبح لحد الساعة 10 يعنى هتقلل عدد ساعات اليوم الفعلية ثا لثا ورابعا وخامسا بقى ...

 تخبل كدة لو فى يوم صحيت ولقيت نفسك عايش فى الخمسينات ياسلاااااااااااام على ده احساس صباح الخيريا يابا, صباح الخير ياماما ,صباح الخير ياعالية يردوا ويقلولى صباح النور ياأنور, مين هيجيبلنا الفطار انهاردة انا يا بابا طب يلا انزل هات لينا طبق الفول وهات لطنط تحية طبق عشان جوزها مسافر وهاتها تفطر معانا , حاضر يابا صباح الخير ياعمو متولى عايز طبقين فول بالزيت الحار اتفضل ياحبيبى اتفضل قرش ياعمو نطلع ونفطر كلنا مع بعض عالسفرة محدش مشغول بموبايله ولا لاب توبه ولا الهوا قاعدين بناكل ونتكلم مع بعض و كله تمام التمام ويروح بابا لابس بدلته الصوف وانا البس بدلتى ام شورت وساحبيين الطرابيش لحد ماماما واختى يلبسوا فساتينهم وننزل سوا نمشى فى شوارع القاهرة جميلة وفاضية ونضيفة اوى اوى طب صدقونى انا كان بيتهئلى ان عامل النضافة كان بيقف تحت الشجرة يلم الورق اللى بيتساقط على طول قبل ماينزل على الارض من نضافة الشارع والعربيات قليلة والعوادم مفيش والعراك متلاقيش والله كانت حاجة اخر ألاجة نروح المدرسة انا وعالية متوحشين مدرسينا اللى بنحبهم وصحابنا اللى فى المدرسة وحوشنا الطويل العريض اللى كان اد الاست...

ا نا هبدأ الموضوع ده بحاجة غير السلام عليكم لآنها متوقعة ب صراحة  انا بقلد الفنان احمد حلمى فى الفكرة بتاعته ت لائيكو بتسئلوا نفسكم هى ايه الفكرة ؟ ث علب مكار انا لحد دلوقتى مقولتش الفكرة ايه هى ج ميل ان نكون لينا اسلوب مختلف فى الكتابة حتى لو اتناولنا نفس الفكرة ح ابب اقولكم على الفكرة دلوقتى وهى انى بقلد احمد حلمى لآن اول مقالة ليه كانت عبارة عن 28 حرف ابجدى بيبدأ بيه كل جملة متركبة على بعض وبتدينا فى الاخر معنى خ دتوا بالكم معايا ياشباب د ورت كتير على افكار فى دماغى صحيح لقيت, لكن حبييت اتحدى نفسى  انى اقدر من نفس الفكرة اطلع حاجة مختلفة ذ لك لآن الفكرة شدتنى وانا اعترف بما فيه الكفاية انى سارقها ر وحت  ماسك الورقة والقلم وابتديت  اكتب الحروف ز ادت منى شوية الجمل مع انى كنت فاكر انى مش هاعرف اعملها خالص س يبتها للظروف وبدأت اكتب من غير ماافكر ش ايفيين اد ايه جميل اننا نحاول نعبر عن اللى جوانا مهما شافوا الناس انها حاجة مش مهمة ص برت على نفسى كتير عشان  اعرف ازاى اوصل فكرتى للناس بطريقة سهلة ض دى كان فيه ناس كتيير قالولى ده عب...

مين فيكم لما كان بيشوف فيلم طاقية الاخفا بتاع عبد المنعم ابراهيم مكنش بيجى فى باله ان تطلع له الطاقية دى , بس ياترى اللى كان بيتخيل ده كان بيتخييل انه بيستخدمها فى ايه ياترى خلى بالك انا حددت فيلم طاقية الاخفا بالذات ومجبتش سيرة خاتم سليمان ولا مصباح علاء الدين ولا حتى الفانوس السحرى ولا العفريت ولا حاجة من دول خالص .. ليه ؟ لان الطاقية هى الحاجة الوحيدة اللى هتخليك تعمل كل اللى انت عايزه من غيير ماتتكسف من العفريت ولا حد يقولك انت شرير ولا انت طماع ولا حتى هايئنب ضميرك بس بجد بقى لو انت كان معاك الطاقية دى كنت هاتعمل بيها ايه , هل هاتعمل زى عصفور فى الفيلم كل اللى هيمهك ساعتها ازاى تنول رضا حبيبتك وتسعدها وده يارييت يحصلى انا شخصيا ولا حتى هتحاول تحقق طموحك ونجاحاتك فى شغلك اللى بقى بيتطلب اساليب ملتوية مينفعش تحققها غير بالطاقية دى ولا هاتحاول تجيب حق مظلوم ولا تنصف برىء ولا تساعد حد من غير ماتجرحه وتكشف عن نفسك ولا ايه ولا ايه , مصارف الخير كتير والحمد لله ولا هاتبقى عايز تبقى زى امين " توفيق الدقن " كل اللى فكر فيه الطمع فى الفلوس والمكسب السريع والسرقة اللى...

كل يوم على الله اصحى بدرى واتكل عالرزاق وانزل جوه دماغى اخد صنارتى واروح ضارب بنطة زى مابيسميها الصياديين ,احاول اصطاد حاجة , واللى مش فاهم هاوضحله دلوقت حالا دماغى هى البحر وانا الصياد والصنارة هى قلمى والسمك طبعا افكارى والمركب تبقى ورقتى .. وبعد مالرؤية وضحت وكله بقى عالمكشوف ندخل بقى  جوه البحر شوية ساعات بصطاد سمك كويس برميه طعم عشان يجيب سمك اجمل واجمل وساعات اكتر بصطاد سمك ملوش اى 30 لازمة برميه البحر تانى وساعات تانية بصطاد سمك فاسد مميت مقدرش احطه فى المركب لحسن نروح فى داهية وانا احب امشى جنب الحيط وطول مانا مفتح عينى بكون ماشى جوه دماغى وبقول رزقنا عليك يارزاق والمش ظريف فى الموضوع انى طول مااناراكب المركب بلاقى اسماك الذكريات اللى بنحاول ننساها تطلع قدام عينى لكن معلش الدنيا مش كلها وردية . لازم نشوف المر عشان نعرف نجيب الحلو وعشان نعرف نصطاد حاجة حلوة لازم نصبر ونصبر ونغوط اكتر واكتر عشان نلاقىاحلى سمك واهم حاجة فى كل ده ان لازم يكون البحر هادى , يعنى المزاج يكون رايق عشان نعرف نطلع سمك يعجب الاكيلة معلش انا حاولت اصطاد سمك انهاردة لقيت المركب بتقولى ماتك...

التيتى للبلياردو ده اسم معروف لناس كتيير اوى اوى اوى من الاسكندرانية او اللى بيمشى على طريق مصر اسكندرية كله , لكن مفيش مانع برضو اعرف بيه الناس اللى مش عارفاه التيتى للبلياردو ده يااخوانة طبعا باين من اسمه انه محل بيجهز ترابيزات البلياردو فى اسكندرية وكل الناس تعرف الاسم لكن تقريبا محدش يعرف المكان فين اصلا المهم التيتى ده ياجدعان كاتب اسمه على كل حيطان اسكندرية وتحت كل كباريها وفى كل مواقف المشاريع وتقريبا كدة بين الاعلان والتانى مفيش نص متر لكن احنا بنقرا وادينا ساكتيين وملناش دعوة اهو صحيح تلوث بصرى بس اتعوودنا عليه لكن بقى اما يمسحوا كل الجرافيتى اللى عالحيطان اللى هو رسومات مرسومة او مطبوعة على الحيطة بطرق جمالية معينة بتعبر عن الثورة وشهداء ااثورة ويقولوا عشان نضافة الشوارع مع انها شكل حلو والله والناس بتحب تتصور جنبها , ويسيبولنا اعلانات تانية ملهاش اى لازمة الا لصاحبها بس ومكتوبة على الحيطة مش على ملصقات حتى بغض النظر عن ايه محتوى الاعلان اللى هو مش دوا ولا اكل حتى ممكن فئة كبيرة تستفاد منه , ده بقى يبقى اسمه ايه ؟ عايز تشيل شيل كله يااما تسيب كله وانا لو عليا اش...

طول مانا ماشى فى الشارع والعربيات ورايا بيب بيب حاجة تقرف هو من حقهم يكلكسولنا كدة ستيين كلكس فى الثانية من 60 عربية مختلفة وكلكسها مختلف على حبة كلاكسات بتاعت موتسكيلات وساعات برضو يخش فى النص اصوات عربيات الكارو اذا كان اللى راكبها ولا صوت الحمار اللى جاررها ولا صحيح انا ليه زعلان ,  دول هما اللى المفروض يمشوا فى الشارع واحنا نمشى عالرصيف , بس ازاى نمشى عالرصيف , لا مش قصدى ان فى رصفان ارتفاعها نص متر الشباب نفسه ميقدرش ينزلها ولايطلعها   لكن قصدى ان المحلات فارشة الرصيف كله بضاعة  وباقى الرصيف مفروش بضاعة من غير محلات .  طب ده حقهم ؟ اكيد لأ, طب ده حقنا اننا نمشى فى الشارع ومش عالرصيف اكيد لأ؟ , طب من حق العربيات تكلكس عمال على بطال ؟ اكيد لأ برضو  امال نعمل ايه طيب عشان نترحم من صداع الكلاكسات ده وربنا يتوب علينا من اسبرين الصداع اللى بنسفه عمال على بطال ده هو احنا ممكن نساعد بعض لو كل واحد يجى على نفسه حبة نونوخالص ..  العربيات تكلكس فى اضيق الحدود والمحلات تستغل الرصيف فى اضيق الحدود والناس اللى ماشية على رجليها تمشى عالرصيف اما تجيلها الفرص...

ساعت عيل ظريف كدة يستظرف على حبة عيال فى المدرسة و يشوف اى تصرف يتعمله العيال دول بشكل مضحك ماهو ظريف بقى فمثلا عيل من العيال دى يكون بيجرى بسرعة وفجاة هوب اتكفى على وشه فيجى صاحبنا ده يضحك عليه وممكن واحد تانى يصعب عليه وعلى فكرة برضو اللى صعب عليه الواد ده مش شرط يكون رخم , وجهة النظر احنا بنشوف الحاجة ازاى بسخرية , بتفاوؤل , بااكتئاب , بنفاق .. كل واحد على حسب فممكن عمنا مرسى يكون بيعمل تصرفات كتيير ناس تشوفها مضحكة وناس تانية تشوفها تصرفات رئيس جديد لسه تحت التمرين وناس تقول فى أمل وناس تانية تقول أمل دى تبقى خالتك , لكن خلى بالك برضو زى ماانت بتشوف كدة فى ناس تانية كتيييييييييييير هاتشوف اى تصرف صغير اوى اوى حتى لو كان قد الفسفوسة انه انجاز عظيم وهما دول اللى بيطبلوله فازى ماانت بتسخر من ولاحاجة والناس بتقول عليك هايف فى كمان ناس بتطبل من ولا حاجة والناس بتقول عليها منافقيين .. زتونة الموضوع  احنا نخلى بالنا كويس ونتعلم نوزن الأمور بميزان وسط لا نكون من اللى بيسخروا اوى ولا كمان نكون من اللى بيطبلوا اوى

بين كل عركة والتاينة مش حرف الواو للاسف لكن بين العركة والتانية عركة او على الاقل مشادة , احنا ليه مبقناش طايقيين بعض ولا مستحمليين بعض ,, ده الغريب كمان ان الناس بتتلم فى العركة مش عشان تسلك ده عشان تتعلم ازاى تبقى بجحة وتتعلم لها كام شتيمة من اللى بيترصوا ورا بعض بسرعة دول ..  فيين اخلاق زمان زى ماكنا بنشوف فى الافلام الابيض واسود الرجالة بيحترموا السيدات والاطفال بيحترموا الكبار , هى دى نتيجة للعولمة ولا الاهالى مبقتش عارفة تربى  هى طبعا مش من العولمة لان العولمة دى غزت العالم كله ولسه البلاد دى بخير لكن انا بقول ان الاهالى مبقتش فاضية تربى كله مشغول بلقمة عيشه ولو عنده وقت فاضى بيشتغله برضو فى شغلانة تانية ماهو مطحون ومش مكفى , طب بما انه مطحون فبرضو يبقى خلقه ضيق ومش طايق نفسه وليه حق يتعارك عمال على بطال  انا صراحة التمستلهم العذر وهانزل اتعارك زييهنم لآن انا واحد منهم " يالا ياض ياابن التيت من هنا "

أصحى الصبح أشرب القهوة مظبوط ومظبوط جدا كمان وأروح الشغل من نفس السكة وبنفس المواصلة وأكيد لو كان معايا عربية كنت هاحب أركن في نفس المكان بتاع كل يوم واشتغل نفس الشغل.. وحتى أما أطلع أجيب سندوتشات في البريك بتكون من نفس الراجل اللى هو أصلا بيبيع نفس الحاجات وأخلص في نفس المعاد وأروح بنفس الطريقة وأروح آكل وأخد حمامي وأتفرج عالتلفزيون اللي بيجيب نفس الأفلام والمسلسلات والإعلانات أو حتى الأخبار الكئيبة اللى شبه بعض.. ولو مكنش تلفزيون يبقى فيس بوك بتعليقاته بصوره بناسه ولو لسه فيا الرمق شوية أروح نازل على الكافيه وأشوف نفس الناس وأشرب نفس المشاريب أوووووف…. حاجة تطهأ. روتين روتين ياعم ليه حابس نفسك فيه من غير ما تجدد ؟ ماتعمل كل اللي نفسك فيه ومتقولش قيود ومتقولش اتعودت, متستسهلش متقولش كسلان ….. طب اسكت شوية بقى.. أنا مبقولكوش انتوا أنا باكلم نفسي أصل أنا مريض بداء الروتين ده بس لازم نفكر سوا نتغير إزاي.. فيها إيه لو بدل القهوة المظبوط تخليها سادة ولا حتى زيادة ولا أقولك نغيرها خالص ونشرب عصير ايه المشكلة يعني ونروح الشغل من سكة تانية مختلفة حتى لو صحينا بدرى عشر دقايق...

3 2 1 اكشن ببدا اول مدوونة كلاكيت اول مرة لكن مش اول مرة فى الكتابة ممكن نعتبرها كلاكيت 1000 مرة بس الكلام فى المدونة يبقى اجدع وليه طعم تانى شبه الاكل اللى بالسمنة الفلاحى مش اللى بالزيت ولا النباتي انت حر فيما لاتضر كلمة كتيير سمعتها وكنتش عارف انفذها فيين عشان كدة اخترت اعمل مدونة عشان اكتب الى انا عايزه من غير ما اضر حد  فانا هنا هاكتب اللى يجى فى دماغي واللى يخطر على بالى لا هارتبط بقيود ولا هارتبط بقواعد لغة ونخلى اهل العلم للعمل واهل المدونات للمدونات كتبنا وطبعا اللي مبيعحبوش كلامي بيقفل مدوونتى فاانا مش هاضره واوعدكم انكم لا هتلاقوا شتايم ولا هتلاقوا وقاحة على قد مااقدر ان شاء الله فعايزين كدة نبدا مع بعض بداية عسل عشان تكون ايامنا الجاية بيضة مع بعض  سلاموز