ياريتنى كنت فضلت نايم

-
 تخبل كدة لو فى يوم صحيت ولقيت نفسك عايش فى الخمسينات ياسلاااااااااااام على ده احساس
صباح الخيريا يابا, صباح الخير ياماما ,صباح الخير ياعالية يردوا ويقلولى صباح النور ياأنور, مين هيجيبلنا الفطار انهاردة انا يا بابا طب يلا انزل هات لينا طبق الفول وهات لطنط تحية طبق عشان جوزها مسافر وهاتها تفطر معانا , حاضر يابا
صباح الخير ياعمو متولى عايز طبقين فول بالزيت الحار اتفضل ياحبيبى اتفضل قرش ياعمو
نطلع ونفطر كلنا مع بعض عالسفرة محدش مشغول بموبايله ولا لاب توبه ولا الهوا قاعدين بناكل ونتكلم مع بعض و كله تمام التمام ويروح بابا لابس بدلته الصوف وانا البس بدلتى ام شورت وساحبيين الطرابيش لحد ماماما واختى يلبسوا فساتينهم وننزل سوا
نمشى فى شوارع القاهرة جميلة وفاضية ونضيفة اوى اوى طب صدقونى انا كان بيتهئلى ان عامل النضافة كان بيقف تحت الشجرة يلم الورق اللى بيتساقط على طول قبل ماينزل على الارض من نضافة الشارع والعربيات قليلة والعوادم مفيش والعراك متلاقيش والله كانت حاجة اخر ألاجة نروح المدرسة انا وعالية متوحشين مدرسينا اللى بنحبهم وصحابنا اللى فى المدرسة وحوشنا الطويل العريض اللى كان اد الاستاد ونقعد ناخد حصصنا لحد مابابا يعدى علينا هو وماما ياخدونا معاهم على النادى احنا وطنط ماجدة عمتى وولادها ايمن وابراهيم نلعب سوا كلنا كورة ونتغدى هناك وبابا وجوز عمتو وماما وعمتو يشربوا الشاى بتاعهم مع الكيك الانجليزى فى تراس النادى وهما اخر انسجام وبعديها نروح ننام شوية صغيرة عشان نصحى نذاكر شوية ونعمل الواجب اللى ادهولنا مدرسينا بعد ماشرحلونا من قلبهم بكل ضمير والله " ربنا يباركلهم يارب " قبل مانتلم كلنا احنا والجيران فى الشقة نسمع الراديو سوا على حفلة الست زى ماكنا متعوديين . فعلا صدق اللى قال ان الموسيقى دى غذاء الروح ياجدعان بتنقى القلب وتسمو بالمشاعركدة
ونتمزج اخر مزاج مببقاش عايز اليوم يخلص خالص بس النوم سلطان بقى فأانام على حجر ماما وانا بسمع الراديو. اظن مفيش روقان احلى من كدة وتصبحوا على خير بقى بكرة يوم جديد
لكن اصحى الصبح على اصوات المهرجانات وباياعيين الكارو اقول يااااااااااااه ياريتنى كنت فضلت نايم

تعليقات

إرسال تعليق

المشاركات الشائعة من هذه المدونة

الطفاسة

-
صورة
تخش كارفور تلاقى ناس متعرفش تعدهم من كترتهم عماليين يعبوا فى اكل بالكراتين وعصاير بالبكتات وكأن مثلا كارفور هيقفل بكرة او الناس هتاكل كل الكميات دى فى وقت واحد , ولا تتفرج كدة على محلات السندوتشات والناس واقفة عليها طوابير كل واحد طالب بالخمس ست ارغفة اقل واجب لو اعتبرها تصبيرة يعنى  تفتكر دى تبقى ايه ؟؟ طفاسة ... الناس بتقول على اللى بيعمل التصرفات دى طفس , بس برضو الطفاسة حلوة مفيش كلام لكن الطفاسة فى الرياضة فى العلم فى الثقافة فى المعرفة ..... لكن احلى طفاسة هى الطفاسة فى الحياة مع ربنا عندنا عدد مبينتهيش من كل انواع الاكل فى الحياة الروحية هنلاقى الاجبية والصلوات والقرايات والقداسات والالحان وغيره وغيره كتيييير اوى اللى مهما كنا طفسيين بلغة العالم مش هتكفينا ولا هنشبع ولا هنبطل اكل من الحاجات دى لانها طفاسة لا بتجيبلنا تخمة ولا هتتخنا لا بتتقل حركتنا لكن بالعكس ده الاكل الوحيد اللى كل ماناكل منه نزيد فرح ونزيد محبة ونزيد نورمن جوانا وبرانا واللى يثبتلك كلامى ده ان كلام ربنا احلى اكل يتاكل بولس الرسول قال عنه من الاف السنين " وجدت كلامك كالشهد فأكلته " وده لاهو اكل مك
قراءة المزيد

الفتور الروحى

-
صورة
ايه هواهم قرار اخدته فى حياتك؟! تفتح مشروع ..... تحب ... تتجوز ...كل دى قرارات فعلا مهمة ومصيرية فى حياتك لكن مفيش قرار من دول هو القرار الأهم فى حياتك .. لأن اهم قرار فى حياتك هو... انك تقوم من ضعفك قوم من ضعفك وعيد حساباتك مع ربنا من جديد وشوف حبك لربنا هل هو موجود فعلا بالتصرفات ولا ده مجرد كلام  , هل حبنا لربنا كبير ولا كبير اوى ولا كبير اوى وى بننفذ وصاياه بحب ولا لأ ؟ كل دى اسئلة مهمة محتاجين دايما كل فترة نسئلها لنفسناعلشان نقدر نعرف احنا عندنا فتور روحى ولا لأ , احيانا كثيرة بنحس ان بقى عندنا فتور روحى بنصلى بملل بنحضر قداسات عشان نشوف اصحابنا وبنقرا فى الانجيل اهو تضييع وقت وخلاص وبندفع عشور لانها بقت مجرد عادة .. لكن ده بيكون فتور فى الحياة الروحية ولازم نحس بخطورته واننا محتاجين نفوق لنفسنا بسرعة منه قبل مايطول معانا ويبقى التخلص منه اصعب شوية من الأول , فلو حياتنا الروحية لمبة والتراب كل مادا وبيكترعليها من غير ماحنا نمسحها نورها هيقل شوية بشوية وترابها هيكتر ويلصق عليها وننسى انها كانت منورة زمان او انها كانت لمبة اصلا , كويس اننا نعترف بده لكن لازم كمان نشتغل عليه و
قراءة المزيد

يوسف الصديق

-
صورة
من زمان وانا بستغرب جدا من قصة يوسف الصديق وكل مرة اجى اكتب عنها مقدرش او معرفش ,, قصة غريبة فعلا وكانت اكتر حاجة تستوقفنى الاية المتكررة فيها دائما " كان الرب مع يوسف فكان يوسف رجلا ناجحا " مكنتش قادر اعرف فين ربنا مع يوسف طول حياته قبل الملك حوالى 13 سنة من خيانة من اخواته وبيعه وعبوديته وسجنه .... وكل ده كان الرب مع يوسف لحد ماقررت اوسع مداركى شوية واقرا فيه يااستفاضة وتوسع واسمع عنه اكتر لعلى استفيد حاجة ولقيت الاتى ممكن يكون كلام مش جديد للكل ولكن أسرد فيه بعض تأملاتى الخاصة ان يوسف ده هو المسيح فى العهد القديم بسبب رداءه الملون اغتاظ اخوته منه وخلعوه ردائه ورموه فى البئر الخاو من الماء مثله مثل القبر وايضا المسيح خلعوه رداءه وصلبوه ورموه فى القبر أخوته هم من خانوه مثل يهوذا تلميذ المسيح اتباع بالفضة  والمسيح ايضا اتباع بالفضة وحينما رموه فى البئر خطط بنياميين لسرقته بعد انصراف اخوته مثلما كانت تود المريمات فجر الاحد خطة الفداء للبشرية اتحققت كيفما رسمها الله ايضا احلام يوسف تحققت مثلما حلمها بالظبط سن يوسف وقتما اصبح ملكا وتحقق حلمه وسجد له اخوته و
قراءة المزيد