طاقية الاخفا
مين فيكم لما كان بيشوف فيلم طاقية الاخفا بتاع عبد المنعم ابراهيم مكنش
بيجى فى باله ان تطلع له الطاقية دى , بس ياترى اللى كان بيتخيل ده كان
بيتخييل انه بيستخدمها فى ايه ياترى
خلى بالك انا حددت فيلم طاقية الاخفا بالذات ومجبتش سيرة خاتم سليمان ولا مصباح علاء الدين ولا حتى الفانوس السحرى ولا العفريت ولا حاجة من دول خالص .. ليه ؟
لان الطاقية هى الحاجة الوحيدة اللى هتخليك تعمل كل اللى انت عايزه من غيير ماتتكسف من العفريت ولا حد يقولك انت شرير ولا انت طماع ولا حتى هايئنب ضميرك
بس بجد بقى لو انت كان معاك الطاقية دى كنت هاتعمل بيها ايه , هل هاتعمل زى عصفور فى الفيلم كل اللى هيمهك ساعتها ازاى تنول رضا حبيبتك وتسعدها وده يارييت يحصلى انا شخصيا ولا حتى هتحاول تحقق طموحك ونجاحاتك فى شغلك اللى بقى بيتطلب اساليب ملتوية مينفعش تحققها غير بالطاقية دى ولا هاتحاول تجيب حق مظلوم ولا تنصف برىء ولا تساعد حد من غير ماتجرحه وتكشف عن نفسك ولا ايه ولا ايه , مصارف الخير كتير والحمد لله
ولا هاتبقى عايز تبقى زى امين " توفيق الدقن " كل اللى فكر فيه الطمع فى الفلوس والمكسب السريع والسرقة اللى فى الغالب بتقود للقتل وتربص الناس ليك بسبب غضب ربنا عليك وان كل همك الحقد والحسد وازاى تفسد على الناس فرحتها ونجاحتها .
انا متهيئلى ان كلنا دلوقتى بنقول لا طبعا عايزيين نكون زى عصفور بس ده ببقنا بس لكن كل واحد من جواه وفى عقله الباطن بعيدا عن الناس بيفكر ازاى هايكون زى عم امين ده
بس بزيادة الايمان واننا نعرف ان ربنا هو اللى مقسملنا حياتنا وكل واحد مكتوب له رزقه لحد مايموت ومدينا اللى بينفعنا بس مش كل اللى بنتمناه وان كل فرصة بتكون من ربنا واحنا المفروض نستغلها ونشتغل عليها هنفضل طيبيين بقيمنا الجميلة بتاعة زمان واخلاقنا الرائعة وترابطنا ومساعدة كل واحد لااخوه زى عصفوركدة بالظبط
خلى بالك انا حددت فيلم طاقية الاخفا بالذات ومجبتش سيرة خاتم سليمان ولا مصباح علاء الدين ولا حتى الفانوس السحرى ولا العفريت ولا حاجة من دول خالص .. ليه ؟
لان الطاقية هى الحاجة الوحيدة اللى هتخليك تعمل كل اللى انت عايزه من غيير ماتتكسف من العفريت ولا حد يقولك انت شرير ولا انت طماع ولا حتى هايئنب ضميرك
بس بجد بقى لو انت كان معاك الطاقية دى كنت هاتعمل بيها ايه , هل هاتعمل زى عصفور فى الفيلم كل اللى هيمهك ساعتها ازاى تنول رضا حبيبتك وتسعدها وده يارييت يحصلى انا شخصيا ولا حتى هتحاول تحقق طموحك ونجاحاتك فى شغلك اللى بقى بيتطلب اساليب ملتوية مينفعش تحققها غير بالطاقية دى ولا هاتحاول تجيب حق مظلوم ولا تنصف برىء ولا تساعد حد من غير ماتجرحه وتكشف عن نفسك ولا ايه ولا ايه , مصارف الخير كتير والحمد لله
ولا هاتبقى عايز تبقى زى امين " توفيق الدقن " كل اللى فكر فيه الطمع فى الفلوس والمكسب السريع والسرقة اللى فى الغالب بتقود للقتل وتربص الناس ليك بسبب غضب ربنا عليك وان كل همك الحقد والحسد وازاى تفسد على الناس فرحتها ونجاحتها .
انا متهيئلى ان كلنا دلوقتى بنقول لا طبعا عايزيين نكون زى عصفور بس ده ببقنا بس لكن كل واحد من جواه وفى عقله الباطن بعيدا عن الناس بيفكر ازاى هايكون زى عم امين ده
بس بزيادة الايمان واننا نعرف ان ربنا هو اللى مقسملنا حياتنا وكل واحد مكتوب له رزقه لحد مايموت ومدينا اللى بينفعنا بس مش كل اللى بنتمناه وان كل فرصة بتكون من ربنا واحنا المفروض نستغلها ونشتغل عليها هنفضل طيبيين بقيمنا الجميلة بتاعة زمان واخلاقنا الرائعة وترابطنا ومساعدة كل واحد لااخوه زى عصفوركدة بالظبط
تعليقات
إرسال تعليق