28 حرف غير بتوع احمد حلمى

انا هبدأ الموضوع ده بحاجة غير السلام عليكم لآنها متوقعة

بصراحة  انا بقلد الفنان احمد حلمى فى الفكرة بتاعته

تلائيكو بتسئلوا نفسكم هى ايه الفكرة ؟

ثعلب مكار انا لحد دلوقتى مقولتش الفكرة ايه هى

جميل ان نكون لينا اسلوب مختلف فى الكتابة حتى لو اتناولنا نفس الفكرة

حابب اقولكم على الفكرة دلوقتى وهى انى بقلد احمد حلمى لآن اول مقالة ليه كانت عبارة عن 28 حرف ابجدى بيبدأ بيه كل جملة متركبة على بعض وبتدينا فى الاخر معنى

خدتوا بالكم معايا ياشباب

دورت كتير على افكار فى دماغى صحيح لقيت, لكن حبييت اتحدى نفسى  انى اقدر من نفس الفكرة اطلع حاجة مختلفة

ذلك لآن الفكرة شدتنى وانا اعترف بما فيه الكفاية انى سارقها

روحت  ماسك الورقة والقلم وابتديت  اكتب الحروف

زادت منى شوية الجمل مع انى كنت فاكر انى مش هاعرف اعملها خالص

سيبتها للظروف وبدأت اكتب من غير ماافكر

شايفيين اد ايه جميل اننا نحاول نعبر عن اللى جوانا مهما شافوا الناس انها حاجة مش مهمة

صبرت على نفسى كتير عشان  اعرف ازاى اوصل فكرتى للناس بطريقة سهلة

ضدى كان فيه ناس كتيير قالولى ده عبط وسيب الكتابة لناسها بس انا اصريت

طبعا مش لآنى عنيد ولامبيهمنيش كلام الناس لكن لانى مؤمن ان لكل واحد فينا هدف مهما كان غريب او صغيير بيصر عليه غير اى هدف تانى ممكن يحصل حسب الظروف

ظلمونى ناس كتيير قالولى انت بتعمل كدة عشان الناس تقول عليك مشهوروهاتبقى مغرور والبؤين الحمضانين دول

على فكرة انا من وانا صغير ايام المدرسة مكنتش فالح فى حاجة فى العربى غير كتابة مواضيع التعبير

غيرت كتير من اللى فى سنى وبيكتبوا كتب وبينشروا مقالات انى ليه مكنش زييهم

فبدأت اقرا كتيرعن كل حاجة وفى كل المجالات عشان يكون عندى حصيلة معلوماتية ولغوية اقدر اتكلم فيها

قولت لنفسى ان السؤال والكتاب هو الطريق الذهبى الوحيد للمعرفة ومفيش حاجة هتنفعنى غير كدة

كل مرة كنت باكتب فيها او اقرا فيها كتب زيادة كنت باحس انى ملك زمانى جوه مملكة كبيرة جدا ليها اب وام شرعيين هما الورقة والقلم

لذلك انا حابب اقول انهاردة انك لازم يكون ليك هدف تتمسك بيه مهما قويت عليك الظروف وانا عارف ان ده مش سهل لكن يكفيك شرف المحاولة

مهما فشلت فااعلم جيدا ان  اللى مش بيفشل ده عمره ماهينجح على طول الخط لان الفشل بنتعلم منه لكن النجاح مجرد بيمر علينا وخلاص وزى ماايديسون قال انا لن اقول انى فشلت 1000 مرة ولكنى اكتشفت 1000 طريقة تقود للفشل

نيجى دلوقتى للمهم مين فينا من اول ماكتبت الموضوع ده فكر فى الموهبة اللى عنده ؟

هنبدأ سوا كلنا نفكر عندنا ايه ونعرف ايه كتابة , رسم , قراءة , غناء , عزف فااوجه الابداع كتيرة جدا واحنا علينا الاختيرا والممارسة

واخيرا احب ماكونش طولت عليكم انهاردة لكن كان فى فكرة فى دماغى وكنت عايز انفذها والحمد الله تمت على خير

لأ فعلا مكنتش اتخيل انى هاعرف اكتب من كل حرف جملة ولكنى اعتقد انها نجحتولا كنت اتخسل فى يوم ان الحرف ده ممكن نبدأ بيه جملة

يأتى الان اخر سطر فى رسالتى دى وهى السلام عليكم ورحمة الله وبركاته