خطابات محتاجة ترجمة

كان زمان قبل مانتعود على خطابات مرسى كنا بنستناها يمكن كان عندنا امل او كنا متوقعيين انها خطابات بحق وحقيقى او كنا فاكريين بيكلمنا بيها ولكن بعد خطاب والتانى لقينا ان الخطابات دى لا بنفهم منها حاجة ولا بنقدر نتناقش فيها زى ماوعدنا ايام الانتخابات وبتبقى كلها صدمات لينا وله فى الغالب
خطابات مرسى دائما تتسم بالارتجالية فهى طويلة وممتدة لانه بيدوورعلى كلام يقوله وبيحاول يسترسل فيه على قد مايقدر عشان منظره قدام نفسه وقدام جماعته انه عمل اللى عليه  
ودايما بيخلط العامية بالفصحى لان الكلام بيكون وليد اللحظة 
اى حد ينبهه لحاجة وقت الخطاب او يتكلم بصوت عالى عن حاجة بيزودها للخطاب زى ماشوفنا فى جمعة 23 نوفمبر الللى قاله سوريا راح متكلم عنها شوية 
بيحاول يدينا امل مش عنده هو شخصيا فطبعا بيكون وعد مزييف لينا
مشتت وغير منظم بدليل انه اتكلم عن حادث اسيوط بمناسبة الحوادث فى وقت غير وقتها اصلا وعن وقتها تحدث اقل من دقيقتيين 
غير مرتب حتى فى القرارت الهامة مثلما تحدث عن تعويضات اسر ضحايا القطار كان هايقول خمسة وعشرين وبعد كدة قال عشرين
اما يتزنق بيخلع زى ماسمع حد بيتكلم عن الدستورية راح قال حان وقت صلاة المغرب
دائما يختار المكان والتوقيت والاشخاص الذين يسمعونه ليصفقون له غير مهتم بشباب الثورة ولا المكان ولا اى حاجة 
المفروض خطاب رئيس الجكهورية اصبح محط انظار العالم لانه اول رئيس منتخب فى مصر يكون منظم وكلماته مقصودة ومعنية ونافذة مثل السهم
ولكن لاحياة لمن تنادى