انا حر

  لانه هلكذا احب الله العالم حتى بذل ابنه الوحيد لكى لا يهلك كل من يؤمن به الاية دى مؤثرة جدا جدا ومهمة بس المرة دى انا مش عايز ابين قوتها فى الخلاص ولكن علشان نتكلم عن قوة المحبة اللى ربنا عمله ده هو اكبر دليل عن الحب وانه بيحبنا عشان كدة ضحى من اجلنا طيب هل احنا كمان بنحب الله ؟ طبعا بنحب الله وبدون اى تفكير طيب فكر شوية .. مش محتاجة تفكير بقولك طيب اللى بيحب حد هو بيحافظ على مشاعره وبيخاف على زعله وبيدرس كويس اوى ايه ممكن يزعله عشان يبعد عنه وايه ممكن يفرحه عشان يعمله وكل الحاجات دى موجودة فى وصاياه وفى الانجيل وكلنا حافظنها وعارفينها المشكلة كلها اننا اتدلعنا اوى عليه عارفين انه بيحبنا فخلاص بنقول دى هاتزعله صحيح بس من محبته هايفوتها ولو عملنا دا هايزعل شوية بس هايعدى ويسامح فانكبر دماغنا ونغلط اكتر ونزعل اكتر واكتر ماخلاص بقى حب مكتسب نمتلكه اننا نزعل ربنا اى وقت ونكسر وصاياه فى اى وقت وده مش صح ابدا.. لان لو رجعنا بقى للاية الاولانية اللى اتكلمنا عليها فازى مابتبين حب ربنا لينا كمان حذرت من لايؤمن به بالهلاك (لكى لايهلك كل من لا يؤمن به) واللى مش بيؤمن بربنا دا مش...

  هل فعلا حياتنا كلها فى علم الغيب ولا ربنا مخطط لنا طب ولو ربنا مخططلنا فعلا ممكن يبقى خططه احلى ولا احنا لينا الحق انا ننشاركه فيها مش عارف كلام كتير بيدور ف دماغى عن الموضوع دا ومش بعرف الاقيله اجابة واضحة بس اللى انا توصلتله بعد تفكير عميق ومئات من فناجين القهوة لقيتنى وصلت للاتى اكيد احا خليقة ربنا فاربنا مش خالقنا عشان يبهدلنا ف الارض مش هو دا هدفه دا احنى حتى ولاده وعلشان احنا ولاده ربنا عايز يشوفنا احسن الناس بس ارجع واقولك انه بما انه اب ممكن يكون احسن حاجة هو شايفنى فيها ا مش حاسس نفسي فيها وهنا اتأكدت ان ربنا عندنا خطط وخطط بديلة – بلان 1 و بلان 2 واكتر ودا أكدلى ان مفيش حاجة فى اسمها فى علم الغيب فاكله محسوب عند ربنا مين فينا مامرش بتجربة زى الثانوية العامة اللى كان نفسه يدخل كلية هندسة وفى الاخر لقى نفسه فى تجارة ولا اداب اللى هما برضو حلويين بس بعيد عن حلمه وبعد مادخل التجارة واتخرج لقى نفسى اشتغل فى وظيفة مكنش يحلم بيها ولا بقى مبسوط فى حياته زى ماكان هايبقى دكتور ولا مهندس مين فينا كان نفس يرتبط بحد ولكن ابونا بعده عننا واتقابلنا مع حد تانى وارتبط...

  الناس كلها مزعورة من الأحداث اللى بتحصل حواليها على مدار الساعة تطورات جديدة وخطيرة من وباء لأرتفاع أسعار لحرب لأرتفاع أسعار لتعويم سعر الصرف لأرتفاع أسعار وزى ماشوفتوا كدة أرتفاع الأسعار دايما هو القاسم المشترك لكل حاجة بتحصل  حوالينا طيب ليه ؟ لأن أى كارثة بتأشر بشكل ملحوظ على العرض والطلب يعنى الطلب يفوق العرض بكتير لو قولنا وباء فالوباء قفل موانىء وقلل عمالة وعمل ربكة فى حركة التجارة العالمية فزادت الأسعار طب لو جينا للحرب هتلاقى  الحرب الروسية الأوكرانية قللت كتير جدا من اتصدير النفط والقمح والحبوب وعباد الشمس واللى أدت بدورها  لتضخم كبير وزى ماعلمونا فى الاقتصاد ان طول مالطلب أكبر من العرض الأسعار هاتبقى فى السما طيب أيه اللى حصل فى سعر الصرف وازاى وليه ؟! اللى حصل فى سعر الصرف هو تحرير سعر الصرف يعنى ترتبط العملة ارتباط مباشر بقوى العرض والطلب مما ينتج عنه تحديد سعر العملة فاطبيعى سعر الجنيه هايقل مقابل الدولار لان الطلب يفوق العرض بمراحل طب وليه مرتبط العرض والطلب هاقولك انا طول مالطلب كتير هاينتج عنه تضخم فى سعر السلع يعنى بالبلدى لو فى 5 تفاحا...

  من حسن حظنا اننا نمتلك كنز ذهبى .. عهدين عهد قديم وعهد جديد ممتلئيين   أحداث مهمة   كتيرة لتذكرنا بقوة وأهمية الصلاة   لنتأكد ان عندنا اله حى بيستجيب   لقوة الصلاة على سبيل المثال وليس الحصر سدوم وعمورة وكم الصلوات اللى ربنا سمعها من أبونا أبراهيم ليوقف غضبه و مايهلكش الأرض وقد ايه ربنا استجاب له كذا مرة لكن الشعب رفض وقتها الاستجابة   لوصايا الله طوفان نوح وازاى كانت سفينة نوح دى هيا الأساس اللى أتبنى على شكله كل الكنايس   فى العالم كله هيا كانت سبب النجاه لناس كتير أمنوا بوعود الله (علشان نتعلم أن فلك نوح بعج أن صار كنيسة يلتجأ اليها كل المؤمنين ليروا مجد الله ) ربنا كان مع داوود ضد جليات الجبار , كان موجود مع الفتية الثلاثة فى أتون النار , كان موجود مع يوسف   الصديق فى البئر وفى السجن وغيرهم الكثير   ... قوة الصلاة نقلت جبل المقطم فى عهد سمعان الخراز .. أنزلت المطر فى وقت أيليا النبى , سدت أفواه الأسود مع دانيال النبى .. أخرجت يونان من بطن الحوت وأقامت أبن الأرملة وليعاذر من الموت .. الأحداث كتير لن استطيع سردها كلها والا ا...

الكورونا هى ازمة عالمية شرسة مدمرة بتنتشر فى العالم بشكل مرعب أصابت مايقرب 10% من سكان الكرة الارضية حتى الأن ولكن كما تعلمنا أن دوام الحال من المحال وأن من بدء الخليقة أعتادنا على كوارث طبيعية وغير طبيعية على سبيل المثال وليس الحصر (حروب – أوباء- زلازل – أعاصير- براكين و ... ) ولكن كلها تنتهى و العالم يستقر من جديد لكن ماشكل التغيير هذه المرة وشكل العالم الجديد ؟ أسئلة تشغل بال الكثيريين مما يفكرون ويحاولوا قراءة المستقبل ولا يشغل الكثيريين مما يتمنون المرور بالأذمة لرجوع الأوضاع كما هى فقط دون تغيير بالطبع لأ , اذا بحثت فى ال تاريخ ستجد الحروب العالمية الأولى والتانية أظهرت دول وسحقت دول تانية كان لها ثقلها وكيانها وهيمنتها فى المنطقة حتى فى الحروب الصغيرة مثل حرب اكتوبر والأنفتاح   الأقتصادى اللى عقبه وأيضا قنبلة هيروشيما وناجزاكى كارثة اليابان الكبرى التى تعافتت منها ورجعت من أكبر الدول الرائدة فى الأبحاث والأختراعات والأجهزة التى وأن جاز التعبير نطلق عليها كوكب منفصل بذاته هو كوكب اليابان طبعا وغيرها وغيرها مثل أمريكا الشابة حديثة النشأة التى أصبحت من أكبر الك...

زعر الكورونا فى ظروف التوتر والقلق اللى احنا فيها دى محتاجين كل حد فينا يعمل فيديو ايجابى او بوست ايجابى او صورة ايجابة حتى لو ماساعدش فى نشر اخبار تسبب قلق للناس فدى حاجة ايجابية برضو اولا افتكروا ان ربنا هو ضابط الكل وان احنا ولاده وكل أب حنين على ولاده عمرك شوفت اب قاسى ؟ داوود قايل عنه فى المزامير انه ينجيك من فخ الصياد ومن الوبأ وداوود على فكرة قايل ده عن تجربة حقيقية لأن اما ربنا حب يعاقبه خيره بين 3 أختيارات فى صمويل التانى 24 ربنا خيره بين مجاعة او هروب من شاول او وبء فاختار الوبأ لانه فضل ان يقع فى مراحم الله   التى لا تنتهى هو راهن على حنية ربنا دى قرصة ودن خفيفة اوى من ربا علشضان نرجعله بعد مانسناه بحجة مشاغل الحياة طب الدراسة اجازة والشغل اجازة والصحاب اجازة والكافهات والمطاعم وغيره وغيره وكله اجازة قاعد فى البيت لوحدك انت وهو وبس وماعتقدش دى حاجة صعبة ! ثانى حاجة وهى مهمة جدا العالم كله اتفق علها وهى اننا نقعد فى البيت لعدم تفشى المرض , اقعد فى البيت من اجل سلامتك وسلامة اهلك وسلامة حبايبك لأنك بشكل غير مقصود ممكن تصاب بالكورونا بعد الشر وتعدى بي...

لو انت شارى موبايل هوواوى او بتفكر تجيب موبايل هوواوى او حتى لاب توب هوواوى فأنت محتاج تعرف ايه اللى حصل  موضوعنا يتلخص أن شركة جوجل اللى بتدعم أنظمة أندرويد لكل الموبايلات تقريبا ماعدا أجهزة أيفون  رفعت أيدها عن دعم أجهزة هوواوى واونور ودا مش بمزاجها ) دا قرار من الأدارة الأمريكية ومن الرئيس ترامب شخصيآ ومش شركة جوجل بس لكنه يخص جميع الشركات الأمريكية المتعاملة مع الشركات الصينية وستظهر تباعآ .. يعنى أيه  يعنى أى جهاز من دول خلاص مش هاينزلوا تحديث تانى بعد أندرويد p اللى هو أحدث حاجة من جوجل بسالتحديث اللي بعده Q مش هايوصلهم .. لكن هاينزلوا تحديثات حماية داخلية من هواواى نفسها , لكن دا مايديش أى ميزة لأنظمتها نهائيأ طب ودا يشكل خطر فى ايه ؟ دا مايمثلش خطر كبير للناس اللى بتغير موبايل كل سنة او اتنين لانهم لو أكتر من كدة مش هايكونوا up to date بالجديد اللى نازل  ... المشكلة الكبير فعلا للى اشتروا أجهزة هوواوى الحديثة زى ال p30 برو او mate 20 اللى تمنهم يوصل 20 ألف جنيه فهو كدة مضطر يغيروا بعد فترة مش طويلة علشان مش هايقدر يستفاد بخصائص نظام كويس هو دافع م...

انا هاحكى قصتى وطالب منكم تعذرونى مانا اسمى حتة منى اصل معنى اسمى يعنى مضغوط , انا بيلاطس الملك اللى الناس كانت فاكرة معايا سلطان او ليا كلمة مسموعة   والحقيقة لا عرفت أستغل دا ولا دا قدمولى المسيح احاكمه وانا أصلا خايف منه   أول ماقالولى بيقول عن نفسه ابن الله وانا اترعبت مراتى قالتلى اياك وهذا البار انا حلمت حلم وبقولك دا برىء ماتحكمش عليه دا بار بس انا كمان معذور اتحطيت ف حيرة ماهو لازم احكم عليه عشان ماخسرش اليهود ,   دول كلهم كانوا مستنيين قرارى بالصلب ويوم ماحاول أشوف حل أهرب بيه علي هيرودس أهو كان هو اللى يشيل ذنبه بس هيرودس للأسف رجعولى تانى وكأنه   كان مستنى يشوف حكمى عليه أذاى ... مش ممكن كان أمتحان منه ولو محكمتش أنا كان طيرنى من الحكم   ! فابقى اليهود من ناحية وهيرودس من ناحية .. لازم اكسب رضى اليهود وادى لهيرودس ثقة   فيا انى بعرف احكم بس انا بينى وبين نفسى كنت خايف وحاولت اهرب فجلدته ولبسته اكليل الشوك عشان اطلعه لليهود وهو فى قمة الاامه جايز كان يصعب عليهم ويقولى كفاية كدة لكن للاسف ماكتفوش كانوا مفتريين أوى ف طلبهم ...

  مشهد سينمائى استئذنك تعيشه معايا علشان نعرف نحط له العنوان المناسب ليه رايح كارفور فى عز السقعة اجيب هدوم العيد علشان اريح دماغى من اللف بين المحلات والفصال ووجع القلب مع انى عارف ان اسعاره ضرب عالقفا لا هيا قيمة الهدوم ولا غيره بس ماعلينا .. انا باكلها بمزاجى واهي مرة تفوت ولا حد يموت المهم رايح على هناك ومعدى من تحت كوبرى شوفت ولد صغير قاعد عالرصيف من اللى بيتقال عليهم شحاتيين او متسوليين بس الولد ده من كتر التعب والجوع والسقعة وقلة النوم فمبقاش قادر حتى يطلب اكل من حد بصوت عالى , كل اللى كان قادر يعمله ان يعييط بصوت عالى وبشحتفة كهل مسن هتموته من عزمها .. ماهو محدش سائل فيه الكل ملهى فى واتسابه ومكالماته واللى راكب عربيته مشغل كاسيته وملهى فى مزيكته محدش باصص على حد والكل مغيبب مع نفسه عايش فى اغنية ابلة فاهيتة مايستهلوشى... يعنى فضلت اراقب المشهد ده حوالى ربع ساعة كدة بس مفيش حاجة اتغيرت لا الولد سكت ولا الناس عبرته مشيت انا كمان والمنظر معكننى .. مجتمع قاسى مبيقولش غير يالا نفسى دخلت كارفور وشوفت مجتمع تانى خالص مغيبب برضو , الكل ماشى يبعزق بالميات او الالافات على شوية هدوم ...

عمرك جربت قبل كدة تخرج عن نطاق اصدقاؤك وتخرج وسط ناس جديدة متعرفش منهم ولا حد علشان تعرف هما بيفكروا ازاي او عايشيين ازاى ..جايز تتعلم منهم طريقة تفكير مختلفة او تشوف فيهم نهاية سكة تفكير ماشي فيها وترجع عنها بدل ماتكملها تجربة جميلة صدقني لو مافادتكش فهي مش هاتضرك. انا عن نفسي باحاول اعملها من وقت للتاني علشان زى ماتقول كدة أعمل شوبينج للأفكار الجديدة وأعرف برضو أفكارى عالموضة ولا لأ المهم عايز اشرككم معايا في موقفين صغيريين حصلولي في يوم واحد أتعلمت منهم كتير في يوم كدة أخدت بعضي بعد صلاة الضهر ونزلت علي منطقة شعبية كدة لاداعي لذكر أسمها وقعدت علي قهوة متواضعة مع شوية ناس حلوة معرفهاش ، طلبت قهوتي وقعدت العب دومينو وسط ناس مقضية كل حياتهم في لعب دومينو شوية وطاولة وشوية وأحيانا كوتشينة أو وقت المتشات يبقوا انتباه هياكلوا التلفزيون بعينيهم .. اللي شغال منهم أرزقي اليوم بيومه واللي علي باب الله واللي موظف حكومة ومزوغ من شغله او الي منهم عالمعاش فالاشكال مختلفة والمستويات التعليمية والمادية مختلفة برضو ، لكنهم مجتمعيين علي حاجة واحدة بس هي سياق الحديث فكل واحد منهم بيتحدث عن ماضي...

امريكا دائما من اكثر بلاد العالم تقدما ولها الريادة فى كثير من الاشياء فرغم حداثة سنها الا انها دائما سباقة لألف خطوة وليس خطوة واحدة .. من صناعات وافكار او حتى فى الحروب والخراب والدمار فهى السباقة فى ذلك ايضا لانستطيع انكار انها انها البلد الاولى فى العالم من حيث الحريات وهى تستحق لقب بلد الحريات فعلا كما يطلق عليها ولكننا تعلمنا منذ حداثتنا ان الحرية يجب ان تكون مشروطة او مسئولة , قبل ان تتوقف فى القراءة لانك اكيد تداركت انصياع الحديث الى موضوع جواز المثبلين فى أمريكا , فأطمنك انا ليس لى رأى فى ذلك الموضوع وكل ماأفعله هو عصف ذهنى او حديث للعقل بين مؤيد ومعارض اولا احب اتكلم فى هذا الموضوع بشقيين وتفكيريين مختلفيين وليس تفكير واحد فقطفا أمريكا لا تعارض من يتعرى فى الشوارع والمياديين ولا تحاكم الزناه وتبيح بيع الخمر فى المحلات التجارية ومصرح بها وبيع الحشيش او الماريجوانا فى بعض الولايات والمقاطعات فالمثل المعمول به فى بلاد الحريات " انت حر فيما لا تضر " والموضوع ده من وجهة نظرها هى ومن وجهة نظر المثليين المطالبيين بحقوقهم ماهو الا حرية حتى ان كان...

صباج الفل عالكل ..  انهاردة موضوعنا خطير اوى اوى , وميستحملش مقدمات ولا حتى السلامات  .. بيقولك ياسيدى مسكوا مطعم مشهور بيقدم لحم حمير !! وبعديها اتوصلوا لمورد الحمير دى اللى لقوا عنده اكتر من 100 حمار مدبوح و جاهز للتوريد , وفى اشاعات ان الراجل اعترف انه بيورد الحمير دى لاشهر محلات البلد .. طبعا الواحد سمع الخبرده وقرف من نفسه اوى وطلع يجرى عالمراية يشوف ودانه طولت ولا طلع له ديل ممممم .. أو يتكلم شوية كدة ويسمع نفسه هاينهق ! هاينعر !! , بس اما ملقاش كل ده قرف شوية واشمئذ وقعد يشييرعالفيس بوك شوية ويشجب ويستنكرشويتيين وبما اننا جبنا سيرة الشجب والاستنكار فزيينا زى الجكومة شجبنا واستنكرنا وخلاص ......  طب ولا حد فكر برضو ان لو كان هيحصل له كدة علشان أكل لجم حمار طب مامش بنكاكى ليه اما ناكل فراخ أو مش بنمأمأ ليه اما ناكل الضانى ؟! , ولا مصيبة لا فى مرة تطلعنا ليّه  :) ايه هو ضرر لحم الحمير ياسادة ؟؟ ومين اللى خوفكوا من لحم الحمير !  طبعا احنا لاقرينا أبحاث ولا حتى معلومات ولا اى حاجة ـاكد ضرر او فايدة أكله,  ومين قال اننا مكلناش قبل كدة لحم حمير ؟ وأ...

افتكروا معايا كدة من كام سنة مشهد من فيلم عمارة يعقوبيان للاديب الكبير علاء الاسوانى , لما جه طه يقدم ورقه فى كلية الشرطة وكان مناسب فى كل حاجة ومؤهل لدخول الكلية .. الا انهم شافوا فى الملف بتاعه ان ابوه بيشتغل حارس عقار فرفضوه فى وقتها ؟؟ " والدك بيشتغل ايه ياطه .... حارس عقار ...... شكرا ياطه " والمقابلة انتهت على كدة وحياته توقفت من المشهد د ه ساعتها محصلتش ضجة ولا اى حد اتكلم عن المشهد او الموقف ده وكان كل اللى شغل رأى النقاض انهم اذاى يطلعوا شخصية زى حاتم الشاذ فى الفيلم لانه نموذج غير موجود فى المجتمع او تكاد فئة قليلة لا تذكر بس ده طبعا للأننا مجتمع بيحب شوية الكلام وشويتيين يحب يهرب من الواقع المفروض عليه بس المرة دى حصلت ضجة كبيرة اوى على تصريحات وزير العدل علشان صرح بعبارة كدة مكنش ينفع تتقال حتى لو صح ان " ابن الزبال لايصح ان يشتغل قاضى" بس فعلا ده الواقع فى مصر وعمر ماهيجى ابدا يوم فى مصر يكون قاضى او ظابط او حتى وظيفة دبلوماسية او غيرها فيهم حد من الفئة دى من المجتمع  وغلط الوزير الوحيد انه كان على قدر عالى جدا من الصدق مع النفس والشفافية جايز ده...

العمر لحظة لا يدركها كل من هو بعيد عنها ولن يختبرها الا من نجى من موت محقق ولكن لن يشعربها فعلا الا من هو انتقل عن عالمنا فهو اقدر شخص على وصف تلك اللحظة ولكنه لايستطيع وصفها لنا او حتى ينصحنا بما رأى او حدث او يعطينا من خبرته فى تلك اللحظة فهو الوحيد الذى كان بين موته وحياته تلك اللحظة ففى لحظة كان بتنفس واسمه مسجل فى دفاتر الاحياء واللحظة التى تلتها اصبح اسمه فى تعدادا الموتى  يالها من من لحظة قاسية فهل تظل الروح مرفرة لدقائق بعد الوفاة ؟ وهل ترصد كل مايدور حولها ؟ هل يرى المتوفى ولو لثوان معدودة اخر مشهد فى حياته ولما يدور حوله من حزن عليه او كل من يحاول اسعافه وافاقته او حتى من يشمت به او من ينتظر لحظته هذه للفوز بأرثه او مكانه فى العمل ؟ هل لو مات غرقا روحه تظل تنادى على من ينقذ او مات برصاصا روحه تشاور على قاتلها ؟ لا اعرف ......... هل يرى فعلا ملاك الموت ؟ هل يسمع صوت الله وقتها ! هل شعر بنزوله الى مسواه الاخير وهل يصرخ بصوت غير مسموع الا فى الفضاء الاخر ولا احد يسمع توسلاته ان لا تتركوه وحيد فى القبر او انه خائف من الحساب او يخاف من الدود او حتى لايستطييع تحمل ريحة ال...

كل سنة وانتم طيبيين واللى مستنى فيكم يعرف مين شخصية العام السنة دى او حظه للعام القادم او خط سير الكواكب وطريق الابراج , يبقى ممكن تسئل نفسك كام سؤال كدة عالماشى لو جاوبت عليهم يبقى كمل مسيرتك فى الاتجاه الغريب ده والله يباركلك وان شاء الله مسيرك هتصدق ان فى حاجة اسمها خطة ماشى عليها وواقع انت رسمته لنفسك .. ولو لقيت انى معايا حق فى كلامى ومش عارف تجاوب على السؤالين تلاتة اللى جايين دول يبقى لازم تعمل حاجة مهمة اوى فى حياتك كل اخر سنة وهى كشف حساب :) انت عارف انت برج أيه فى كل بلاد العالم او معظمها او حتى بلدين منها بس ؟ انت عارف انت ليه البرج ده واتسمى كدة ليه وبيرمز لأيه ؟ هو انت لسه بتؤمن بالحظ وان الواقع هو اللى بشكلنا مش احنا اللى بنخلق الواقع ؟ انت لسه بتؤمن بالحظ والنصيب ومتعرفش ان فى حاجة اسمها اجتهاد !! انت لسه مستنى ناس تمشيك ورا كلامها وميبقاش صوتك من دماغك ومن تجارب اللى سبوقك وخبراتهم ؟ انت فاكر اصلا مين شخصية السنة اللى فاتت واللى قبلها عشان تستنى شخصية السنة دى ؟ لو انت شايف ان كلامى صح يبقى كمل قراية , ولو مش شايف ومش عايز تكمل يبقى كتر خيرك ونشوفك على خير فى ال...