بيلاطس ..

انا هاحكى قصتى وطالب منكم تعذرونى

مانا اسمى حتة منى اصل معنى اسمى يعنى مضغوط , انا بيلاطس الملك اللى الناس كانت فاكرة معايا سلطان او ليا كلمة مسموعة  والحقيقة لا عرفت أستغل دا ولا دا

قدمولى المسيح احاكمه وانا أصلا خايف منه  أول ماقالولى بيقول عن نفسه ابن الله وانا اترعبت

مراتى قالتلى اياك وهذا البار انا حلمت حلم وبقولك دا برىء ماتحكمش عليه دا بار

بس انا كمان معذور اتحطيت ف حيرة ماهو لازم احكم عليه عشان ماخسرش اليهود ,  دول كلهم كانوا مستنيين قرارى بالصلب ويوم ماحاول أشوف حل أهرب بيه علي هيرودس أهو كان هو اللى يشيل ذنبه بس هيرودس للأسف رجعولى تانى وكأنه  كان مستنى يشوف حكمى عليه أذاى ... مش ممكن كان أمتحان منه ولو محكمتش أنا كان طيرنى من الحكم  !

فابقى اليهود من ناحية وهيرودس من ناحية .. لازم اكسب رضى اليهود وادى لهيرودس ثقة  فيا انى بعرف احكم

بس انا بينى وبين نفسى كنت خايف وحاولت اهرب

فجلدته ولبسته اكليل الشوك عشان اطلعه لليهود وهو فى قمة الاامه جايز كان يصعب عليهم ويقولى كفاية كدة

لكن للاسف ماكتفوش كانوا مفتريين أوى ف طلبهم

فكرت اخيره بينه وبين باراباس القاتل فعلا والكل مجمع على أجرامه كان ممكن يقوله اطلقه هو مش اطلق براباس لكن برضو اليهود اصروا وكانهم متفقين مع هيرودس ومستنينى وأنا بقول خلاص خلاص أصلبوه

كان لازم أحكم عليه بالصلب علشان الكل يرضى عنه .. بس لما قالى الذى ارسلونى لك لهم خطية أعظم منك حسيت انى كمان انا هارتكب جريمة كبيرة فى حقه وف حقى

لكن سامحونى مقدرتش اعمل غير كدة وحاولت أريح ضميرى وغسلت ايدى بالميا وقولت بلسانى انا برىء من دم هذا البار  جايز يتغفرلى ذنبى

لكن يظهر انى كنت بضحك على نفسى

بضحك على نفسى ف السلطان اللى كان عندى اللى كنت أفقدر استخدمه ماهو مسموحلى استخدمه  فأنا ليا حرية التصرف بس ماستخدمتوش واتسلطت عليا حاجات تانية شوفتها اهم

بس قبل مانت تحكم عليا ومتتعاطفش معايا فربنا برضو مديلك نفس السلطان انك تنتصر باسمه وتدوس على كل غالى وثمين من وجهة نظرك وهو بس وحده اللى دفع التمن , وعلشان هو قاضى عادل فاهو اول واحد استخدم سلطانه دا على نفسه ورضا بالحكم اللى اختارته أنا صاحب السلطان ونفذه لأنه أختيارة وقرارى  , ربنا مديك قوة كببرة وسلطان انك تقوم وتنتصر وتهزم كل خطية واقفه قدامك بس الدور والباقى  عليك انت انك تقوم وتحاول

هل هتحاول وتقوم وتقع وتقوم تانى .؟

ولا مجرد هاتغسل ايدك وتقول انا حاولت وعملت اللى عليا لكن الظروف كانت اقوى ...