المجتمع والناس البيئة

افتكروا معايا كدة من كام سنة مشهد من فيلم عمارة يعقوبيان للاديب الكبير علاء الاسوانى , لما جه طه يقدم ورقه فى كلية الشرطة وكان مناسب فى كل حاجة ومؤهل لدخول الكلية .. الا انهم شافوا فى الملف بتاعه ان ابوه بيشتغل حارس عقار فرفضوه فى وقتها ؟؟
" والدك بيشتغل ايه ياطه .... حارس عقار ...... شكرا ياطه " والمقابلة انتهت على كدة وحياته توقفت من المشهد د ه
ساعتها محصلتش ضجة ولا اى حد اتكلم عن المشهد او الموقف ده وكان كل اللى شغل رأى النقاض انهم اذاى يطلعوا شخصية زى حاتم الشاذ فى الفيلم لانه نموذج غير موجود فى المجتمع او تكاد فئة قليلة لا تذكر
بس ده طبعا للأننا مجتمع بيحب شوية الكلام وشويتيين يحب يهرب من الواقع المفروض عليه
بس المرة دى حصلت ضجة كبيرة اوى على تصريحات وزير العدل علشان صرح بعبارة كدة مكنش ينفع تتقال حتى لو صح ان " ابن الزبال لايصح ان يشتغل قاضى"
بس فعلا ده الواقع فى مصر وعمر ماهيجى ابدا يوم فى مصر يكون قاضى او ظابط او حتى وظيفة دبلوماسية او غيرها فيهم حد من الفئة دى من المجتمع 
وغلط الوزير الوحيد انه كان على قدر عالى جدا من الصدق مع النفس والشفافية جايز ده بسبب طبيعة عمله كقاضى لكن بنفس القدر كان عنده غباء اجتماعى شديد جدا انه يصرح بتصريحات زى دى على مرءى ومسع الكل 
ليه بقى مكنش ينفع يقولها قدام الناس ؟؟
طبعا لاننا مجتمع منافق
كلنا جرينا عالجملة دى وازاى يقول كدة ؟ مفيش ديموقراطية فى البلد ؟ فين العدالة الاجتماعية ؟ البلد مش هاينصلح حالها ؟ تفرقة عنصرية .... ومش عارف مين , لكن كله كلام عالورق
هل احنا فععلا مؤمنين بالكلام ده ؟!
كل الشركات الكبيرة والمتوسطة مش حتى معظمها او الشركات الصغيرة اللى عايزة تمشى على نفس نهج الشركات الكبيرة علشان تختار موظفينها لازم تملى ابليكشن تانى خانة فيه على طول هى وظيفة الاب والام , لانها بتدور طبعا على مستوى تربية مناسب وبتدور كمان على المدارس اللى اتعلم فيها كانت حكومة زى عامة الشعب ولا خاصة ؟ 
ولا هنروح بعيد ليه ونلف بالموضوع بعيد .. ماهى الجوازات ماشية من زمان بالطريقة دى انت جاى تناسب مين واهلك شغالين ايه عشان يعرفوا مستواك لايق مع مستواهم ولا لأ , ولا اشهر جملة بتتقال فى مصر " انت مش عارف انا ابن ميين  ؟ "
أحنا اصلا مجتمع طول عمرنا عنصرى وبننافق نفسنا قبل الناس ونحب بس نحط سكر عالوش علشان الناس تشوفنا حلويين ومتقدميين .. الفئة دى ممكن نحبها اه ونتعاطف معاهم اه لكن من بعيد لبعيد , ووقت الجد مش هنقعد فى قهوة بيقعدوا فيها ونقعد احنا فى كافيهات فايف ستارز ولا هناكل فى مطعم اى كلام علشان أمثالهم بياكلوا فيه ويارييت كدة لو نروح نسكن فى كومباوندس بعيد علشان يبقوا جيراننا ناس هاى ونبعد بقى احنا عن الناس البيئة دول 
هنفضل ولسه مكمليين مجتمع منافق