زعر الكورونا

زعر الكورونا

فى ظروف التوتر والقلق اللى احنا فيها دى محتاجين كل حد فينا يعمل فيديو ايجابى او بوست ايجابى او صورة ايجابة حتى لو ماساعدش فى نشر اخبار تسبب قلق للناس فدى حاجة ايجابية برضو

اولا افتكروا ان ربنا هو ضابط الكل وان احنا ولاده وكل أب حنين على ولاده عمرك شوفت اب قاسى ؟

داوود قايل عنه فى المزامير انه ينجيك من فخ الصياد ومن الوبأ وداوود على فكرة قايل ده عن تجربة حقيقية لأن اما ربنا حب يعاقبه خيره بين 3 أختيارات فى صمويل التانى 24 ربنا خيره بين مجاعة او هروب من شاول او وبء

فاختار الوبأ لانه فضل ان يقع فى مراحم الله  التى لا تنتهى

هو راهن على حنية ربنا

دى قرصة ودن خفيفة اوى من ربا علشضان نرجعله بعد مانسناه بحجة مشاغل الحياة

طب الدراسة اجازة والشغل اجازة والصحاب اجازة والكافهات والمطاعم وغيره وغيره وكله اجازة

قاعد فى البيت لوحدك انت وهو وبس

وماعتقدش دى حاجة صعبة !

ثانى حاجة وهى مهمة جدا العالم كله اتفق علها وهى اننا نقعد فى البيت لعدم تفشى المرض , اقعد فى البيت من اجل سلامتك وسلامة اهلك وسلامة حبايبك لأنك بشكل غير مقصود ممكن تصاب بالكورونا بعد الشر وتعدى بيه حد من غير ماتحس ويروح منك انت ويأذى الشخص التانى

طب ليه هاتخسر ايه لو قعدت فى بيتك الفترة دى .. محدش طالب منك لا فلوس ولا مجهود ولا تطوع ولا اى حاجة

دى من كام سنة بس كان بيطلبوا من الناس انه يتطوعوا فى الجيش عشان الحرب مش بيتحاول عليك أنك تأنتخ !

استغل وقت فى حاجة مفيدة أقرا أكتب أرسم أقعد مع أهلك وسيب البلد تشتغل علشانك ماتطعطلهاش

وماتقولش اللى عايزه ربنا هاكون واحنا مش عاملين اللى علينا .. ربنا بيبارك فى عملنا مش بيعمل غصب عننا

ربنا ماكانش محتاج الخمس خبزات والسمكتين عشان يشبع الجموع , مكانش محتاج التلاميذ يدخلوا للعمق علشان يملا شبكهم سمك , كان قادر يوقف هياج البحر وهو نايم فى السفينة كان يقدر يقوم لعاذر من غير مايروحله

اقعد مكانك وسيب الباقى عليه هو بيبارك فى عمل بلدك