مشكلة هوواوى

-
لو انت شارى موبايل هوواوى او بتفكر تجيب موبايل هوواوى او حتى لاب توب هوواوى فأنت محتاج تعرف ايه اللى حصل 
موضوعنا يتلخص أن شركة جوجل اللى بتدعم أنظمة أندرويد لكل الموبايلات تقريبا ماعدا أجهزة أيفون  رفعت أيدها عن دعم أجهزة هوواوى واونور ودا مش بمزاجها ) دا قرار من الأدارة الأمريكية ومن الرئيس ترامب شخصيآ ومش شركة جوجل بس لكنه يخص جميع الشركات الأمريكية المتعاملة مع الشركات الصينية وستظهر تباعآ .. يعنى أيه 

يعنى أى جهاز من دول خلاص مش هاينزلوا تحديث تانى بعد أندرويد p اللى هو أحدث حاجة من جوجل بسالتحديث اللي بعده Q مش هايوصلهم .. لكن هاينزلوا تحديثات حماية داخلية من هواواى نفسها , لكن دا مايديش أى ميزة لأنظمتها نهائيأ

طب ودا يشكل خطر فى ايه ؟ دا مايمثلش خطر كبير للناس اللى بتغير موبايل كل سنة او اتنين لانهم لو أكتر من كدة مش هايكونوا up to date بالجديد اللى نازل  ... المشكلة الكبير فعلا للى اشتروا أجهزة هوواوى الحديثة زى ال p30 برو او mate 20 اللى تمنهم يوصل 20 ألف جنيه فهو كدة مضطر يغيروا بعد فترة مش طويلة علشان مش هايقدر يستفاد بخصائص نظام كويس هو دافع مبلغ كبير فيه علشان يتمتع بالخصائص دى

طب فيها أيه لو هوواوى نزلت نظام تشغيل خاص بيها ؟؟

يقال أن هواوى شغالة على نظام خاص بيها من سنين طويلة ويقال أن جاهز للأنطلاق خلال فترة مش طويلة , لكن السؤال هنا .. هل هاتقدر تنافس اندرويد IOS ! ولا هاتنهار ويجصلها زى اللى حصل لنوكيا وبلاك بيرى قبل كدة ؟
طب أيه موضوع اللاب توب هواواى ! هاقولك برضو نفس نظام الموبايل بس من شركة intel وعلي فكرة هوواوى عاملة حساب اليوم دا من 2012 وعاملة ماركت خاص بيها اسمه app gallery وبدأت تدعمه من 2016 

مشكلة كمان من شركة Arm الأمريكية اللي بتصنع سيماتيرية المعالجات واللي بدورها بتصنع معالجات هوواوى كدة مش هاتقدر تدعمها كمان بالمعالج

ملحوظة مهمة أن شركة هوواوى مش مهتمة بكل اللي بيحصل دا وبتعلن أنها أد التحدى وحتي مش محتاجة الفرصة اللي مدياهالها أمريكا 

القرار هايبدأ تطبيقه يوم 19 أغسطس 2019

طب ليه حصل كل ده 
هو ده مربط الفرس ليه حصل كدة ...

الاسباب الخفية والظاهرة كتير لكن اهم مايقال عنها

1- ان هوواوى توحشت فى السوق جدا جدا وشغالة عال 5G (الجيل الخامس من سرعة الأنترنت ) ودا يميزها فى السوق بشكل قوى

2- صراعات تناحرية بين اقوى كيانين اقتصاديين فى العالم ( أمريكا والصين) , فبعد أنتصار شركة كواليكوم الخاصة بتطوير معالجات أبل على أبل وثبوت حقها فى براءات الأختراع على أبل مما جعل الصين يمنع أجهزة أبل الحديثة من بيعها وتشغيلها فى السوق الصين , مما أدى الى خسائر فادحة لشركة أبل لأن الصين تلت سكان العالم وتعتبر مستهلك شرس لمنتجات أبل 
جعلت أبل تتربص وتضييق الخناق على شركة هوواوى الصينية الى أن أكتشفت عناصر جاسوسية من شركة هوواى تعمل لصالح الصين مما جعلها بدورها تمنع استخدام وبيع شركة هوواوى فى السوق الأمريكى 

الجدير بالذكر أيضا أن شركة أنتل الخاصة بمعالجات أللاب توب تأثرت أيضا من هذا التناحر مما جعل لاب توب هوواوى لا تستقبل أى تحديثات جديدة بعد ألأن

لاداعى للقلق فكل من يملتلك هذه الأجهزة بعيد عن الخطر الى سنتين قادمتيين 
الخطر الحقيقى على أجهزة هوواوى المستقبلية , هل ستستمر بمفردها أو ستتصالح مع جوجل ؟؟

تعليقات

إرسال تعليق

المشاركات الشائعة من هذه المدونة

الطفاسة

-
صورة
تخش كارفور تلاقى ناس متعرفش تعدهم من كترتهم عماليين يعبوا فى اكل بالكراتين وعصاير بالبكتات وكأن مثلا كارفور هيقفل بكرة او الناس هتاكل كل الكميات دى فى وقت واحد , ولا تتفرج كدة على محلات السندوتشات والناس واقفة عليها طوابير كل واحد طالب بالخمس ست ارغفة اقل واجب لو اعتبرها تصبيرة يعنى  تفتكر دى تبقى ايه ؟؟ طفاسة ... الناس بتقول على اللى بيعمل التصرفات دى طفس , بس برضو الطفاسة حلوة مفيش كلام لكن الطفاسة فى الرياضة فى العلم فى الثقافة فى المعرفة ..... لكن احلى طفاسة هى الطفاسة فى الحياة مع ربنا عندنا عدد مبينتهيش من كل انواع الاكل فى الحياة الروحية هنلاقى الاجبية والصلوات والقرايات والقداسات والالحان وغيره وغيره كتيييير اوى اللى مهما كنا طفسيين بلغة العالم مش هتكفينا ولا هنشبع ولا هنبطل اكل من الحاجات دى لانها طفاسة لا بتجيبلنا تخمة ولا هتتخنا لا بتتقل حركتنا لكن بالعكس ده الاكل الوحيد اللى كل ماناكل منه نزيد فرح ونزيد محبة ونزيد نورمن جوانا وبرانا واللى يثبتلك كلامى ده ان كلام ربنا احلى اكل يتاكل بولس الرسول قال عنه من الاف السنين " وجدت كلامك كالشهد فأكلته " وده لاهو اكل مك...
قراءة المزيد

الفتور الروحى

-
صورة
ايه هواهم قرار اخدته فى حياتك؟! تفتح مشروع ..... تحب ... تتجوز ...كل دى قرارات فعلا مهمة ومصيرية فى حياتك لكن مفيش قرار من دول هو القرار الأهم فى حياتك .. لأن اهم قرار فى حياتك هو... انك تقوم من ضعفك قوم من ضعفك وعيد حساباتك مع ربنا من جديد وشوف حبك لربنا هل هو موجود فعلا بالتصرفات ولا ده مجرد كلام  , هل حبنا لربنا كبير ولا كبير اوى ولا كبير اوى وى بننفذ وصاياه بحب ولا لأ ؟ كل دى اسئلة مهمة محتاجين دايما كل فترة نسئلها لنفسناعلشان نقدر نعرف احنا عندنا فتور روحى ولا لأ , احيانا كثيرة بنحس ان بقى عندنا فتور روحى بنصلى بملل بنحضر قداسات عشان نشوف اصحابنا وبنقرا فى الانجيل اهو تضييع وقت وخلاص وبندفع عشور لانها بقت مجرد عادة .. لكن ده بيكون فتور فى الحياة الروحية ولازم نحس بخطورته واننا محتاجين نفوق لنفسنا بسرعة منه قبل مايطول معانا ويبقى التخلص منه اصعب شوية من الأول , فلو حياتنا الروحية لمبة والتراب كل مادا وبيكترعليها من غير ماحنا نمسحها نورها هيقل شوية بشوية وترابها هيكتر ويلصق عليها وننسى انها كانت منورة زمان او انها كانت لمبة اصلا , كويس اننا نعترف بده لكن لازم كمان نشتغل عل...
قراءة المزيد

من مصر دعوت ابنى

-
صورة
من مصر دعوت ابنى ومبارك شعب مصر .... أيتين من اكتر الايات اللى بقف قدامهم فى الكتاب المقدس وبتحسسنى بالطمأنينة والهدوء والسلام الداخلى ... صحيح الكتاب مليان أيات حلوة وكلها بتحسسنا بالطمأنينة والسلام وكلها مفرحة , لكن ربنا خص شعب مصر بالذات بالايتين دول فى الكتاب المقدس مرتين مرة نبؤة فى سفر هوشع ومرة تأكيد فى متى الرسول من بين كل شعوب العالم وأكنه مركز معانا احنا وباعتلنا رسالة خاصة بيقولى فيها وبيقولك انا بكلمك انت ياللى ساكن فى مصر وبقولك انا بحبك ومخلى بالى منك وزى مااتقال عليا " من مصر دعوت ابنى " انا كمان بقولك " من مصر دعوت ابنى " علشان تكون ابنى وتتكلم عنى وبلسانى وتحب الناس زى مانا حبيتك وتوريهم اعمالك الحسنة علشان يمجدوا اباك اللى فى السموات , متنساش ان انا سايبك هنا نور للعالم وملح للارض .. الفرصة قدامك والوقت ملكك استغلهم معايا وعلشانى واستثمرهم الاستثمار الكسبان فى حياتك ...  حب اخوك وكمان حب عدوك فأنا اسمى الله محبة والاية قالت عنى " احب الله العالم " مش اللى حبوه بس ... وزى ماانت بتحتفل بعيد ميلادك وعيد ميلاد صحابك , احتفل بيا انا كمان فى...
قراءة المزيد