لحم الحمير !

صباج الفل عالكل .. 
انهاردة موضوعنا خطير اوى اوى , وميستحملش مقدمات ولا حتى السلامات
 .. بيقولك ياسيدى مسكوا مطعم مشهور بيقدم لحم حمير !! وبعديها اتوصلوا لمورد الحمير دى اللى لقوا عنده اكتر من 100 حمار مدبوح و جاهز للتوريد , وفى اشاعات ان الراجل اعترف انه بيورد الحمير دى لاشهر محلات البلد ..
طبعا الواحد سمع الخبرده وقرف من نفسه اوى وطلع يجرى عالمراية يشوف ودانه طولت ولا طلع له ديل ممممم .. أو يتكلم شوية كدة ويسمع نفسه هاينهق ! هاينعر !! , بس اما ملقاش كل ده قرف شوية واشمئذ وقعد يشييرعالفيس بوك شوية ويشجب ويستنكرشويتيين وبما اننا جبنا سيرة الشجب والاستنكار فزيينا زى الجكومة شجبنا واستنكرنا وخلاص ...... 
طب ولا حد فكر برضو ان لو كان هيحصل له كدة علشان أكل لجم حمار طب مامش بنكاكى ليه اما ناكل فراخ أو مش بنمأمأ ليه اما ناكل الضانى ؟! , ولا مصيبة لا فى مرة تطلعنا ليّه  :)
ايه هو ضرر لحم الحمير ياسادة ؟؟ ومين اللى خوفكوا من لحم الحمير ! 
طبعا احنا لاقرينا أبحاث ولا حتى معلومات ولا اى حاجة ـاكد ضرر او فايدة أكله,
 ومين قال اننا مكلناش قبل كدة لحم حمير ؟ وأما المطاعم المشهورة الغالية جدا دى مسكوها مقدمة لحم حمير يبقى المطاعم الى بياكل فيها اللى على قد حاله دى واللى الحوواوشى فيها 4 جنيه ولا الهامبورجر والكفته بجنيه و2 .... هو أكل الحمير محرم فى الاديان السماوية ؟ ولا علشان المصريين بس بيحبوا الحمار بشكل خاص علشان يركبوه ويعذبوه ويطلعوا عين أمه شى وحا وهس ؟؟ ماهو طبعا يعتبر ثروة من ثرواتنا المواصلاتية , ركوب وضرب ونقل والحقيقة هو صديق للبيئة لا بيطلع بنزين ولا غيره وان كان على شوية الفضلات اهو بنعمل نفسنا مش واخدين بالنا وخلاص ..
لحم الحمير من اجود انواع اللحوم على فكرة وفى مطاعم برة بتجيبلك لحم الحمير بحجز مسبق قبلها لشدة الطلب عليه زى الصين وغيرها 
الفكرة فكرة ثقافات مش فكرة بتجيب مرض ولا لا واحنا لو مكناش اتعودنا على لحم العجول وماشبه كنا برضو هنتوهم ان بيجيلنا المرض منها
المشكلة كلها تتلخص اننا بناكله واحنا مخدوعين انه لحم حجم تانية وأن اتقديم لحوم زى دى لازم يكون عليه رقابة علشان الحفاظ على الثروة الحيوانية من الانقراض مش اكتر
وبالنسبة اننا بناكل الاكل معلب وبنشرب الكانز معلب ومنعرفش جواه ايه او وقع حاجة فيه ولا لأ وزى الفل مكملين , او بنضرب لانشون وهامبورجر وسوسيس ومنعرفش ورا وتحت وجوة مكن الفرم نضيف ولا لأ
 فمنأفورهاش أوى كدة ونكسب ثقافة جديدة وأكلة جديدة يمكن تايهة عننا 
معا لدعم الحماربرجر وجلاش بالحمار المفروم