انا حر

مش هاقولك انزل ولا ماتنزلش , عايز تنزل انزل ولو مش عايز فمتنزلش  اصل مفيش حد هيحافظ على ادميتك ومصريتك وانسانيتك غيرك وهافكرك بس بشوية حاجة ظاهرة جدا وما خفى كان اعظم 100 مرة   شايف عندك ايه حلو ؟ وايه كويس ؟  بلاش السؤال ده شايف عندك ايه هاااااايبقى كويس ؟ او ايه الخطة ؟ او المشروع اللى شغالين فيه طبعا غير مشروع النهضة اللى طلع مشروع الكنافة الشعر اجدع منه  ولا اقولك كمان بلااااااش السؤال ده . فين انجازات مرسى ؟ فين ال100 يوم ؟ ايه المتوقع من اللى انت شايفه دلوقتى ولو مش شايف بقى مش هاينفع اسيبك كدة من غير ماافكرك بشوية حاجات بسيطة وارجوك متضايقش منى او تكتئب بسببى عندك نوراللى اد ارتكبت جرايم بسببه طب مياة اللى احنا اكبر دولة على حوض النيل هايقفلوها علينا وعلاقات بين الدول بقيت عالحديدة , عندك اثيوبيا والامارات بقوا بيسفروا عمالتنا هناك والاتحاد الاوروبى حطنا بلاك ليست لاننا دولة بترعى الارهاب ,عندك امن تعرف تنزل بنتك او اختك او امك او مراتك الشارع طب تعرف انت نفسك تحمى نفسك فى الشارع ... دى الظباط نفسهم بيخافوا ياجدع وجنود الجيش بتتخطف ومش عارفين نمسكله...

اكتشفت اخيرا ان كل انسان مننا يجب عليه ان يكون له عمل اجتماعى تجاه الاخرين او حتى بمفهوم اوسع تجاه بلده ووفقا لهذا الوعى الناضج الذى جاءنى على غير العادة فقررت زيارة المرضى والمسنين فى الدور المخصصة لذلك لكى اواسيهم واجالسهم نتحدث ونتسامر معا لكى لايشعروا بالوحدة هناك وطبعا انا ايضا كنت اتعلم من خبرتهم وتجاربهم فى الحياة الكثير والكثير التى تكون فى اغلبها تحمل المأسى والطابع الحزين الى ان لفت نظرى فى احد زياراتى لدار مسنيين كان منقطع عن العمار بمسافة لابأس بها تصعب على الزوار مهمتهم فى الزيارة التى هى اصلا ثقيلة بدون شىء جلست فى غرفة مزدحمة بالاشخاص يزورون كهل تخطى السبعين من عمره ولكن وجهه بشوش والمرح يقفز من عينيه ومن من حوله ايضا اصدقاء كثيرة له منهم من يعلمه كيف يتعامل مع اختراع المحمول ومنهم من ينزل له قنوات المصارعة على الدش لكى يتسلى بها وتأنس وحدته فى غيابهم واخر منهمك فى صنع قهوة تركى يحاول صنعها بوش لكنه لم ينجح حتى الان فيها والباقون يسامرونه ويتذكرون معا ذكرياتهم فى الطفولة من هروب من المدرسة ومعاكسة بنت الجيران وغيرها الكثير الذى كلما تذكروه قهقهوا جميعا من قلوبهم منظر...

Promise دى كلمة انجليزية معناها وعد على طول بنستخدمها مع صحابنا لما نحب نأكد حاجة او بنطلب حاجة مهمة من صحابنا فنقول لبعض الكلمة دى وكانها هى الكلمة اللى بتدينا الامان والثقة ان فعلا هتحصل الحاجة دى بس ياما برضو الكلمة دى زعلتنا من بعض لاننا مش دايما بنعرف ننفذ وعودنا لاننا بشر ايه الكلام ده طب مانسينا من الوعود الارضية دى ونتكلم مع بعض عن وعد اعظم علشان نقعد مع اله اعظم  واللى استحالة ابدا يخلف الوعد بتاعه يسوع المسيح وعدنا وعد مهم اوى اننا نصدقه فى حياتنا واذا كان احنا بنصدق وعود الناس اللى عالارض يبقى ازاى مش هنصدق وعد اله السموات والارض ربنا وعدنا بالحياة الابدية واحنا واثقين انه هايتنفذ فهو تمم عملية الفداء كلها من اولها لاخرها من ساعة مااتجسد لحد الصلب والقيامة علشان يأكد علينا الوعد ده اللى اتعذب علشانه كتير علشاننا احنا اللى وعدهولنا كتير اوى فى انجيله سواء عهد قديم فى المزامير او اسفار العهد القديم او فى الجديد فى رسايل بولس الرسول او معظم انجيل يوحنا اللى قالنا وطمننا بكل صراحة ان فى حياة ابدية لكل من يؤمن به واكيد انت عارف ان كلام ربنا غير قابل للشك اب...

كتير اوى بقعد افكر مع نفسى ... هو فى فعلا حاجة اسمها ابداع ولا دى خرافة !! وازاى بيزيد ؟؟ وممكن يخلص ولا لأ طب لو خلص وصاحبه ده كان معتمد عليه او بمعنى ادق كان مصدر رزقه هيعمل ايه ؟ لكن طبعا الابداع ده موجود فعلا مش خرافة والابداع دايما بيزيد مش بينقص ولا عمره هيخلص وصوره  كتيرة اوى ( كتابة - شعر - غناء - عزف - تمثيل - رسم - ...... ) بس انك تكون فعلا مبدع فيهم مش مجرد عندك الموهبة وبس كلنا عندنا مواهب سواء اكتشفناها او لسة مكتشفنهاش وعلشان نحولها لابداع لازم ننمى المواهب دى باننا نضيف عليها مهارات وخبرات وتجارب الاخرين اللى سبقونا فى نفس المجال ده والممارسة فى تنمية المهارات دى بتساعدنا كتيير اننا نبدع فى مواهبنا ونتعلم ازاى نصحح اخطائنا مش مجرد اننا نكرر نفس رسومتنا او كتاباتتنا او اى كان نوع الموهبة فده مش هيدينا خبرة ومش كل من مسك ريشة بقى رسام ولا كل من ضرب على عود بقى عواد او كل من نظم جملتيين بقى شاعر....... علشان كدة الابداع مبيخلصسش وعمرنا مالقينا مبدع ابداعه خلص انما دايما بنلاقيه متجدد ولأخر عمره مثل الشاعر المتنبى العظيم والرسام المبدع مايكل انجلو وبيتهوفن مبدع الس...

فى غرفة واحدة 2 متر فى 2 متر ضيقة لتتضيق الخناق على الضمير لكى لايراوغ صاحبه به كثيرا حيطانها متشحة بالسواد حزينة على ماتسمعه من قصص ومأسى كل يوم وترتسم عليها خطوط صفراء بلون الضحكات التى يطلقها كل ظالم نجى من فخ العقوبة بثغرات القانون المشوهة وبلاطها مرقع بالسواد من طفيات السجائرمن مايعفرها لينفخ همه فيها بدل من ان يطق , وجدت نفسى مع دكتورة تدعى وفاء وجهها شاحب عيناها محمرة خديها حفرت فيه الدموع مجرى تبكى وتلطم وجهها بسرعة الف لطمة فى الدقيقة وتندب حظها وتترحم على طفلها ايمن الذى قمت انا بخطفه وبيعه للسمسار كما اعتدت منذ ان ضاق بى الحال ولم اجد جنيها واحدا لأكل العيش الحاف حتى , واعترفت تفصيلا بالواقعة فى نفس الغرفة ايضا ...... هى غرفة وكيل النيابة لم يقبض على احد ولكن فاق ضميرى فجأة بعد ماندمت على جريمتى البشعة ومنظر الطفل لايفارق مخيلتى ابدا يصرخ ويبكى ويترجى ان نتركه يرجع لامه ولكننا ...... بلاضمير لم يكن احد يستطيع التعرف على لانى كنت منتقبة وليس لى معالم يتعرف عليها حد لكنه ضميرى فقط الذى ظل متألم لمنظر الطفل وقلبى المحروق عليه فى تلك اللحظة التى يغيب فيها عقلى كل مرة سعيا ورا...

كل مرة كنت اطلع فيها رحلة س واء مع المدرسة او الكنيسة كنت طبعا باخد ازايز مية معايا علشان معطشش فى الرحلة , بس كانت للاسف بتخلص من نص الرحلة ده لو مخلصتش قبل كدة و احتاسنا بقية اليوم هانعمل ايه فى المية اللى خلصت دى وساعتها كنت باقول لنفسى ياسلام لو كان معانا المية اللى ربنا قال عليها للسامرية اللى مبتخليش حد يعطش تانى ابدا , وفضلت مدة فاكران ربنا كان قصده مية فعلا زى اللى بنشربها لحد مافهمت انها حاجة احسن واقوى من كدة بكتيير وهى كلام ربنا لينا ....... ربنا شبه كلامه بالمية لانه عايزنا نشرب كلامه فيدخل جوانا ويعمل فينا ويكون جزء من حياتنا , ده حتى كان فى مقولة ب ت قول " كل اناء ينضح بما فيه " فلازم يكون داخلنا حلو علشان الناس تحب اللى غيرنا كدة .... فياترى احنا جوانا مية حلوة ولا نص نص ولا وحشة ولا مش جوانا مية اصلا ؟ !  السامرية لما جت تاخد المية اللى فى البير وهى خايفة من ان حد يشوفها لانها خاطية وعلشان كدة جت للبير الساعة السادسة اللى مكنش حد يقدر ينزل فى الوقت ده ساعتها لصعوبة الطريق مع حرارة الشمس العالية هناك , لكن لما قابلت ربنا وطلب منها مية مع انه هو اللى بيروى...

" سوسة سوسة كف عروسة سوسة واللى يسقف يستاهل منى بوســــــــــة " " توت توت قطر صغتطوط كل مايمشى بيقول توت " " انا لما بحب اتسلى ماحبش اقزقز لب .. انا عندى اقرا مجلة او ارسم زى مااحب " والله كانت ايام حلوة اوى ايام طفولتنا دى احلى من طفولة دلوقتى بكتيـــــــــر اوى احنا جيل اتربى على اغانى شبه دى كتير .. احنا بلا فخر جيل عالم سمسم وكارتون توم جيرى اللى كان بيتعرض يوم الجمعة الصبح فى سينما مت ر و دى حاجات فعلا كانت بتحسسنا بسعادة وفرحة كبيرة اوى اللى بقت تختلف عن طفولة الوقت الحالى من تطوراته وقفزاته وادواته التى لاتتوقف ابدا احنا الجيل اللى كان بيلعب الفيديو جيم ابو حجارة اللى كان فيه لعبتيين بس وباقى اللعب التانية فيه شبههم واحنا جيل الكونوكت فور وبنك الحظ والسمك اللى بالمغنطيس وسوبر ماريو وكابتن ماجد و ........ بس ليه كل الكلام ده والذكريات الحلوة دى اللى الجيل الص غ ير ضحك علينا لساذجتنا والجيل الاكبر مننا ضحك علينا لبساطة وقتهم اكثر من ذلك فهم جيل السيجة والحجلة ولعب اختفت لان ع رف منها سو ا اسماءها فقط والجيل الى انتمى له تذكر هذه الاشياء وا...