الابداع

كتير اوى بقعد افكر مع نفسى ... هو فى فعلا حاجة اسمها ابداع ولا دى خرافة !!
وازاى بيزيد ؟؟ وممكن يخلص ولا لأ
طب لو خلص وصاحبه ده كان معتمد عليه او بمعنى ادق كان مصدر رزقه هيعمل ايه ؟
لكن طبعا الابداع ده موجود فعلا مش خرافة والابداع دايما بيزيد مش بينقص ولا عمره هيخلص وصوره  كتيرة اوى ( كتابة - شعر - غناء - عزف - تمثيل - رسم - ...... ) بس انك تكون فعلا مبدع فيهم مش مجرد عندك الموهبة وبس
كلنا عندنا مواهب سواء اكتشفناها او لسة مكتشفنهاش وعلشان نحولها لابداع لازم ننمى المواهب دى باننا نضيف عليها مهارات وخبرات وتجارب الاخرين اللى سبقونا فى نفس المجال ده والممارسة فى تنمية المهارات دى بتساعدنا كتيير اننا نبدع فى مواهبنا ونتعلم ازاى نصحح اخطائنا مش مجرد اننا نكرر نفس رسومتنا او كتاباتتنا او اى كان نوع الموهبة فده مش هيدينا خبرة ومش كل من مسك ريشة بقى رسام ولا كل من ضرب على عود بقى عواد او كل من نظم جملتيين بقى شاعر.......
علشان كدة الابداع مبيخلصسش وعمرنا مالقينا مبدع ابداعه خلص انما دايما بنلاقيه متجدد ولأخر عمره مثل الشاعر المتنبى العظيم والرسام المبدع مايكل انجلو وبيتهوفن مبدع السيمفونيات الذى كان اصم لا يسمع اصلا ولكنه اصر على تنمية موهبته حتى اصبحت علامة فى الموسيقى كل جيل يعرفها او غيرهم كتير
لكن احنا ممكن نقول اننا مش عايزيين نفكر او مش عايزيين نستغل مواهبنا او نشتغل على افكارنا , لكن منقولش ابدا اننا مش عارفيين نبدع , او بنحب نمشى زى افكار الناس من غير اى ابداع فيها كلها افكار تقليدية وخلاص
لازم نفكر فى كل فكرة تجيلنا ونشتغل عليها ونتعلم من غيرنا لحد ماننفذها ونبقى مبدهين فيها كمان وألا هنلاقى نفسنا قاعديين وسط الصفوف نصقف لمبدعيين تانيين