فرح القيامة

-
مايكل ازيك 
ازيك يابيتر انا الحمد الله تمام
فينك مش باين مشوفتكش ولا يوم فى البصخة واسبوع الالام قرب يخلص اهو 
اه صدقنى انا مأثر بس انت عارف بقى الاسبوع اللى قبل العيد وكل يوم بنزل الف على هدوم 
ربنا يكون فى عونك يابنى دى بتبقى دوخة مابعدها دوخة انا جيبت البنطلون والكوتشى لكن لسه فاضلى التيشيرت وانت ؟
انا جيبت قميص بس ايه قميص هاواى من اللى بيبقى كله الوان ملعلطة كدة وبيعمل شغل عالى فى العيد ;)
وهاننزل فين ياصاحبى ؟
فى الغالب هنطلع على بلازا اهو بيبقى مكان بتتجمع فيه الناس كلها نشوف لابسين ايه ونوريهم كمان احنا لابسين ايه ونضرب سوا الاكل المتين من الكوك دور وشكرا على كدة وكل عام وانتم بخير, هو صحيح بيبقى يوم ممل شوية بس مقدمناش حاجة غيره .
.... سورى ياشباب انا اخوكم فادى وكنت سامعكم بتتكلموا , ممكن اتكلم معاكم ؟
اتفضل
انا على فكرة مش جايب طقم كامل للعيد وفى معظم الاوقات مبنزلش اتفسح يوم العيد كمان لانى بكون الصبح فى الخدمة او بنزور ملجأ او دار مسنيين وبعد الضهر بنعييد على قرايبنا ونتغدى سوا ولو قدرت انزل بالليل مع صحابى بنزل , مقدرتش احنا بنتقسح طول السنة يعنى ومش مستنيين العيد
وانت بتفرح على كدة فى العيد ؟
انا بفرح على فكرة واكتر منكم كمان
ازاى بقى 
انا بحس بمعنى العيد جدا وخصوصا مع الناس اللى ملهاش حد يقولها كل سنة وانتم طيبيين او يسئل عليهم حتى 
مش الفرحة مجرد لبس جديد او خروجة او حتى اكلة بنحبها 
عندك حق يافادى ... احنا ممكن نجيب اللبس من غير مناسبة اصلا والخروج ده مش مستنيين العيد علشان نخرج فيه
لكن القيامة دى مرة واحدة بس فى السنة ده حتى قداس العيد الواحد بيحضره وهو بيفكر هايروح يفطر ايه لامركز فى كلام ولا مردات ولاحتى تمثيلية القيامة اللى بتحسسنا بعظمة الهنا
احنا لازم نعيش افراح القيامة بشكل اقوى واصدق من كدة ولازم نعيش فرح الكنيسة الحقيقى فى المعنى ده ...
جيب لبس واخرج مع صحابك وكل اللى انتى عايزه بس متنساش تعمل حاجة حلوة لربنا فى اليوم ده ولو حتى بمكالمة معايدة عل حد ملوش اللى يسئل عليه صدقنى دى حاجة هتفرحه وهتفرحك اوى 

تعليقات

إرسال تعليق

المشاركات الشائعة من هذه المدونة

الطفاسة

-
صورة
تخش كارفور تلاقى ناس متعرفش تعدهم من كترتهم عماليين يعبوا فى اكل بالكراتين وعصاير بالبكتات وكأن مثلا كارفور هيقفل بكرة او الناس هتاكل كل الكميات دى فى وقت واحد , ولا تتفرج كدة على محلات السندوتشات والناس واقفة عليها طوابير كل واحد طالب بالخمس ست ارغفة اقل واجب لو اعتبرها تصبيرة يعنى  تفتكر دى تبقى ايه ؟؟ طفاسة ... الناس بتقول على اللى بيعمل التصرفات دى طفس , بس برضو الطفاسة حلوة مفيش كلام لكن الطفاسة فى الرياضة فى العلم فى الثقافة فى المعرفة ..... لكن احلى طفاسة هى الطفاسة فى الحياة مع ربنا عندنا عدد مبينتهيش من كل انواع الاكل فى الحياة الروحية هنلاقى الاجبية والصلوات والقرايات والقداسات والالحان وغيره وغيره كتيييير اوى اللى مهما كنا طفسيين بلغة العالم مش هتكفينا ولا هنشبع ولا هنبطل اكل من الحاجات دى لانها طفاسة لا بتجيبلنا تخمة ولا هتتخنا لا بتتقل حركتنا لكن بالعكس ده الاكل الوحيد اللى كل ماناكل منه نزيد فرح ونزيد محبة ونزيد نورمن جوانا وبرانا واللى يثبتلك كلامى ده ان كلام ربنا احلى اكل يتاكل بولس الرسول قال عنه من الاف السنين " وجدت كلامك كالشهد فأكلته " وده لاهو اكل مك
قراءة المزيد

الفتور الروحى

-
صورة
ايه هواهم قرار اخدته فى حياتك؟! تفتح مشروع ..... تحب ... تتجوز ...كل دى قرارات فعلا مهمة ومصيرية فى حياتك لكن مفيش قرار من دول هو القرار الأهم فى حياتك .. لأن اهم قرار فى حياتك هو... انك تقوم من ضعفك قوم من ضعفك وعيد حساباتك مع ربنا من جديد وشوف حبك لربنا هل هو موجود فعلا بالتصرفات ولا ده مجرد كلام  , هل حبنا لربنا كبير ولا كبير اوى ولا كبير اوى وى بننفذ وصاياه بحب ولا لأ ؟ كل دى اسئلة مهمة محتاجين دايما كل فترة نسئلها لنفسناعلشان نقدر نعرف احنا عندنا فتور روحى ولا لأ , احيانا كثيرة بنحس ان بقى عندنا فتور روحى بنصلى بملل بنحضر قداسات عشان نشوف اصحابنا وبنقرا فى الانجيل اهو تضييع وقت وخلاص وبندفع عشور لانها بقت مجرد عادة .. لكن ده بيكون فتور فى الحياة الروحية ولازم نحس بخطورته واننا محتاجين نفوق لنفسنا بسرعة منه قبل مايطول معانا ويبقى التخلص منه اصعب شوية من الأول , فلو حياتنا الروحية لمبة والتراب كل مادا وبيكترعليها من غير ماحنا نمسحها نورها هيقل شوية بشوية وترابها هيكتر ويلصق عليها وننسى انها كانت منورة زمان او انها كانت لمبة اصلا , كويس اننا نعترف بده لكن لازم كمان نشتغل عليه و
قراءة المزيد

يوسف الصديق

-
صورة
من زمان وانا بستغرب جدا من قصة يوسف الصديق وكل مرة اجى اكتب عنها مقدرش او معرفش ,, قصة غريبة فعلا وكانت اكتر حاجة تستوقفنى الاية المتكررة فيها دائما " كان الرب مع يوسف فكان يوسف رجلا ناجحا " مكنتش قادر اعرف فين ربنا مع يوسف طول حياته قبل الملك حوالى 13 سنة من خيانة من اخواته وبيعه وعبوديته وسجنه .... وكل ده كان الرب مع يوسف لحد ماقررت اوسع مداركى شوية واقرا فيه يااستفاضة وتوسع واسمع عنه اكتر لعلى استفيد حاجة ولقيت الاتى ممكن يكون كلام مش جديد للكل ولكن أسرد فيه بعض تأملاتى الخاصة ان يوسف ده هو المسيح فى العهد القديم بسبب رداءه الملون اغتاظ اخوته منه وخلعوه ردائه ورموه فى البئر الخاو من الماء مثله مثل القبر وايضا المسيح خلعوه رداءه وصلبوه ورموه فى القبر أخوته هم من خانوه مثل يهوذا تلميذ المسيح اتباع بالفضة  والمسيح ايضا اتباع بالفضة وحينما رموه فى البئر خطط بنياميين لسرقته بعد انصراف اخوته مثلما كانت تود المريمات فجر الاحد خطة الفداء للبشرية اتحققت كيفما رسمها الله ايضا احلام يوسف تحققت مثلما حلمها بالظبط سن يوسف وقتما اصبح ملكا وتحقق حلمه وسجد له اخوته و
قراءة المزيد