شكرا يامرسى

اول مرة هاكتبلك شكر من قلبى بجد يامرسى .. اعذرننى مش عارف اقولك دكتور زى مابيتقال عليك لانى مش شايف ليك اى علاقة بالدكترة ولا حتى الهندسة فهما دونت ميكس معاك لان تصرفاتك كانت كلها تصرفات شخص معهوش ابتدائية اصلا حتى موضوع ناسا الامريكية دى يأما شغلتك من ال 5 % اعاقة او كانت بتجامل حد تانى بيك لان اساسا انت معندكش اللغة الانجليزية اللى المفروض واحد اشتغل فى امريكا 15 سنة يكون بيتكلم بيها وطبعا بالنسبة للقب الرئيس ده ... فلا تعليق وكل قارىء ممكن يحط التعبير المناسب للى شافه منك فى السنة دى لكن انا شخصيا شايف ان الريس المراكبى بيفكر انضج من كدة وعنده وعى احسن من كدة
شكرا ليك يامرسى انك قدرت توحد الشعب المصرى كله من تانى  بسبب جهلك السياسى وقدرت تخليه متكاتف ضد اى حد اكتر من الاول بكنير حتى اكتر كمان من ثورة 25 يناير لان بصراحة ناس كتير مكنتش مصدقة اننا ممكن نشيل رئيس بعد 30 سنة وبرضو منقدرش ننكر كان فى ناس بتحب مبارك او حتى خايفة تفكر فى الفكرة من اساسها لكن انت ياباشا محدش اختلف عليك حالص الا شوية الناس اللى عندهم خلط بين الدين والسياسة ولكن دول ربنا هيهديهم قريب ان شاء الله
والشرطة دى كانت مسكينة معاك ولا عارفة تشتغل ولا حاجة والشعب كله كان بيلومها على كدة  , لكن هاتقول ايه رئيس البلد بنفسه مدخللها شوية ارهابيين على شوية حمساوية واخدين كارت بلانش من جماعتك بالتخريب والبرطعة فى مصر بدون اى مسائلة على شوية ارهابيين مدربيين موجودين احتياطى عشان يوم اما تقع يقوموا بالواجب زى مابيحصل بالظبط كدة و خليتنا نرجع نثق تانى فى الشرطة بعد مااعتبرناها عدو لينا اكتر من ايام مبارك فى ثورة ينايروكمان الجيش اللى طبعا مكنش رااضى عن طول الفترة اللى فاتت لكن مستنى الشعب يقول كلمته اللى انا من وجهة نظرى الشخصية ان السيسى ده اول يوم مسك فيه الجيش وهو بيفكر ازاى يمشيك منها انت وجماعتك بس كان مستنى الشعب وبرهن لنا عن كدة بتحليقاته الرائعة فوقنا بمروحياته . وكمان يقدر يستعد ويجهز نفسه لمعارك الارهاب اللى هتحصل .. والشعب اتصالح عالجيش بعد مهازل طنطاوى السابقة اللى الله اعلم كانت ملفقة من الاخوان ولا تم انتهاكها بالفعل.. وخليت شعار ثورة 30 يونيو الجيش والشعب والشرطة ايد واحدة .
والاجمل من كدة انك رجعت المصرين لبعض من تانى اكتر وحدة واكتر حب وكل محاولات الفتنة فشلت وبالعكس كمان ده المسيحين حبوا المسلمين اكتر والعكس برضو حصل واكتر بكتييييير من الاول بكتيييير يامرسى :P
مصر رجالها بنساءها بااطفالها بشيوخها ماشوفتلهمش فرحة اد اللى فرحناها سوا مع بعض فى الميدان يوم مالجيش اعلن عزلك وانتصارنا بازاحة الكابوس اللى عشنا فيه سنة كاملة ماشيين على طريق المجارى والوقوع فى الباكبورت ولا القشعريرة اللى حسينا بيها من فرحة طيارات الجيش حوالينا بيقولنا انا معاكم كملوا , وحتى كل شعوب العالم بااستثناء طبعا الثلاثى امريكا وقطرواسرائيل فرحت معانا وانهالت علينا المعونات والمساعدات والاستثمارت اللى غطت بكتير قيمة القرض الدولى اللى قولته على فوائده ربة قبل الحكم وفى الحكم بقت مصاريف ادارية 
تعفيب اخير .. الامام حسن البنا مع اختلافى الشديد فى اراءه ومعتقداته وافكاره وانتماءاته ابضا فهو برىء منكم ومن الجماعة التى اتت بمرسى كممثل عنها فى الانتخابات وطول فترة حكمه العقيمة اللى كانت تفتكر الكثير من الحكمة فانتم اضعتوا جهاده وكفاحه من اجل استمرار الجماعة لقرابة قرن من الزمان ... وحتى حينما انشىء بها الذراع المسلح كان لمواجهة الاحتلال وقتها وليس ابدا لمواجهة ابناء الوطن الواحد