الأنجيل

كتاب قديم عندنا من زمان وفى كل بيت موجود , منا كتير بيفتحه لكن مننا برضو كتير مش بيقرب منه خالص او يمكن حتى بنفتح كتب الدراسة اكتر منه 
جايز برضو يكون عليه تراب كتير علشان ناسيينه ؟
اكيد طبعا بتكلم عن الانجيل
احنا ليه مش بنهتم بالانجيل كدة زى بقيية الكتب التانية مع انه اهم كتب شوفناه وسمعنا عنه لانه ببساطة كل اللى مكتوب فيه اتحقق وبيتحقق ولسه هيتحقق , ده اللى كاتبه اعظم كاتب مش هتلاقى زيه فى تاريح الارض كلها وهو الروح القدس وربنا قال عنه ان حرف واحد منه لايزول حتى لو زالت السماء والارض .
 وبمناسبة الصيف والحر اللطيف اللى احنا فيه ده معظمنا بيكون فاضى وعنده وقت كتير اوى فاضى مش عارف يشغله ازاى فدى فرصة نقرا فيها الكتاب ده وحتى لو روحنا نصييف ونفك دماغنا شوية من دوشة الحياة ليه بننسا ناحده معانا  ماربنا زى ماموجد فى بيتنا اللى عايشيين فيه اكيد برضو موجود فى البيت اللى بنصيف فيه 
ليه مبنحفظش المزامير علشان تحفظنا ولا علشان مبنسمعهاش يعنى زى نصوص القراءة والمواد الدراسية اللى بنذاكرها غصب عننا علشان الامتحان وربنا سايبنا بحريتنا لا غاصبنا ولا بيسمعلنا ولا بيعاقبنا , مع ان احنا كل اللى بنذاكره بندخل نقلبه فى الامتحان ونطلع ابيــــــــــض ولا فاكرين اى حاجة !! لكن بالعكس كلام ربنا كله ايات وتعاليم نقدر ننفذها كل يوم فى حياتنا ونستفاد منها كمان وبيغيير من سلوكنا مع اللى حوالينا وبيخلينا نور للناس وملح للارض اللى احنا عايشين فيها 
احنا لما بنقرا الكتاب ده بنسترخى وننسى كل مشاكل الحياه وتعيش مع الرسل والقديسيين فى عصورهم الذهبية اللى منهم شاف المسيح واتعلم منه وشهد له واللى منهم اتنبأ بالمسيح قبل مايجى بالاف السنين , وتلاقى ايوب يعلمك الصبر وابراهيم يعلمك التضحية ونوح يعلمك الاصرار وكتييييييييير اوى امثلة  ... كل ايه وكل اصحاح وكل انجيل يعلمك منه حاجة جديدة , ويورينا تدبير الله لحياتنا ازاى مهما احنا اتذمرنا او زهقنا او فقدنا الامل زى شعب موسى اللى كانوا دايما متذمرين مهما ربنا عملهم واداهم من عطاياه .
كتاب فعلا اذا نصحتك بالقرأة فانصحك بيه واذا نصحت حد بقرأة كتاب فمتنصحش غير بيه وخلينا كلنا نبدأ حياة جديدة مع الله شايفيين بركته فيها ومستنيين وعوده لينا