الدنيا برد

الدنيا برد ... دى تلج تلــــــج تلللللللللج .... امطار ورعد سيول وأموج بتكسر المراكب وبرق وحاجة اخردلع , على رأى روتانا احنا كدة  شوفنا اللى عمرنا ماشوفناه
بس بنحاول ندفى نفسنا .. نروح بيتنا ومننزلش غير للضرورة ونتكلفت باايس كاب وجوانتى ومش عارف اسه اي ده الى بيتلبس فى الرجل ونلبس الترنج وفوقيه الروب وعليهم اللحاف وياسلام كدة لو كلنا شوية عدس بعديها حبسنا بأى حاجة دافية او لو ربنا كارمنا شوية وعندا دفاية .... ومن غير ده ولا ده كفاية لمة العيلة بتدفى ويبقى كدة يعنى حاجة بجد عنب اللوز
لكن طول ماحنا بنفكر كدة عمرنا ماهنحس ابدا باللى نايم تحت الكوبرى او الى ملوش سكن واللى كما ماعندوش هدوم تدفيه اويدوبك حتة قميص دايب لابسه عاللحم وبنطلون قماش لابسه مش عارف يصد ضربات البرد ويأما حافى ماشى على برك المياة اللى ملت البلد يااما بشبشب ميفرقش عن الحافى كتير اوحتة جزمة مخرمة بتدخل مياة من كل الاتجاهات
لا بيفكر فى اكلة عدس ولا كباية شاى ولا ايس كاب ولا طبعا دفاية , بيفكر بس فى سقف يرحمه من سيول التلج اللى نازلة عليه دى وحتة ناشفة يقعد فيه بدل المياة اللى داخلاله من كل حتة , او كمان  الناس اللى عايشة فى العشوائيات او ساكن فى عشش صفيح والاسقف بتاعتها بتنشع مياة طول الليل والنهار ومعندهوش حاجة تحميه من البرد اللى لسعته بقت شبه لسعة سلك كهربا 500 فولت واللى عنده بطانية واحدة لكن عنده عيال كتير سلم امره لله و انه مش هيتغطى لكنه حتى مش عارف يغطى كل عياله
الحمد لله ربنا من حنيته علينا مدينا سكن بسقف وشبايك تتفل وسجاد بيخفف من البرودة وحتى لو بعد كل ده عيينا هنقدر نكشف ونشترى كمان العلاج وكل حاجة متوفرة لينا وبرضو بنشتكى من السقعة , لكن طب اللى معندهمش وحتى مش عارفيين يشتكوا لمين غير ربنا ؟!!!
ولا بياع السريح اللى غصب عنه يفضل يلف المحروسة كلها علشان يعرف يجيب لعياله لقمة العشا ..
بس ربنا مش ناسيهم وواثق ان احنا حنين عليهم 
خلينا ايجابيين واللى يقدر يساعد يساعد حتى لو بهدومه القديمة ... اكيد هتفرق معاه ومع ربنا اوى اوى اوى