الكاميرا الخفية واللى جرالها !!
مين بيشوف الكاميرا الخفية بتاعت الاجانب واد ايه جميلة وممتعة , ممكن تلاقى فى ال 5 دقايق عملوا فيها 30 مقلب ظريف ودمه خفييف وتطلع انت فطسان من الضحك عالموقف والضيف بيتعامل مع المقلب بشكل راقى وبعد مابيعرف هو برضه بتكون فطسان من الضحك وبتعتمد على مقالب حية فعلا بطريقة لذيذة وغير مكلفة خالص
لكن برضو كنت بشوف المقالب دى واقول لنفسى احنا المصريين ممكن نفضل نفهمهم ان ده مقلب فى نص ساعة اصلا وبيتعاملوا مع المقلب بالضرب والشتيمة فأكيد مش هنبقى زييهم , لكن برضو الجميل اسماعيل يسرى وعم فؤاد المهندس وبعدهم طلع الفنان ابراهيم نصرعملوا احلى المقالب فى الناس البسيطة الجميلة اللى فى الشارع اللى دمهم خفيف والمقالب كمان كان دمها خفيف , لكن مع تطور الحياة وانفتاح العالم بدرجة كبيرة خلت المقالب دى تتطور علشان تكون مناسبة العصر اللى احنا فيه فجالنا عمرو رمزى بتاع حيلهم بينهم وعمل فى النجوم مقالب طلعت من نفوخهم بحرقة دمهم لكن برضو كنا مبسوطين بيها لأننا كنا اول مرة نشوف ناس نعرفهم بيتعمل فيهم مقالب وكان بيعدى على خير فى الاخر. لكن طبعا لأن احنا مش خلاقين ولا بنفكر فى فكرة برامج فبناخد نفس النهج ونغير فيه شوية ونكمل عليه فعملنا برامج كتير ورا بعض كلها استفزاز للنجوم واهم حاجة علشان المقلب ينجح ان الضيف يخرج عن شعوره او يشتم ويسب الدين ومش مشكلة برضو لو اغمى عليه فااكيد هيفوق بعد شوية ده غير اننا بطلنا نشوف الناس اللى شبهنا ابويا وابوك واخويا واخوك لابسين عادى وتلقائيين وبيتكلموا عادى مش متشيكيين وعاوجيين لسانهم وخافيين وشهم ورا البودرة
لحد ماالتطور مكمل مكمل وجالنا الفنان الجميل رامز جلال وفنان دى مش تريقة دى بجد لأن من اروع البرامج اللى شوفتها هو " رامز حول العالم " اللى حسيت فيها بجد ان رامز ده مجتهد وافادنى كتير فى رحلاته لكن بعد كدة عمل لنا برامج باافكار مجنونة زى قلب الاسد وتعلب الصحراء علشان مطولش عليكم مش هنتكلم عنها لحد ماجالنا رامز عنخ امون اللى جوة المقبرة ... طب انا مش عارف فين الضحك فى كدة ؟ اما يكون حابس ممثل فى قبر ضلمة مع الخفافيشس والتعابين ومومياء !!! ايه ده !!! ايه الانبساط فى كدة وفين الضحك غير لو احنا بنكره الممثل ده اوى ونفسنا يموت بازمة قلبية او ازاى يجيبواممثلين كبار فى السن كدة ممكن يروحوا فيها علشان يضحكوا الناس وطبعا من تطور لتطور مينفعش البرنامج السنة الجاية يقل عن المستوى ده فانا متخيل ان السنة الجاية هيعملوا برنامج مثلا بسيوف يضربوا فى النجوم ويقطعوا فيهم ويقولوهم تكاليف العلاج علينا وهى هى وها ها وشكرا , مش عارف انا لوحدى اللى شايف كدة ولا فى غيرى كمان شايف
وده مع افتراض حسن النية وان كل المواقف حقيقية ولا مجال فيها للتمثيل او الاتفاق
لكن برضو كنت بشوف المقالب دى واقول لنفسى احنا المصريين ممكن نفضل نفهمهم ان ده مقلب فى نص ساعة اصلا وبيتعاملوا مع المقلب بالضرب والشتيمة فأكيد مش هنبقى زييهم , لكن برضو الجميل اسماعيل يسرى وعم فؤاد المهندس وبعدهم طلع الفنان ابراهيم نصرعملوا احلى المقالب فى الناس البسيطة الجميلة اللى فى الشارع اللى دمهم خفيف والمقالب كمان كان دمها خفيف , لكن مع تطور الحياة وانفتاح العالم بدرجة كبيرة خلت المقالب دى تتطور علشان تكون مناسبة العصر اللى احنا فيه فجالنا عمرو رمزى بتاع حيلهم بينهم وعمل فى النجوم مقالب طلعت من نفوخهم بحرقة دمهم لكن برضو كنا مبسوطين بيها لأننا كنا اول مرة نشوف ناس نعرفهم بيتعمل فيهم مقالب وكان بيعدى على خير فى الاخر. لكن طبعا لأن احنا مش خلاقين ولا بنفكر فى فكرة برامج فبناخد نفس النهج ونغير فيه شوية ونكمل عليه فعملنا برامج كتير ورا بعض كلها استفزاز للنجوم واهم حاجة علشان المقلب ينجح ان الضيف يخرج عن شعوره او يشتم ويسب الدين ومش مشكلة برضو لو اغمى عليه فااكيد هيفوق بعد شوية ده غير اننا بطلنا نشوف الناس اللى شبهنا ابويا وابوك واخويا واخوك لابسين عادى وتلقائيين وبيتكلموا عادى مش متشيكيين وعاوجيين لسانهم وخافيين وشهم ورا البودرة
لحد ماالتطور مكمل مكمل وجالنا الفنان الجميل رامز جلال وفنان دى مش تريقة دى بجد لأن من اروع البرامج اللى شوفتها هو " رامز حول العالم " اللى حسيت فيها بجد ان رامز ده مجتهد وافادنى كتير فى رحلاته لكن بعد كدة عمل لنا برامج باافكار مجنونة زى قلب الاسد وتعلب الصحراء علشان مطولش عليكم مش هنتكلم عنها لحد ماجالنا رامز عنخ امون اللى جوة المقبرة ... طب انا مش عارف فين الضحك فى كدة ؟ اما يكون حابس ممثل فى قبر ضلمة مع الخفافيشس والتعابين ومومياء !!! ايه ده !!! ايه الانبساط فى كدة وفين الضحك غير لو احنا بنكره الممثل ده اوى ونفسنا يموت بازمة قلبية او ازاى يجيبواممثلين كبار فى السن كدة ممكن يروحوا فيها علشان يضحكوا الناس وطبعا من تطور لتطور مينفعش البرنامج السنة الجاية يقل عن المستوى ده فانا متخيل ان السنة الجاية هيعملوا برنامج مثلا بسيوف يضربوا فى النجوم ويقطعوا فيهم ويقولوهم تكاليف العلاج علينا وهى هى وها ها وشكرا , مش عارف انا لوحدى اللى شايف كدة ولا فى غيرى كمان شايف
وده مع افتراض حسن النية وان كل المواقف حقيقية ولا مجال فيها للتمثيل او الاتفاق
تعليقات
إرسال تعليق