لا زلت اعمى ؟؟

معجزة المولود اعمى دى على فكرة محتاجة مننا نركز فيها اوى بجد لاننا فى كل مرة

هنقراها هنستفاد حاجة غير اللى قبلها مش علشان هى معجزة قوية جدا او تقدر تقول كدة من اهم معجزات الكتاب المقدس حتى من اقامة الاموات ... لانها معجزة خلق حقيقية فربنا خلق عينيين مكنتش موجودة فى انسان وخلقها كمان من نفس الطين وبنفس الطريقة
بس انا عايز اكلمك عن مولود اعمى تانى خالص غير اللى فى المثل صحيح هو عنده عنيين لكن ميسشوفش ربنا بيها او بيشوف حاجات تانية خالص تخليه ينسى ربنا وينسى اللى ربنا عمله علشانه مع ان ربنا عمل معاه برضو معجزة عظيمة جدا ومتعبة ومؤلمة جدا جدااا ... اسمها الفداء
فاانا ممكن اكون مولود اعمى وانت ممكن تكون اعمى وانتى كمان ممكن تكونى كدة , مش بالمعنى الحرفى طبعا لكن اقصد انعدام الرؤية بسبب الشوائب اللى بنحطها جوة عنينا بتخليننا مبنشوفش ربنا كويس كأن كل خطية بنعملها بنحط بيها شريطة سودة على عنينا لحد ماواحدة ورا التانية ورا التالتة مش هنشوف حاجة ابداااا 
وبما ان الشىء بالشىء يذكر فااقوى مثل نطبقه على خطية المولود اعمى ده اللى من غير عنيين هو احنا اللى بعنيين فعلا لكن بنبص بيها نظرات شريرة 
فصحيح احنا عندنا عينيين وبنشوف بيها , لكن ياترى بنشوف بيها ايه ؟؟
 ياترى بنشوف بيها ربنا وجمال كونه وعظمة خليفته لتمجيد اسمه ؟ ولا بنشوف بيها مناظر متليقش بااولاد ربنا يشوفهوها اللى بتكون اول خطوات الخطوية من تسلسل بقى العين للعقل للعاطفة لحاجات تانية كتيير تدنس جسد الانسان اللى روح الله ساكن فيه وزى ماقالنا الكتب ان " سراج الجسد هو العين فااذا كان عينك بسيط فجسدك كله يكون بسيط واما اذا كانت عينك شريرة فجسدك كله يكون شريرا "
وفى لاول او فى الاخر متنساش ان عينك دى هدية ربنا اداهالك ومااداهاش لناس كتيير غيرك محروميين من النعمة دى

بس اتصدق من عظمة ربنا وحبه لينا انه كان عارف اننا هانستغل عنينا دى كدة وهنخطى بيها علشان كدة ادانا الحل فى نفس المعجزة
فربنا خلق للرجل ده عنيين لكن قاله روح انت اغتسل فى بركة سالوم مع ان ربنا طبعا كان قادر انه يتمم المعجزة كلها ومن غيرمايمشيه سنتيمتر واحد يغتسل اويتعب نفسه او حتى تلاميذه يجيبوا هما من المياه دى , لكن علشان يختبر ايمانه ويتمجد اسم ربنا فيه وفعلا ذهب الرجل للبركة على بعد 6 كيلومترمش شايف حاجة  والطين على وشه الناس كلها شايفاه والسخرية والضحكات تنزل عليه طول الطريق , لكن هو مصدق انه هيفتح والاجمل من كدة انه بعد مافتح رجع نفس المسافة تانى لربنا علشان يشكره على اللى عمله معاه وبعدها اعترف به قدام الفريسييون 
فربنا كمان ادانا حياة جديدة على الصليب بدمه وكأنه بيقولنا انكم مخلوقين كلكم من جديد وليس عينيكم فقط وانتم بس عليكم تحفظوا وصاييا وامشوا عليها وانا هاحفظكم واحافظ عليكم 
اتولد انت كمان من جديد مع ربنا ومتنساش ان الاصحاح ده من انجيل يوحنا بيتقرا فى احد المولود اعمى وكمان فى عيد الغطاس علشان ربنا يأكد لنا بااعلى صوت انى قاصد انى افهمكم انكم ولدتم من جديد معى