احسبها صـــــــح " بين المشجع والمعارض "
لكن هما فعلا بيحسبوها صح
والكنيسة الارثوكسية جه دورها علشان تحسبها صح .. وعلى فكرة انا لا مع ولا ضد فانا مسيحى وده يكفينى اوى , لكن الكنيسة الارثوكسية فى منها يقول ده غلط وفى منها يقول مبنشجعش وفى منها يقول ده ممنوع تماما , لكن مفيش حد راح من قيادات الكنيسة الارثوكسية شاف بيعملوا ايه وبيشرحوا ايه وبيجذبوا الناس ازى ا حتى كان اتفق معاهم على برنامج مشترك عملوه مع بعض
لكن انا هحكى عن تجربتى الشخصية اللى يمكن متفيدش حد لكن ميتهيئليش مش هتضر
يوم عمرى فى حياتى ماعيشته قبل كدة يوم جميل مميز وروحى ورياضى ومبهر وحط تحت مبهر دى ألفين خط لانه فعلا كان مبهر فى كل حاجة ونادرا جدا لما بنطلع يوم بيكون بالابهار ده اليوم الواحد يضم فى اقل تقدير 10 الاف شخص أتيين بحوالى 1400 اتوبيس مفيش اتوبيس منهم اتأخرعن ميعاده او شاب من الافات اتعارك مع حد ولا حتى اتلفظ ولا خادم من الخدام مقامش بدوره الكامل مع الى طلبه ده غير الوعظ والترنيم والصلاه
لقيت يوم متخطط بالدقيقة مش بالساعة لأن كل فقرة بتبدأ فى دقيقتها واللى قبليها بتخلص بدقيقتها فانت لو مجرتش علشان تلحق هيفوتك كتير من الفقرة . تقريبا قعدنا 12 ساعة محشية بالفقرا والروحانيات الدسمة محسناش بااى دقيقة فى اليوم كله الا بالحزن فى اخر دقائق بسبب انتهاء اليوم
يوم مرهق ومتعب جدا جدا لكنه حلو جدا جدا ومكنتش عايزه يخلص حتى الفقرات الخارقة والسحر والرياضية وألالعاب وغيره لازم يكن فيها كلام عن ربنا باى شكل من الاشكال لكنها مش مباشرة عشان الملل ده غير ان اغلبها تجارب شخصية للابطال ,
صحيح انا مسيحى ارثوكسى وعمر ماحضرت فى كنيسة غير ارثوكسية ومش هاحضر لكنى غيورعلى ارثوكسيتى اللى هيا اقدم الطوائف المسيحية فى العالم ومعناها الطريق المستقيم حتى لو استخدمت كل وسائل الجذب الممكنة لان فى الاخر هدف الكنيسة اقوى من كل ده وهو الخراف الضالة والحفاظ عليها ولازم تكون اكبر كيان مسيحى فى العالم وتتوحد كلها على قلب ربنا وتنشر نور دعوة لكل العالم حواليها فاحنا فعلا محتاجين نكون نورللعالم وملح للارض مش ننقض لمجرد النقض وبس فبدل مانخاف من انجذاب اولادنا أليهم نهم بجذب أولادنا لينا .
nicee
ردحذفطيب نبتدي من البدايه
ردحذفاولا : قيادات الكنيسه مش محتاجه تروح تشوف لان كل شيء بيتم اذاعته على سات 7 وهما عندهم معرفه كامله باللي بيدور هناك ولما بيرفضو او يمنعو او يقولو مش بنشجع فهم بيقولو كلامهم عن معرفه كامله ده غير انك اهملت جزء مهم وغير مخفي على احد اختلاف الفكر والعقيديه الايمانيه بين الاورثوزكس والبروتستنت وده من اهم الامور التي تجعل الكنيسة الاورثوزكسيه ترفض ان يذهب اولادها الي هناك سهل تقولي مش بيتكمو في عقيد او اختلفات ولكن دعني اقول لك كل ما يمارس هناك هو ترسيخ لفكر حتى ولو لم يكن بطريقه واضحه وحتى لو كان في امور يظن البعض انها صغير وتافهه .حين اعلم اطفالي في الصلاه ان يقولو بشافعة السيدة العذراء مريم والملاك ميخائيل واطلب طلبتي بعد ذلك ويتم اهمال هذا الجزء هناك فهو ترسيخ لفكر دون الاشاره اليه حين اعلم اطفالي الخشوع في الصلاه وكيفية الوقوف في حضرة الله ويذهبو اللي هناك ويكون الوضع مختلف فهذا ايضا تدمير لفكر ايماني واستطيع ان اعطيك مئات الامثله في صُلب العقيده تقال وتزرع وربما تمر دون ان ينتبها لها الكثير من الشباب الغير متعمقين في الايمان الاورثوزكسي (واعتقد من ضمنها الخطاء الذي وقع فيه سامح مورسي وتكلمه عن الطبيعتين والمشيئتين للمسيح واعتذر ونحن لا نعلم كم الف شاب سمع هذا الكلام وتأثر به في اجتمعات صغير لا يعلم احد عنها شيء )
ثانيا : اليوم الرائع الذي تتكلم عنه المخطط بدقه وترتيب وغير ممل ماذا يمثل ذلك اليوم في الايمان ما مقارنته مع الكنيسه فاي شخص يملك مهارة الادارة والترتيب والتنظيم والتخطيط ويملك الامكانيات الماديه الكافيه يستطيع ان يصنع يوما كهذا وافضل حتى لو كان هذا اليوم للترفيه فقط هل عدم وجود الامكانيات الماديه او الاشخاص الذين يملكون مهارات التنظيم والتخطيط اصبح عيب في الايمان المسيحي . اسمح لي هذه امور سطحيه بعيده كل البعد عن اسباب الرفض الصادر عن الكنيسه الاورثوزكسيه لحضور تلك الانشاطات مع العلم استغلال الامكانيات الماديه للجذب ليس بالامر الجيد ودعني اقتبس مقوله لابونا انطونيوس فهمي (اسخدام امور غير روحيه للجذب لامور روحيه هو خداع )
رابعا واخيرا : انا برفض تسمية الاورثوزكسيه بطائفه لانها هيا الكنيسه الام الكنيسه الانجيليه الرسوليه التي استلمت تعاليمها من الاباء ومن الرسل الذي سلمهم المسيح لم نظهر بدع ولم ننشق ولم نحيد عن التعاليم المستلمه والانجيل بل حاربنا كل البدع والهرطقات وصمدنا طوال 2000 عام امام الحروب الشيطانيه
هقولك حاجه فعلا احنا هدفنا الخراف الضاله وهدفنا نعرفهم بالمسيح عن طريق ان نكون نور ( فليضئ نوركم هكذا قدام الناس لكي يروا اعمالكم الحسنة ويمجدوا اباكم الذي في السموات -متى الاصحاح 5)
وانا لا اعتقد ان نورنا سوف يظهر في اجتمعات ترفيهيه مدعومه بمبالغ ماليه ضخمه ربما لو طلبو الاف الشباب الذين ذهبو ليستمتعو ان ياخذو تلك الاموال ليصنعو بها خيرا لفقراء لامتنع اغلبهم عن الحضور او الظهور فالشيطان يحارب الصلاح ولكنه يبارك الضلال
واخيرا نحن لا ننقد لمجرد النقد نحن نمتلك كل الادله والقوه والبرهان نمتلك التاريخ المملوء بالاضطهاد والدماء التي سفكت من اجل المسيح نملك شهادات حيه على اننا الطريق المستقيم الذي لم يتم الحياد عنه في اي فتره زمنيه الي الان نحن تمرسنا على الاعيب الشيطان وحججه وحروبه وقاومنا حتى الدم وفهمنا كل اساليبه وحين ننقد فنحن نعلم ماذا نقول السؤال الاهم هل من يواجهنا ويتهمنا بالتعصب والكثير من الاكلمات الفارغه من قيمتها وحقيقتها يعلم ماذا يقول
دعني اختم بكلمه قرئتها لابونا انطونيوس فهمي ايضا ( من يكلمك عن النعمه فقط فهو مخادع ... ومن يكلمك عن الجهاد فقط فهو محبط )
كلام مقبول جدا و متمتشي مع تصريح البابا تاوضروس
ردحذفمكتبة الكتب المسيحية
http://coptic-books.blogspot.com/