محبة ربنا مبتنتهيش

فاكر ايام المدرسة واحنا فى الفصل والمدرس يشرح يشرح واحنا مش فاهمين وبنسأل والمدرس يعيد تانى اوساعات كتير كان يطنشنا ؟
طب فاكركام مرة طلبت طلب من باباك وحقهولك حتى لو كان صعب او كام طلب طلبته منه وقالك مش فاضى ؟!! او كان مشغول بمشاكله , على اى حال هو بيعمل قصارى جهده لانك ابنه اللى بيحبك وانت كمان لو محققلكش طلبك مش هتزعل منه لانه ابوك اللى بتحبه
مابالك بقى من ابوك السماوى اللى لاعنده مشكله ولا هموم ولا اى حاجة شاغلة باله غيرك انت وسهران علشانك انت ومفيش مرة هتطلبه ويقولك معلش اصلى مصدع او مشغول عنك شوية ده من اهتمامه بيك مشغل الملايكة تحرسك زى مالايه قالت " يرسل ملائكته لألا تعثر بحجر رجلك " وكل فرحته هى انك تكون انت الفرحان وكل طلبه انك تحبه نص ولا ربع حتى مابيحبك بتنفيذ وصاياه والتسبيح والصلا ليه اللى بتخليه يسكت ملايكته عشان يسممعك وانت بتناديه وتقوله يارب انا جايلك تحت رجليك وبقولك اتصرف فيا , فمتتعبش من الصلا ولا تمل ولا تزهق لأن ربنا بيحبك وهيحقق لك طلبك طول ماهو لمصلحتك ولا حتى تيأس لكن خلى عندك صبر وايمان ان ربنا هيحققهولك فى وقته لان ببساطة ربنا المتحكم فى الكون كله ومش هتتعبه فى حاجة لو عملك كل اللى انت عايزه لو هو خير فعلا لان " ماابعد احكامك عن الفحص يارب " فكل حياتنا دى من اول يوم فيها لاخر يوم فيها مكشوفة لربنا بكل تفاصيلها الصغيرة زى الخريطة بالظبط كل حاجة فيها معروفة ليه 
وبنشكر ربنا على كل اللى عمله معانا واللى بيعمله معانا واللى لسه هيعمله معانا لان الشكر ده ابسط دليل عن الحب او التعبير عن الحب وربنا بدء وورانا حبه العجيب بدمه على الصليب ومش طالب منك تعمل زيه لكن طالب منك تشكره بس وتعيش فى مخافته على الارض فى بروفة مصغرة للسما 
احنا بنطلب من ربنا محبته الفائقة وحكمته العظيمة وحمايته لينا بالصلا 
ومتنساش دايما ان " الله محبة "
فربنا مش زهقان مننا ولا تعبان مننا ولا هيقولنا كفاية كدة متطلبش منى او متصليليش او عفوا لقد نفذ رصيدك ....