عايز اعيش فى السما

-
مبن فينا ايام ما كنا لسه فى المدرسة فكر يكون فى الكلية مرة واحدة ويفكه من المدرسة دى او مين منا كان عايز يدخل على الشغل على طول من قبل مايدخل الكلية ... طب ميين فينا كان نفسه يدخل على مرحلة الجواز على طول من غير خطوبة
كل ده مينفعش لان لازم يحصل حاجاة مهمة اوى اسمها تمهيد ...
فى كل حاجة فى حياتنا لازم يكون قبلها خطوة وبعدها خطوة ويكون مكمليين لبعض ونتايج لبعض علشان كدة احنا محتاجيين ناخد بالنا كويس اوى من موضوع مهم جدا تقريبا معظمنا مش واخد باله منه , بدليل هسئلك سؤال 
هدفك ايه ؟ هدفى انجح فى دراستى وفى شغلى واسرتى و ...........
شوفت ازاى جاوبتنى اهداف ارضية كلها قصيرة وبتنتهى مع الوقت ومش ابدية !!
لكن لو سئلتك وقولتلك  مقصدش هدفك الارضى 
هتقولى طبعا الحياة الابدية
اكيد كلنا نفسنا ندخل السما ونعيش مع ربنا الحياة الابدية
وده هدفنا كلنا فعلا  لكن ياترى مين اشتغل عليه ؟
احنا محتاجيين نفهم معنى الحياة الابدية دى ونعيشها فعلا من واحنا على الارض علشان اكيد حياتنا فى السما هتكون تكملة ليها مش بداية من جديد !!
مش معقولة يعنى احنا هنطلع السما عشان نعيش الحياة الابدية مع ربنا واحنا مكناش بنكلمه قبل كدة فى الصلاة ولا مش عارفيين نسبح مع ملايكته ولا مش فاكريين اياته ووعوده اللى كان بيقولهلنا فى كتابه

اظن احنا لو عندنا امتحان ثانوية عامة كنا هنقطع نفسنا علشان نعرف ندخل كلية كويسة , فما بالك بقى .. ده مفيش وجه للمقارنة اساسا 
وعلى فكرة فوق مش هنلاقى انترنت ولا فلوس ولا شغل ولا ناس تضايقنا ولا كل الحاجات الصغيرة اللى معطلانة دلوقتى عن اننا نحضر لحياتنا الجاية الى مش قصيرة ولا هتخلص زى دى 
وربنا موفرلنا هنا على الارض بروفة كاملة  نقدر نعيشها على الارض علشان نعرف طعمها فوق فى السما معاه , صحيح حلاوتها متجيش واحد على مليون عن اللى فوق لكنها برضو جميلة وممتعة وبتشوقنا اكتر واكتر للحياة اللى فوق 
موفرلنا قداسات حلوة لو جينا نتأمل فيها ونشوف رحلة القداس من اوله لاخره اصلا مش هيكفينا الف موضوع وبيدينا كمان جسده ودمه اللى هنشوفه فوق بالتأكيد وكمان معيشنا التسابيح اللى بتسبحاله الملايكة وسايبلنا سيير قديسيين كتير سبقونا علشان نقراها وننظر الى نهاية سيرتهم لنتمثل بايمانهم وحاجات كتيرة جدا فعلا هتخليك عايش افراح السما من على الارض
فى السما هتكون حياة جميلة كلها وعود واعدنا بيها ربنا من اول ماخلق الكون علشان نكون مستعديين ليها ونعرف نستمتع بيها
وكمان مننساش ان ربنا قال علينا اننا هياكل الله وروح الله ساكن فينا يعنى لازم نقدسه ونحترمه ومندنسهوش ابدا علشان نكون مستحققين اننا نعيش معاه وعنده فى الفردوس
فلازم نستعد ونعيش على اساس اننا ضيوف على الارض قعدنا مهما قعدنا مسيرنا هنروح لمكان احسن بكتير ربنا دفع فيه كتير علشان يجيبنا نقعد معاه فيه على طول 


تعليقات

إرسال تعليق

المشاركات الشائعة من هذه المدونة

الطفاسة

-
صورة
تخش كارفور تلاقى ناس متعرفش تعدهم من كترتهم عماليين يعبوا فى اكل بالكراتين وعصاير بالبكتات وكأن مثلا كارفور هيقفل بكرة او الناس هتاكل كل الكميات دى فى وقت واحد , ولا تتفرج كدة على محلات السندوتشات والناس واقفة عليها طوابير كل واحد طالب بالخمس ست ارغفة اقل واجب لو اعتبرها تصبيرة يعنى  تفتكر دى تبقى ايه ؟؟ طفاسة ... الناس بتقول على اللى بيعمل التصرفات دى طفس , بس برضو الطفاسة حلوة مفيش كلام لكن الطفاسة فى الرياضة فى العلم فى الثقافة فى المعرفة ..... لكن احلى طفاسة هى الطفاسة فى الحياة مع ربنا عندنا عدد مبينتهيش من كل انواع الاكل فى الحياة الروحية هنلاقى الاجبية والصلوات والقرايات والقداسات والالحان وغيره وغيره كتيييير اوى اللى مهما كنا طفسيين بلغة العالم مش هتكفينا ولا هنشبع ولا هنبطل اكل من الحاجات دى لانها طفاسة لا بتجيبلنا تخمة ولا هتتخنا لا بتتقل حركتنا لكن بالعكس ده الاكل الوحيد اللى كل ماناكل منه نزيد فرح ونزيد محبة ونزيد نورمن جوانا وبرانا واللى يثبتلك كلامى ده ان كلام ربنا احلى اكل يتاكل بولس الرسول قال عنه من الاف السنين " وجدت كلامك كالشهد فأكلته " وده لاهو اكل مك...
قراءة المزيد

الفتور الروحى

-
صورة
ايه هواهم قرار اخدته فى حياتك؟! تفتح مشروع ..... تحب ... تتجوز ...كل دى قرارات فعلا مهمة ومصيرية فى حياتك لكن مفيش قرار من دول هو القرار الأهم فى حياتك .. لأن اهم قرار فى حياتك هو... انك تقوم من ضعفك قوم من ضعفك وعيد حساباتك مع ربنا من جديد وشوف حبك لربنا هل هو موجود فعلا بالتصرفات ولا ده مجرد كلام  , هل حبنا لربنا كبير ولا كبير اوى ولا كبير اوى وى بننفذ وصاياه بحب ولا لأ ؟ كل دى اسئلة مهمة محتاجين دايما كل فترة نسئلها لنفسناعلشان نقدر نعرف احنا عندنا فتور روحى ولا لأ , احيانا كثيرة بنحس ان بقى عندنا فتور روحى بنصلى بملل بنحضر قداسات عشان نشوف اصحابنا وبنقرا فى الانجيل اهو تضييع وقت وخلاص وبندفع عشور لانها بقت مجرد عادة .. لكن ده بيكون فتور فى الحياة الروحية ولازم نحس بخطورته واننا محتاجين نفوق لنفسنا بسرعة منه قبل مايطول معانا ويبقى التخلص منه اصعب شوية من الأول , فلو حياتنا الروحية لمبة والتراب كل مادا وبيكترعليها من غير ماحنا نمسحها نورها هيقل شوية بشوية وترابها هيكتر ويلصق عليها وننسى انها كانت منورة زمان او انها كانت لمبة اصلا , كويس اننا نعترف بده لكن لازم كمان نشتغل عل...
قراءة المزيد

من مصر دعوت ابنى

-
صورة
من مصر دعوت ابنى ومبارك شعب مصر .... أيتين من اكتر الايات اللى بقف قدامهم فى الكتاب المقدس وبتحسسنى بالطمأنينة والهدوء والسلام الداخلى ... صحيح الكتاب مليان أيات حلوة وكلها بتحسسنا بالطمأنينة والسلام وكلها مفرحة , لكن ربنا خص شعب مصر بالذات بالايتين دول فى الكتاب المقدس مرتين مرة نبؤة فى سفر هوشع ومرة تأكيد فى متى الرسول من بين كل شعوب العالم وأكنه مركز معانا احنا وباعتلنا رسالة خاصة بيقولى فيها وبيقولك انا بكلمك انت ياللى ساكن فى مصر وبقولك انا بحبك ومخلى بالى منك وزى مااتقال عليا " من مصر دعوت ابنى " انا كمان بقولك " من مصر دعوت ابنى " علشان تكون ابنى وتتكلم عنى وبلسانى وتحب الناس زى مانا حبيتك وتوريهم اعمالك الحسنة علشان يمجدوا اباك اللى فى السموات , متنساش ان انا سايبك هنا نور للعالم وملح للارض .. الفرصة قدامك والوقت ملكك استغلهم معايا وعلشانى واستثمرهم الاستثمار الكسبان فى حياتك ...  حب اخوك وكمان حب عدوك فأنا اسمى الله محبة والاية قالت عنى " احب الله العالم " مش اللى حبوه بس ... وزى ماانت بتحتفل بعيد ميلادك وعيد ميلاد صحابك , احتفل بيا انا كمان فى...
قراءة المزيد