الفاضى يعمل قاضى
مثل قديم اوى بنسمعه من زمان وهو الحقيقة من الامثال اللى لو ركزت فيها اوى هتحسه اوى وتقول تسلم دماغ اللى فكر فيه وقاله
هو مثل " الفاضى يعمل قاضى "
المثل ده اللى قاله مكنش يقصد القاضى اللى بيكون فى المحكمة وبيحكم على المتهمين من خلال الورق اللى قدامه وتفاصيل قضية ونيابة ودفاع وموضوع كبير اوى لازم يكون مركز فيها علشان يعرف يحكم الحكم المظوط
لكنه اتقال على الفاضى اللى مواراهوش اى حاجة فى الحياه غير انه يتقمص الادوار مرة قاضى يحكم عالناس ومرة دكتور يفتى عليهم ومرة ظابط و... بيعمل ده على كل الناس الا على نفسه حتى بتوصل انه يتقمص دور الديان العادل ويدين الناس ويقرر مين اللى داخل السما ومين لأ !!
وحتى لو مش متقمص دور حد كفايه ان عنده وقت فراغ كبير مش عارف يشغله وكلنا عارفين ان العقل الفارغ معمل للشيطان وبكل سهولة هيشتغل جوة دماغنا ويوقعنا فريسة تحت انيابه فتلاقيه ممكن يوقعنا فى الادانة مرة والحقد مرة والكذب مرات اكتر والنجاسة والشهوة مرات اكتر واكتر وكل الادوات اللى فى ايديه بيطوعهالنا علشان يقدر يحكم قبضته علينا
احنا ليه بنسمح بكدة !
ماحنا نشتغل على نفسنا شوية بقى ونسيبنا من الناس واللى بيعملوه ونستثمر حاجة لينا فى السما والحمد الله بيبقى عندنا اوقات فاضية كتير اوى , بس للاسف بتضيع من بين ايدينا فى الهوا
ماحنا لو عندنا الوقت ده نقدر نستمتع بيه مع ربنا ونحمى نفسنا من الفخاخ اللى ناصبهالنا ابليبس دى حتى قعدة ربنا كلها فرح وفوايد غير عادية وغير محصاه ومتتقارنش بااى قعدة تانية وعندنا اشكال كتيرة اوى منها زى الخلوة وقراية الانجيل والصلاة والقداسات والتسابيح والعشية وغيرها كتير اوى
وكل الحاجات ترفعنا لفوق من ايد ابليس اللى بتحارب عشان تنزلنا فى الوحل .
فالحياة فعلا مختلفة مع ربنا وتستحق التضحية ونتايجها عظيمة ومضمونة وهى الفرح الدائم السماوى
ده احنا حتى لو مشغولين مش فاضين زى اللى بيعانوا من مشكلة الفراغ دى , لازم ندى من وقتنا شوية لربنا ومتنساش ان ربنا لما طلب مننا العشور مكنش قصده فى الفلوس بس لكن كمان كان عايز مننا وقت ومعتقدش حد فينا بيدى 3 ساعات او حتى 2 كل يوم لربنا !!
ده احنا حتى ممكن نقول للناس كلها الصبح " صباح الخير " وننسى نقولها لربنا اللى هو احق واحد بالكلمة دى لانه هو اللى ادانا اليوم الجديد ده وسابلنا فرصة جديدة نمجده فيها , وبرضو ممكن نشكر الناس كلها الا هو مع ان كلها عطاياه هو بيبعتهالنا من خلالهم .
ربنا بيتعامل معانا من منطلق الاب الحنين والابن المدلل مش السيد والعبد ابدا ومن حنيته علينا سايبنا بحريتنا ومش غاصبنا على اى حاجة ومستنى مننا احنا كمان نثبتله حبنا ليه باابسط التضحيات والطلبات اللى طالبها مننا
فليه احنا نشغل نفسنا بفلوس وصفقات وتلفزيون وصحاب وكل حاجة موجودة على الارض وننسى ان احنا هدفنا السما مش الارض
هو مثل " الفاضى يعمل قاضى "
المثل ده اللى قاله مكنش يقصد القاضى اللى بيكون فى المحكمة وبيحكم على المتهمين من خلال الورق اللى قدامه وتفاصيل قضية ونيابة ودفاع وموضوع كبير اوى لازم يكون مركز فيها علشان يعرف يحكم الحكم المظوط
لكنه اتقال على الفاضى اللى مواراهوش اى حاجة فى الحياه غير انه يتقمص الادوار مرة قاضى يحكم عالناس ومرة دكتور يفتى عليهم ومرة ظابط و... بيعمل ده على كل الناس الا على نفسه حتى بتوصل انه يتقمص دور الديان العادل ويدين الناس ويقرر مين اللى داخل السما ومين لأ !!
وحتى لو مش متقمص دور حد كفايه ان عنده وقت فراغ كبير مش عارف يشغله وكلنا عارفين ان العقل الفارغ معمل للشيطان وبكل سهولة هيشتغل جوة دماغنا ويوقعنا فريسة تحت انيابه فتلاقيه ممكن يوقعنا فى الادانة مرة والحقد مرة والكذب مرات اكتر والنجاسة والشهوة مرات اكتر واكتر وكل الادوات اللى فى ايديه بيطوعهالنا علشان يقدر يحكم قبضته علينا
احنا ليه بنسمح بكدة !
ماحنا نشتغل على نفسنا شوية بقى ونسيبنا من الناس واللى بيعملوه ونستثمر حاجة لينا فى السما والحمد الله بيبقى عندنا اوقات فاضية كتير اوى , بس للاسف بتضيع من بين ايدينا فى الهوا
ماحنا لو عندنا الوقت ده نقدر نستمتع بيه مع ربنا ونحمى نفسنا من الفخاخ اللى ناصبهالنا ابليبس دى حتى قعدة ربنا كلها فرح وفوايد غير عادية وغير محصاه ومتتقارنش بااى قعدة تانية وعندنا اشكال كتيرة اوى منها زى الخلوة وقراية الانجيل والصلاة والقداسات والتسابيح والعشية وغيرها كتير اوى
وكل الحاجات ترفعنا لفوق من ايد ابليس اللى بتحارب عشان تنزلنا فى الوحل .
فالحياة فعلا مختلفة مع ربنا وتستحق التضحية ونتايجها عظيمة ومضمونة وهى الفرح الدائم السماوى
ده احنا حتى لو مشغولين مش فاضين زى اللى بيعانوا من مشكلة الفراغ دى , لازم ندى من وقتنا شوية لربنا ومتنساش ان ربنا لما طلب مننا العشور مكنش قصده فى الفلوس بس لكن كمان كان عايز مننا وقت ومعتقدش حد فينا بيدى 3 ساعات او حتى 2 كل يوم لربنا !!
ده احنا حتى ممكن نقول للناس كلها الصبح " صباح الخير " وننسى نقولها لربنا اللى هو احق واحد بالكلمة دى لانه هو اللى ادانا اليوم الجديد ده وسابلنا فرصة جديدة نمجده فيها , وبرضو ممكن نشكر الناس كلها الا هو مع ان كلها عطاياه هو بيبعتهالنا من خلالهم .
ربنا بيتعامل معانا من منطلق الاب الحنين والابن المدلل مش السيد والعبد ابدا ومن حنيته علينا سايبنا بحريتنا ومش غاصبنا على اى حاجة ومستنى مننا احنا كمان نثبتله حبنا ليه باابسط التضحيات والطلبات اللى طالبها مننا
فليه احنا نشغل نفسنا بفلوس وصفقات وتلفزيون وصحاب وكل حاجة موجودة على الارض وننسى ان احنا هدفنا السما مش الارض
تعليقات
إرسال تعليق