مصر مش كلها حمادة
يوم كئيب
الجمعة بالليل وانا بتفرج على السحل و شايف حمادة متعرى ومتبهدل ومتهان وتخيلت لو بناته فى البيت مستنيينه ولا فى غربة مثلا وشافوه فى التلفزيون قد ايه قلوبهم هتبقى متقطعة عليه ... مع ان مش اولاده بس هما اللى هيكون قطع قلوبهم , فالحقيقة هو قطع قلوب المصريين كلهم وكمان العالم كله اللى مكنش ليها سيرة غير حمادة واللى حصل له
انا من الناس اللى منامتش بسبب المنظر ده , هو ايه ذنبه ان يتسحل ويتعرى ويتضرب ويتهان بالمنظر ده قدام العالم كله من عيال قد ولاده وكمان المفروض انهم شرطة بيحموا المواطنين اللى زييه , وتوقعت بقى المسيرات والاحتجاجات والاعتصامات والمظاهرات هترج الدنيا وفى العالم كله مش فى مصر بس اصل ده اسمه انتهاك لحقوق الانسان وهتك لعرض المواطنيين الامنيين . وانا عن نفسى كنت ناوى انزل فى وقفات التضامن دى مع انى مش من هواة المظاهرات اوى وكانت ايه بقى قومة للبلد وملهاش قاعدة
بس ليه كل ده يحصل لانسان مصرى ؟؟ فكرت كدة وبعد كدة جاوبت على نفسى اجابة معجبتنييش فبلعتها جوايا , بس دلوقتى اقدر اعترفلكم بالاجابة بعد ماسمعت تصريحات حمادة افندى على الملء اللى ابكانا بمنظره مرة فى سحله والاخرى فى اهانته لنفسه ولكرامته ولاولاده بنفيه ماحدث من الشرطة
الاجابة هى لأن ........ المصرى رخيص
احنا اصبحنا رخاص اوى للدرجة دى علشان الحكومة تساوم حد حصل فيه كل ده على مرىء ومسمع العالم كله , علشان ينكر ويقول ان المتظاهريين هما اللى عملوا كدة ؟ ! ياسلااام !
حتى لو عقدت صفقة معاهم انك تنكر مقابل ميلبوسكش تهمة مثلا !
هو احنا خلاص بقينا قطع شطرنج بدون صوت ولا رأى عشان نتحرك وفقا لتعليمات او تهديدات ؟؟
هى مصر اصبحت ميليشيات اخوان وشوية ناس بتنفذ تعليمات وتتوه الناس عن الحقيقة وخلاص
ولا احنا خرفان ؟
على الاقل باأخى الخرفان اما تشوف الجزار بالسكينة يا بتنطحوا يابتهرب منه مش بتجرى عليه زى مانت عملت كدة
ده انت يامؤمن العالم كله كان هايبقى معاك بعد اما شافوك كدة , تضحك الناس علينا كدة !!
بعد ماشوفت منظرك امبارح قررت اكتب عنك بعنوان " كلنا حمادة " , لكن دلوقتى قررت اكتب عنك وبعنوان " مصر مش كلها حمادة "
بس لأ برضو انا متلخبط حمادة ممكن يكون صح انه انكر ليتفادى بطش الداخلية بعد ما داق منه جرعة بسيطة , ماهو احنا مش مكانه علشان نلومه على تصرفه ده ... يمكن يكون معاه حق
وانا فى الاخر بقيت محتار لاعارف هو صح ولا احنا اللى صح ؟؟؟
انا من الناس اللى منامتش بسبب المنظر ده , هو ايه ذنبه ان يتسحل ويتعرى ويتضرب ويتهان بالمنظر ده قدام العالم كله من عيال قد ولاده وكمان المفروض انهم شرطة بيحموا المواطنين اللى زييه , وتوقعت بقى المسيرات والاحتجاجات والاعتصامات والمظاهرات هترج الدنيا وفى العالم كله مش فى مصر بس اصل ده اسمه انتهاك لحقوق الانسان وهتك لعرض المواطنيين الامنيين . وانا عن نفسى كنت ناوى انزل فى وقفات التضامن دى مع انى مش من هواة المظاهرات اوى وكانت ايه بقى قومة للبلد وملهاش قاعدة
بس ليه كل ده يحصل لانسان مصرى ؟؟ فكرت كدة وبعد كدة جاوبت على نفسى اجابة معجبتنييش فبلعتها جوايا , بس دلوقتى اقدر اعترفلكم بالاجابة بعد ماسمعت تصريحات حمادة افندى على الملء اللى ابكانا بمنظره مرة فى سحله والاخرى فى اهانته لنفسه ولكرامته ولاولاده بنفيه ماحدث من الشرطة
الاجابة هى لأن ........ المصرى رخيص
احنا اصبحنا رخاص اوى للدرجة دى علشان الحكومة تساوم حد حصل فيه كل ده على مرىء ومسمع العالم كله , علشان ينكر ويقول ان المتظاهريين هما اللى عملوا كدة ؟ ! ياسلااام !
حتى لو عقدت صفقة معاهم انك تنكر مقابل ميلبوسكش تهمة مثلا !
هو احنا خلاص بقينا قطع شطرنج بدون صوت ولا رأى عشان نتحرك وفقا لتعليمات او تهديدات ؟؟
هى مصر اصبحت ميليشيات اخوان وشوية ناس بتنفذ تعليمات وتتوه الناس عن الحقيقة وخلاص
ولا احنا خرفان ؟
على الاقل باأخى الخرفان اما تشوف الجزار بالسكينة يا بتنطحوا يابتهرب منه مش بتجرى عليه زى مانت عملت كدة
ده انت يامؤمن العالم كله كان هايبقى معاك بعد اما شافوك كدة , تضحك الناس علينا كدة !!
بعد ماشوفت منظرك امبارح قررت اكتب عنك بعنوان " كلنا حمادة " , لكن دلوقتى قررت اكتب عنك وبعنوان " مصر مش كلها حمادة "
بس لأ برضو انا متلخبط حمادة ممكن يكون صح انه انكر ليتفادى بطش الداخلية بعد ما داق منه جرعة بسيطة , ماهو احنا مش مكانه علشان نلومه على تصرفه ده ... يمكن يكون معاه حق
وانا فى الاخر بقيت محتار لاعارف هو صح ولا احنا اللى صح ؟؟؟
تعليقات
إرسال تعليق