المشاركات

عرض المشاركات من 2013

قلبى انضف من المزود

صورة
من غير زعل .. من غبر عتاب ... من غير مشاكل . ومن غير اى حاجة وحشة تقف قدامنا وتعكننن علينا وتضييع فرحتنا بعيد ميلاد المسيح اللى بيجى اول اسبوع فى السنة علشان يفكرنا بأن ده كمان ميلاد جديد لينا ميلاد جديد كل سنة ليسوع جوة قلوبنا وربنا هو اللى بيشتغل بعد كدة احنا كل اللى علينا بس اننا نفضى قلبنا من الكراهية والحقد والغضب اللى جواه وكل احساس شرير جوانا اللى بيجر وراه احاسيس اشر منه وتصرفات متليقش بينا ابدا , لكن مننساش ان ربنا لما جه يختار مكان لميلاده اللى هو اعظم شخص فى الكون اختار لنفسه مزود بقر مع انه كان قادر يختار لنفسه اعظم وافخر قصر فى العالم وكمان كان قادر ان كل ملوك الارض يعرفوا بميلاده ويحضروا ويجيبوا هدايا من اغلى وافخر كنوز الدنيا لكنه اختار المزود بالذات علشان يقولنا ان انا عايز اسكن قلبك اللى مش ممكن هيكون مهما بلغت قساوته ووحاشته اوحش من مزود البقر... لكن الفرق بين قلبك وبين المزود ان لما خبطت على باب المزود صاحبه فتحلى علشان كدة دخلته ... انت كمان لو خبطت على باب قلبك هتفتحلى ولا هتقولى مش فاضيلك او امشى دلوقتى وتعالى بعدين او مش مستعد دلوقت فى شوية حاجات عايز اتمتع بيه

الدنيا برد

صورة
الدنيا برد ... دى تلج تلــــــج تلللللللللج .... امطار ورعد سيول وأموج بتكسر المراكب وبرق وحاجة اخردلع , على رأى روتانا احنا كدة  شوفنا اللى عمرنا ماشوفناه بس بنحاول ندفى نفسنا .. نروح بيتنا ومننزلش غير للضرورة ونتكلفت باايس كاب وجوانتى ومش عارف اسه اي ده الى بيتلبس فى الرجل ونلبس الترنج وفوقيه الروب وعليهم اللحاف وياسلام كدة لو كلنا شوية عدس بعديها حبسنا بأى حاجة دافية او لو ربنا كارمنا شوية وعندا دفاية .... ومن غير ده ولا ده كفاية لمة العيلة بتدفى ويبقى كدة يعنى حاجة بجد عنب اللوز لكن طول ماحنا بنفكر كدة عمرنا ماهنحس ابدا باللى نايم تحت الكوبرى او الى ملوش سكن واللى كما ماعندوش هدوم تدفيه اويدوبك حتة قميص دايب لابسه عاللحم وبنطلون قماش لابسه مش عارف يصد ضربات البرد ويأما حافى ماشى على برك المياة اللى ملت البلد يااما بشبشب ميفرقش عن الحافى كتير اوحتة جزمة مخرمة بتدخل مياة من كل الاتجاهات لا بيفكر فى اكلة عدس ولا كباية شاى ولا ايس كاب ولا طبعا دفاية , بيفكر بس فى سقف يرحمه من سيول التلج اللى نازلة عليه دى وحتة ناشفة يقعد فيه بدل المياة اللى داخلاله من كل حتة , او كمان  الناس اللى

الفشل

صورة
من الصعب جدا ان يعترف الانسان مننا بفشله او حتى خطأه , فهو دائما اجاباته واضحة وضوح الشمس ومتكررة دائما فى معظم المواقف او تكاد فى جميع المواقف .. فدائما تجده المتفلسف الحكيم البارع فى تحليل المواقف ضده والظروف التى تفترسه وحده  فتاره تجده فاشلا بسب الظروف التى هى شماعته البائسة التى اصبحت ملطشة كل من يجد نفسه بلاهدف وبلاجدوى فى الحياة اوايضا بلا طموح او رؤية للمستقبل امامه فيخلع عباءة الفشل من عليه ويلقى بها على شماعة الظروف حتى لو اختلف اسمها وأسماها شماعة سوء الحظ التى تجده شاكيا دائما من حظه العثر وتجده دائما لاعننا ايامه الصعبه ومتغنيا امام اقرانه بالامثال الشعبية التى تليق على مواقفه " قليل البخت يلاقى العضم فى الكرشة " و " الحظ لما يهاتى يخلى الاعمى ساعاتى " فيرونه دائما البطل شهيد الظروف الصعبة ومقاتل الحظى السىء فالبعض يشفقون عليه واخرون يصقدونه وثالثون ينفرونه  ويكون هو الشخص السعيد الذى استطاع اقناع كل من حوله انه الشخص المجتهد الذى يبذل قصارى جهده ويفعل كل ماعليه فى هذه الحياة الى ان يتشبع هو بنفس الفكرة الى ان يصدقها لان عقله الباطن اصبح على يقين

قوم من ضعفك

بتكدب ........ اه بكدب بتشتم ......... يوووووووو كتييير بتحلف ....... اه طبعا علشان اثبت اللى كدبته وبالنسبة للسجاير ..... ب ق ت عادة  ونظرة الشهوة ؟؟؟ ....... ان الله جميل يحب الجمال ياأخى وبعمل حاجات اكتر من كدة كمان :( واصلا مبقاش عندى امل انى ابطلها ومااعتقدش ان ربنا هايسامحنى عنها فى يوم من الايام كويس انك معترف بغلطك انك بتعمل الحاجات دى بس ده لوحده مش كفاية لان انا كمان على فكرة انا كمان كنت بعمل الحاجات دى فى يوم من الاي ا م زيك لكن الفرق بينى وبينك حاجة مهمة اوى  هى الرجاء  لازم يكون عندك رجاء فى رحمة ربنا الواسعة لينا لان احنا كتييييير اوى فى اليوم الواحد بنقع ونقوم ونقع تانى ونقوم تانى ومش هنقدر ابدا نحارب ابليس لوحدنا من غير مانطلب ربنا يساعدنا ولاعلشان يدينا الرحمة ولا المغفرة واعترف قدامه ب خ طيتى واتوب من كل قلبى عنها فعلا واحارب قدر الامكان انى مقعش فيها تانى مفيش حد يقدر يقول ان ربنا مش بيحبنا او هو عايزنا نهلك بدليل انه اتجسد ونزل علشان يفدينا وتألم واتصلب وقبر وقام من بين الاموات علشان يمضيلنا على صك غفران مجانى وكأنه شيك على بياض مدفعناش فيه حاجة ربنا ادا

انحلال السينما

صورة
زمان اول مااخترعوا القانون كان بسبب القتل فالقتل والنهب كانوا كتروا اوى ايام  زمان والحكماء كانت لازم تفكر فى رادع يوقفهم عند حدهم ولما لقيوا ان القانون جاب نتيجة كويسة فى ردع الناس وقلل فعلا فى انتشار الجرايم فبدأوا يدخلوا حاجات تانية زى السرقة والنصب والدعارة والمخدرات لأن المجتمع اكتشف ان كل دى حاجات بتضر بيه وباجياله  اللى هما اساس المجتمع فكان لازم يقننها علشان يعرف يحافظ على مستقبل بلده بمناسبة الحاجات الجديدة اللى كل شوية تدخل تحت عباية القانون , محتاجين تهمة جديدة لها رادع قوى لانها مش هتدمر الجيل الجاى بس لكنها كمان هتدمر الاجيال الحالية من اول سن الحضانة لحد سن جدى وجدك وهى الاسفاف والابتذال فى السينما المصرية ... من جييل اتربى على بين الاطلال ونهر الحب وغيره لحد ماوصل بينا الحال لعبده موتة و8% اللى هيا بيرة يعنى للقشاش وافلام تانية مايعلم بيها الا ربنا  صحيح كانوا ايام زمان زعلانين اوى لما طلعت مسرحية زى مدرسة المشاغبين وقالوا عليها مثال للابتذال وهاتضيع جيل بحاله لكن المسرحية دى مقارنة بافلام دلوقتى نقدر نقول عليها زى افلام توم وجيرى او عم دهب وبطوط  ده غيرالاغانى ال

احسبها صـــــــح " بين المشجع والمعارض "

صورة
احسبها صح مش مجرد شعار اتخدته الكنيسة الانجيلية لها علشان يكون اسم مؤتمرات ضخمة او ايام دينية وترفيهية ليهم لكن هما فعلا بيحسبوها صح والكنيسة الارثوكسية جه دورها علشان تحسبها صح .. وعلى فكرة انا لا مع ولا ضد فانا مسيحى وده يكفينى اوى , لكن الكنيسة الارثوكسية فى منها يقول ده غلط وفى منها يقول مبنشجعش وفى منها يقول ده ممنوع تماما , لكن مفيش حد راح من قيادات  الكنيسة الارثوكسية شاف بيعملوا ايه وبيشرحوا ايه وبيجذبوا الناس ازى ا حتى كان اتفق معاهم على برنامج مشترك عملوه مع بعض لكن انا هحكى عن تجربتى الشخصية اللى يمكن متفيدش حد لكن ميتهيئليش مش هتضر يوم عمرى فى حياتى ماعيشته قبل كدة يوم جميل مميز وروحى ورياضى ومبهر وحط تحت مبهر دى ألفين خط لانه فعلا كان مبهر فى كل حاجة ونادرا جدا لما بنطلع يوم بيكون بالابهار ده اليوم الواحد يضم فى اقل تقدير 10 الاف شخص أتيين بحوالى 1400 اتوبيس مفيش اتوبيس منهم اتأخرعن ميعاده او شاب من الافات اتعارك مع حد ولا حتى اتلفظ ولا خادم من الخدام مقامش بدوره الكامل مع الى طلبه ده غير الوعظ والترنيم والصلاه لقيت يوم متخطط بالدقيقة مش بالساعة لأن كل فقرة بتبدأ ف

ملاك الوراق

صورة
كل بنت من صغرها فى فترة الأبتدائى تحديدا بيتولد جواها احساس برىء وحلم جميل , انها تكون عروسة وتلبس الفستان ألابيض تتزوق فيه وتستنى الفارس ابو حصان ابيض اللى هيجى تحت بلكونتها ويخطفها معاه لبعيد يشيل عنها قيود البيت و عقاب المدرسيين من تهمة نسيان الواجب وأبتلاء شيل الشنطة , صحيح كل الاهداف دى طفولية وبريئة ومحدش بيتجوز علشان كدة لكن هى دى احلام الاطفال ومن حقنا نحترمها . البنت الجميلة مريم صاحبة ال 12 ربيعاّ وللاسف اصبحت صاحبة ال 13 رصاصة ايضا كانت فرحانة أكيد فى اليوم ده لان الاطفال فى الوقت ده بيقدروا يشبعوا رغبتهم فى حلم الجواز ويلبسوا فستان ابيض ويمسكوا شموع ويحدفوا ورد وفل على العريس والعروسة وده اليوم اللى مسموحلهم يتمكيجوا ويعملوا شعرهم فيه   مامتها لبستها ومكيجتها وباستها وقالتلها عقبالك يامرمر لما تاخدى شهادتك والبسك طرحتك بنفسى يوم فرحك مع عريسك , وأخدتها معاها الفرح اللى كل اهل الفرح شافها وباسها وقالها عقبال فرحك يامريومة كبرتى وبقيتى عروسة وانا حاجزك لأبنى ,, وانا حاجزك لابن اختى .... وهى كل اللى فى دماغها انها ترمى الفل عالعروسة وتلعب شوية مع قرايبها وصحابها اللى فى

الشيطان تلميذ !!

صورة
على فكرة انا مقولتلكش اعمل كدة امال قولتلى ايه ؟ ..... قولتلك اقفل مخك ومتفكرش واضرب وموت وأحرق دمر خرب شرد  لكن اختار ضحيتك كويس مش اللى يجى قدامك ياشيطان  دلوقتى انت اللى بتقولى شيطان !! ايوة انا اللى بقولك كدة صحيح انا شيطان رجيم ومحطوط فى الجحيم من الاف السنين لكن عمرى ماجالى حد بعملتك دى ولا حتى انا بكل شرى وشيطانيتى اقدر اعمل اللى عملته ده وامسك طفل وارميه من فوق السطح واما ينزل ميت كمان اروح اكمل عليه واكسر دماغه  انت ايه ياأخى انت لو معندكش عقل ودى اهم حاجة عندى فى اختيار رجالتى , لكن كمان معندكش قلب , انت مكنتش طفل وانت صغير وعارف اد ايه الاطفال دول زى نسمة الهوا وفرحة ابوهم وامهم وان دى اطفال بريئة لافاهمة ايه كرسى ولا سلطة ولافلوس ولا كل اللى احنا بنفكر فيه ده او اللى احنا شغلتنا نقوم حروب بسببه , انت كان لازم تكون عندنا فى الجحيم من زمان على الاقل كنت عملت سمعة للشياطين اشر من كدة .. وانت بترمى الاطفال دول انا شايف كل اب وكل ام وكل اخ وكل صاحب وكام وكام ناس اتقهروا عليهم وا من المنظر ده انا قلبى حن وكان نفسى اموتك انت وانت ماسكهم زى كيس بسكوت بترميه بكل عزمك وكل قوتك

محبة ربنا مبتنتهيش

صورة
فاكر ايام المدرسة واحنا فى الفصل والمدرس يشرح يشرح واحنا مش فاهمين وبنسأل والمدرس يعيد تانى اوساعات كتير كان يطنشنا ؟ طب فاكركام مرة طلبت طلب من باباك وحقهولك حتى لو كان صعب او كام طلب طلبته منه وقالك مش فاضى ؟!! او كان مشغول بمشاكله , على اى حال هو بيعمل قصارى جهده لانك ابنه اللى بيحبك وانت كمان لو محققلكش طلبك مش هتزعل منه لانه ابوك اللى بتحبه مابالك بقى من ابوك السماوى اللى لاعنده مشكله ولا هموم ولا اى حاجة شاغلة باله غيرك انت وسهران علشانك انت ومفيش مرة هتطلبه ويقولك معلش اصلى مصدع او مشغول عنك شوية ده من اهتمامه بيك مشغل الملايكة تحرسك زى مالايه قالت " يرسل ملائكته لألا تعثر بحجر رجلك " وكل فرحته هى انك تكون انت الفرحان وكل طلبه انك تحبه نص ولا ربع حتى مابيحبك بتنفيذ وصاياه والتسبيح والصلا ليه اللى بتخليه يسكت ملايكته عشان يسممعك وانت بتناديه وتقوله يارب انا جايلك تحت رجليك وبقولك اتصرف فيا , فمتتعبش من الصلا ولا تمل ولا تزهق لأن ربنا بيحبك وهيحقق لك طلبك طول ماهو لمصلحتك ولا حتى تيأس لكن خلى عندك صبر وايمان ان ربنا هيحققهولك فى وقته لان ببساطة ربنا المتحكم فى الكون ك

الكلمة

صورة
ايه ارخص حاجة دفعت فيها فلوس فى حياتك ؟ سندوتش كبدة .... لا فى ارخص  سندوتش فول .....لا فى ارخص برضو مممممم ... الكلمة  الكلمة هى ارخص حاجة ممكن نصرفها فى حياتنا فالكلمة مبتكلفناش اى حاجة وبيكون ليها مفعول السحر مع الناس اللى بنقولهالهم وممكن تقدمها لشخص تكون احسن من اى فلوس تقدر تساعده بيها الكلمة دى ممكن تسعد حد وتخليه طاير من الفرحة وكلمة تانية ممكن تتعس حد وتخلى الدنيا سودة فى وشه ليه نزعق وليه نتخانق وليه نتضايق مع ان كل كلامنا اللى بينزل زى لسعة الكرباج ده مش بيجيب نتيجة ولا بيحل موقف غير انه بيزعل الناس مننا مع اننا ممكن بنفس اللسان ولنفس الشخص نقوله كلمة حلوة تفرحة أوكلمة كويسة تشجعه حتى زى مالكتاب المقدس قال " شجعوا صغار النفوس " .... والحديث الشريف قال "الكلمة الطيبة صدقة " ده حتى الدكتور وهو بيصرح لمريضه بخطورة مرضه بيبقى وازن كلامه بالكلمة عشان ميجرحهوش ... شكرا ومعلش وانا اسف ومن فضلك...... دى شوية كلمات صغيرة من قاموس الكلمات الحلوة الى بنبسط بيها الناس طفل شاب راجل عجوز... فى كل مرحلة من المراحل دى فى حد مستنى يسمع مننا كلمة حلوة  تفرحه بيها

عايز اعيش فى السما

صورة
مبن فينا ايام ما كنا لسه فى المدرسة فكر يكون فى الكلية مرة واحدة ويفك ه من المدرسة دى او مين منا كان عايز يدخل على الشغل على طول من قبل مايدخل الكلية ... طب ميين فينا كان نفسه يدخل على مرحلة الجواز على طول من غير خطوبة كل ده مينفعش لان لازم يحصل حاجاة مهمة اوى اسمها تمهيد ... فى كل حاجة فى حياتنا لا ز م يكون قبلها خطوة وبعدها خطوة ويكون مكمليين لبعض ونتايج لبعض علشان كدة احنا محتاجيين ناخد بالنا كويس اوى من موضوع مهم جدا تقريبا معظمنا مش واخد باله منه , بدليل هسئلك سؤال  هدفك ايه ؟ هدفى انجح فى دراستى وفى شغلى واسرتى و ........... شوفت ازاى جاوبتنى اهداف ارضية كلها قصيرة وبتنتهى مع الوقت ومش ابدية !! لكن لو سئلتك وقولتلك  مقصدش هدفك الارضى  هتقولى طبعا الحياة الابدية اكيد كلنا نفسنا ندخل السما ونعيش مع ربنا الحياة الابدية وده هدفنا كلنا فعلا  لكن ياترى مين اشتغل عليه ؟ احنا محتاجيين نفهم معنى الحياة الابدية دى ونعيشها فعلا من واحنا على الارض علشان اكيد حياتنا فى السما هتكون تكملة ليها مش بداية من جديد !! مش معقولة يعنى احنا هنطلع السما عشان نعيش الحياة الابدية مع ربنا واحنا

صراع فى الحب

صورة
صحيت الصبح وعلى غير العادة مكنتش مكشر لأ وايه كمان دانا كنت مبتسم لأنى بعيد عنكم بصحى كل يوم الصبح وشى منكمش كدة ومكشر تكشيرة كفيلة انها تكئب اجدعها عريس يوم فرحه ركزوا معايا فى كلمة فرحه دى وعريس عشان هنتكلم عليها كمان شوية المهم مطولش عليكم قومت من السرير على طول قبل مااشرب قهوتى اللى بتوصلنى لحد الحمام عشان اقدراغسل وشى وكل السعادة اللى انا فيها دى عشان حلمت حلم قال خير الله ماااجعله خير انا نويت اتجوز وروحت اخطب فعلا وشوفت نفسى فى الحلم جايب بوكيه ورد أصفرولابس بدلة وكرافتة حمرا اى والله كات حمرا  ... حييييح مع ان الفكرة مكنتش فى بالى اصلا   لما قومت من النوم لقيت الفكرة شعشعت فى دماغى وقولت ليه لأ مانا فعلا لازم اتجوز بقى وروحت مظبطلى قعدة رومانسية فى البلكونة على خلفية كلاكسات العربيات وميكروفونات الكارو وعملتلى كوباية شاى بالنعناع وطلعت ورقة وقلم وابتديت امخمخم عايز بقى ابدع فى اختيار ملكة الجمال بنت المحظوظة اللى هتنول الشرف وتتجوزنى وقعدت اكتب اول حاجة لازم تكونة جميلة قـــمر قمر وبيضة وطولها 170 ولاحاجة كدة تبقى صاروخ اصلا وطبعا مش مفشكلة يعنى شبه الممثلين مع ان ده أكل

الفاضى يعمل قاضى

مثل قديم اوى بنسمعه من زمان وهو الحقيقة من الامثال اللى لو ركزت فيها اوى هتحسه اوى وتقول تسلم دماغ اللى فكر فيه وقاله هو مثل " الفاضى يعمل قاضى " المثل ده اللى قاله مكنش يقصد القاضى اللى بيكون فى المحكمة وبيحكم على المتهمين من خلال الورق اللى قدامه وتفاصيل قضية ونيابة ودفاع وموضوع كبير اوى لازم يكون مركز فيها علشان يعرف يحكم الحكم المظوط لكنه اتقال على الفاضى اللى مواراهوش اى حاجة فى الحياه غير انه يتقمص الادوار مرة قاضى يحكم عالناس ومرة دكتور يفتى عليهم ومرة ظابط و... بيعمل ده على كل الناس الا على نفسه حتى بتوصل انه يتقمص دور الديان العادل ويدين الناس ويقرر مين اللى داخل السما ومين لأ !! وحتى لو مش متقمص دور حد كفايه ان عنده وقت فراغ كبير مش عارف يشغله وكلنا عارفين ان العقل الفارغ معمل للشيطان وبكل سهولة هيشتغل جوة دماغنا ويوقعنا فريسة تحت انيابه فتلاقيه ممكن يوقعنا فى الادانة مرة والحقد مرة والكذب مرات اكتر والنجاسة والشهوة مرات اكتر واكتر وكل الادوات اللى فى ايديه بيطوعهالنا علشان يقدر يحكم قبضته علينا  احنا ليه بنسمح بكدة ! ماحنا نشتغل على نفسنا شوية بقى ونسيبنا من

الكاميرا الخفية واللى جرالها !!

مين بيشوف الكاميرا الخفية بتاعت الاجانب واد ايه جميلة وممتعة , ممكن تلاقى فى ال 5 دقايق عملوا فيها 30 مقلب ظريف ودمه خفييف وتطلع انت فطسان من الضحك عالموقف والضيف بيتعامل مع المقلب بشكل راقى وبعد مابيعرف هو برضه بتكون فطسان من الضحك وبتعتمد على مقالب حية فعلا بطريقة لذيذة وغير مكلفة خالص لكن برضو كنت بشوف المقالب دى واقول لنفسى احنا المصريين ممكن نفضل نفهمهم ان ده مقلب فى نص ساعة اصلا وبيتعاملوا مع المقلب بالضرب والشتيمة فأكيد مش هنبقى زييهم , لكن برضو الجميل اسماعيل يسرى وعم فؤاد المهندس وبعدهم طلع الفنان ابراهيم نصرعملوا احلى المقالب فى الناس البسيطة الجميلة اللى فى الشارع اللى دمهم خفيف والمقالب كمان كان دمها خفيف , لكن مع تطور الحياة وانفتاح العالم بدرجة كبيرة خلت المقالب دى تتطور علشان تكون مناسبة العصر اللى احنا فيه فجالنا عمرو رمزى بتاع حيلهم بينهم وعمل فى النجوم مقالب طلعت من نفوخهم بحرقة دمهم لكن برضو كنا مبسوطين بيها لأننا كنا اول مرة نشوف ناس نعرفهم بيتعمل فيهم مقالب وكان بيعدى على خير فى الاخر. لكن طبعا لأن احنا مش خلاقين ولا بنفكر فى فكرة برامج فبناخد نفس النهج ونغير فيه

مش فاضى احبك !!

فاكرين زمان لما ربنا قال للغنى الغبى " لا يستطيع احد ان يعبد سيدين الله والمال " ربنا مكنش يقصد هنا ان المال بس هو اللى هيعطلنا عن ربنا صحيح هو من اكبر الحاجات اللى بتلهينا عن ربنا لأن المال اصل كل الشرورلكن ربنا سبقها بكلمة سيد علشان يعرفنا خطورتها يعنى اى عادة تتحكم فينا فاحنا عبيد ليها واصلا كلمة عادة دى جاية من تعود الانسان على حاجة معينة ومبقاش يعرف يعيش من غيرها حتى لو حاجة كويسة , وعلشان متستعبدناش العادة دى لازم متكونش واقفة فى حياتنا بينا وبين ربنا فاانت ايه اللى معطل بينك وبين ربنا ؟ فلوس ولا نوم ولا انترنت ولا فسح ولا اكل ولا تليفونات ولا ايه ؟ ده بولس الرسول اما جه يفكر فاللى هيبعدنا عن ربنا قال سيف ام رمح ام خطر اوسيف ميبعدناش ابدا عن محبة المسيح مش الحاجات البسيطة دى :) ربنا فاضيلنا وعايز يسمعنا جدا فى اوقت واى يوم واى ساعة , عمرك صليت لربنا او طلبت منه حاجة وربنا قالك معلش ياحبيبى انا مصدع دلوقتى او عايز انام او ابقى صليلى بكرة او اطلب الطب ده بعدين ... اكيد مشوفناش كدة ومش هنشوف طول حياتنا لان ربنا بيحبنا حب ملوش حدود ولا حد يعرف يتخيله او يتصوره لان ببسا

اعتذار واجب ... ولكن " من كتابات زمان "

أحب أن أبدأ كلامي بالاعتذار؛ فأنا بصفتي مواطن مصري قبطي، ولي الكثير من إخوتي المسلمين الذين تضرروا نفسيًا من تهجم على دينهم الكريم بظهور مثل هذا الفيلم المسىء للرسول صلَّ الله عليه وسلم؛ أقدم لهم اعتذار من قلبي أنا وجميع الأقباط المحترميين، الذي بالطبع لن يرضيهم مثل هذا التصرف المشين من قبل بعض أقباط المهجر؛ الذين هم لايمثلونا ولا يعبرونا بشىء سوى إثارة الفتن فقط لتعكير صفونا، وتقطيع نسيج الوطن الواحد في مختلف البلدان العربية. ثم اختص بالتحية؛ كل أخ مسلم لنا تفهم الموقف ورأى ماحدث ببعد نظر صائبة اخترقت مجال الفيلم الضيقة، ونظر إلى ما أبعد من ذلك، ومن صناع هذا الفيلم، ومن ورائهم، ومن ممولهم، ولماذا ظهر في هذا التوقيت تحديدًا بعد إنتاجه بشهريين، هذا الفيلم جميع صناعه من اليهود، وشاركهم فى البطولة بعض الأمريكان الذي لا دين لهم ولايمثلوا وجهة النظر المسيحية؛ بل هم يمثلون أنفسهم فقط، ولكم ماذا فعلنا نحن وما الذي بنفعله وما مقبليين عليه؛ فأنا أرى أننا ننتقم من أنفسنا ومن أخواتنا ومن ممتلكاتنا، فنحن نفعل الآن كما تعودنا أن نفعل في الفترة الآخيرة من انتقام؛ وهو تخريب ممتلكا

لماذا انا ؟ !

صورة
لماذا أنا هو سؤال أحيانا كثيرة نسأله لأنفسنا ويكون سؤال خبيث بعض الشىء لأنه في الواقع نحن نسأله إلى ربنا وليس لأنفسنا.. فلماذا أنا يارب خلقتني ذلك الشخص الذي مهما كنت أملك من المال والصحة والعلم والنجاح لا أرى ذلك؟ فلماذا ليس أنا من يملك تلك السيارة أو من لديه تلك الشهرة أو ليس أنا الطبيب الناجح أو المهندس المبتكر …. الخ ولكننا لا نجد إجابة على هذا السؤال لأن السؤال أصلا لايجب أن يكون هكذا ولا يكون بصيغة سؤال ولكن يجب أن يكون بصيغة شكر فعندما ننظر إلى تلك الأشياء التي نتمنى تملكها فكيف نشكر الله على الأشياء التي أعطانا لنملكها فيوجد أيضا من هو يبحث عن تلك الأشياء التي في يدنا ولا ننظر إليها فأين نحن وأبناء المجاعات والأيتام وأصحاب الأمراض الخطيرة؟ فكل إنسان على الأرض الله منحه عطايا ومميزات ومواهب أيضا ليستغلها مقسمة بنسب في كل إنسان يزيد به شىء وينقص عنه آخر لأن الكمال أولا وأخيرا لله وحده فقط ولكن إذا افترضنا نفس السؤال نطرحه مرة أخرى وأيضا لله.. لماذا أنا ؟ لكن تلك المرة نسأل الله لماذا أنا يارب الذي فضلتني وأحببتني وفديتني؟ فحبك فائق الحدود ياب لي وغفرانك وصبرك

شكرا يامرسى

صورة
اول مرة هاكتبلك شكر من قلبى بجد يامرسى .. اعذرننى مش عارف اقولك دكتور زى مابيتقال عليك لانى مش شايف ليك اى علاقة بالدكترة ولا حتى الهندسة فهما دونت ميكس معاك لان تصرفاتك كانت كلها تصرفات شخص معهوش ابتدائية اصلا حتى موضوع ناسا الامريكية دى يأما شغلتك من ال 5 % اعاقة او كانت بتجامل حد تانى بيك لان اساسا انت معندكش اللغة الانجليزية اللى المفروض واحد اشتغل فى امريكا 15 سنة يكون بيتكلم بيها وطبعا بالنسبة للقب الرئيس ده ... فلا تعليق وكل قارىء ممكن يحط التعبير المناسب للى شافه منك فى السنة دى لكن انا شخصيا شايف ان الريس المراكبى بيفكر انضج من كدة وعنده وعى احسن من كدة شكرا ليك يامرسى انك قدرت توحد الشعب المصرى كله من تانى  بسبب جهلك السياسى وقدرت تخليه متكاتف ضد اى حد اكتر من الاول بكنير حتى اكتر كمان من ثورة 25 يناير لان بصراحة ناس كتير مكنتش مصدقة اننا ممكن نشيل رئيس بعد 30 سنة وبرضو منقدرش ننكر كان فى ناس بتحب مبارك او حتى خايفة تفكر فى الفكرة من اساسها لكن انت ياباشا محدش اختلف عليك حالص الا شوية الناس اللى عندهم خلط بين الدين والسياسة ولكن دول ربنا هيهديهم قريب ان شاء الله والشرطة دى

تلت ساعة مظاهرة

صورة
صدفة سعيدة جدا لم اتوقعها فى حياتى او حتى احلم بيها فى يوم من الايام معرفش ليه انا كنت سايب دقنى طويلة فى الفترة اللى فاتت ومش عايز احلقها , ممكن كسل او عامل نفسى ستايل او جايز اكتئاب واحتمال برضو قلة نضافة , لكن المهم انى كنت مربيها فترة حلوة كدة لدرجة ان اللى كان يشوفنى فى الشارع يقولى سلاموا عليكم ياشيخ او اللى كان فاكرنى اخوانى ويبصلى بااحتقاركدة . بس برضو مكنتش اتخيل ان هايجى عليا اليوم وانزل فى مظاهرات الاخوان اللى عاملينها علشان يرجعوا اسمه ايه ده .... مرسى للحكم تانى او بمعنى اصح للخلافة . بدأت الحكاية يوم الجمعة بعد الصلاة وسمعت ان فيه مسيرة ضخمة لتأييد مرسى هتطلع بعد الصلاة وطلعت بصيت من شباك بيتنا لقيت شوية ناس جايين من بعييد روحت قولت دى فرصة انطلاقى بقى انزل واهتف حاكم انا هتيف على قديمو بس متظاهرين سيدى جابر مكنوش مديينى فرصتى كويس عيشت معاهم مغامرة لذيذة جدا وكانت تغيير برضوحلو فى يوم اجازتى , طبعا محدش اخد باله انى مش زييهم حمد الله كانوا ممكن يقيموا عليا الحد ساعتها وده على احسن التقديرات طبعا مش هوضح اكتر من كدة بقى علشان لو فيه اندر ايدج بيقرا معانا  ولقيت ا

الأنجيل

صورة
كتاب قديم عندنا من زمان وفى كل بيت موجود , منا كتير بيفتحه لكن مننا برضو كتير مش بيقرب منه خالص او يمكن حتى بنفتح كتب الدراسة اكتر منه  جايز برضو يكون عليه تراب كتير علشان ناسيينه ؟ اكيد طبعا بتكلم عن الانجيل احنا ليه مش بنهتم بالانجيل كدة زى بقيية الكتب التانية مع انه اهم كتب شوفناه وسمعنا عنه لانه ببساطة كل اللى مكتوب فيه اتحقق وبيتحقق ولسه هيتحقق , ده اللى كاتبه اعظم كاتب مش هتلاقى زيه فى تاريح الارض كلها وهو الروح القدس وربنا قال عنه ان حرف واحد منه لايزول حتى لو زالت السماء والارض .  وبمناسبة الصيف والحر اللطيف اللى احنا فيه ده معظمنا بيكون فاضى وعنده وقت كتير اوى فاضى مش عارف يشغله ازاى فدى فرصة نقرا فيها الكتاب ده وحتى لو روحنا نصييف ونفك دماغنا شوية من دوشة الحياة ليه بننسا ناحده معانا  ماربنا زى ماموجد فى بيتنا اللى عايشيين فيه اكيد برضو موجود فى البيت اللى بنصيف فيه  ليه مبنحفظش المزامير علشان تحفظنا ولا علشان مبنسمعهاش يعنى زى نصوص القراءة والمواد الدراسية اللى بنذاكرها غصب عننا علشان الامتحان وربنا سايبنا بحريتنا لا غاصبنا ولا بيسمعلنا ولا بيعاقبنا , مع ان احنا كل الل

لو كان بيدى " من كتابات زمان "

قبل كل شىء هذا الموضوع كتبته قبل فوز مرسى ببضعة ايام وكنت غير راضى عن وضع البلد وقتها مثل كل المصريين المخلصين لكن حان الوقت الان لاطرح لكم افكارى لعل وعسى نستفاد بفكرة واحدة منها حتى أذا تأملنا يومنا الذي نعيشه وما يحدث أمامنا من صراعات على انتخابات رئاسية وكأنه مولد وصاحبه غايب, فمن إخوان لسلف لليبراليين لمحو أمية لجاهلة لا تعرف حتى القراءة والكتابة التي عندما سألوها قالت “أصل أنا شخصيتي قوية وهظبطها”.. وبين الذي يريد استيراد الحمير لتوفير البنزين والذي يريد إلغاء الجامعات لتوفير الأموال واضطرار الشعب للعمل بالزراعة، وماسح الأحزية الذين أقنعه زبائنه بالترشح, فلا تعرف هذا تهريج أم بحث عن الشهرة أم ماذا؟! سؤال كثيرا جدا أسئله لنفسي ولمن حولي، وجاء اليوم الآن لأطرحه عليكم، ماذا سيفعل رئيس مصر القادم؟ فمن بلطجة لفساد لظهور كبيير للإسلاميين، تعويضا لحرمانهم من العمل السيايسي طيلة العصر البائد لتدهور الاقتصاد وضرب السياحة وتدهور حال الجنيه المصري أمام الدولار, فماذا تفعل في كل هذا يا رئيس مصر القادم؟ لا أحد جاوبنا على هذا السؤال فكل مرشح محتمل يطل علينا يسرد تاريخه الما

فوووووق ياعم الحاج

صورة
مش هاقولك انزل ولا ماتنزلش , عايز تنزل انزل ولو مش عايز فمتنزلش  اصل مفيش حد هيحافظ على ادميتك ومصريتك وانسانيتك غيرك وهافكرك بس بشوية حاجة ظاهرة جدا وما خفى كان اعظم 100 مرة   شايف عندك ايه حلو ؟ وايه كويس ؟  بلاش السؤال ده شايف عندك ايه هاااااايبقى كويس ؟ او ايه الخطة ؟ او المشروع اللى شغالين فيه طبعا غير مشروع النهضة اللى طلع مشروع الكنافة الشعر اجدع منه  ولا اقولك كمان بلااااااش السؤال ده . فين انجازات مرسى ؟ فين ال100 يوم ؟ ايه المتوقع من اللى انت شايفه دلوقتى ولو مش شايف بقى مش هاينفع اسيبك كدة من غير ماافكرك بشوية حاجات بسيطة وارجوك متضايقش منى او تكتئب بسببى عندك نوراللى اد ارتكبت جرايم بسببه طب مياة اللى احنا اكبر دولة على حوض النيل هايقفلوها علينا وعلاقات بين الدول بقيت عالحديدة , عندك اثيوبيا والامارات بقوا بيسفروا عمالتنا هناك والاتحاد الاوروبى حطنا بلاك ليست لاننا دولة بترعى الارهاب ,عندك امن تعرف تنزل بنتك او اختك او امك او مراتك الشارع طب تعرف انت نفسك تحمى نفسك فى الشارع ... دى الظباط نفسهم بيخافوا ياجدع وجنود الجيش بتتخطف ومش عارفين نمسكلهم جناه شايف سياحة ؟؟؟ ال

الصداقة الحقيقية

صورة
اكتشفت اخيرا ان كل انسان مننا يجب عليه ان يكون له عمل اجتماعى تجاه الاخرين او حتى بمفهوم اوسع تجاه بلده ووفقا لهذا الوعى الناضج الذى جاءنى على غير العادة فقررت زيارة المرضى والمسنين فى الدور المخصصة لذلك لكى اواسيهم واجالسهم نتحدث ونتسامر معا لكى لايشعروا بالوحدة هناك وطبعا انا ايضا كنت اتعلم من خبرتهم وتجاربهم فى الحياة الكثير والكثير التى تكون فى اغلبها تحمل المأسى والطابع الحزين الى ان لفت نظرى فى احد زياراتى لدار مسنيين كان منقطع عن العمار بمسافة لابأس بها تصعب على الزوار مهمتهم فى الزيارة التى هى اصلا ثقيلة بدون شىء جلست فى غرفة مزدحمة بالاشخاص يزورون كهل تخطى السبعين من عمره ولكن وجهه بشوش والمرح يقفز من عينيه ومن من حوله ايضا اصدقاء كثيرة له منهم من يعلمه كيف يتعامل مع اختراع المحمول ومنهم من ينزل له قنوات المصارعة على الدش لكى يتسلى بها وتأنس وحدته فى غيابهم واخر منهمك فى صنع قهوة تركى يحاول صنعها بوش لكنه لم ينجح حتى الان فيها والباقون يسامرونه ويتذكرون معا ذكرياتهم فى الطفولة من هروب من المدرسة ومعاكسة بنت الجيران وغيرها الكثير الذى كلما تذكروه قهقهوا جميعا من قلوبهم منظر

مصدق بالوعد ولا لساك شكاك ؟!

Promise دى كلمة انجليزية معناها وعد على طول بنستخدمها مع صحابنا لما نحب نأكد حاجة او بنطلب حاجة مهمة من صحابنا فنقول لبعض الكلمة دى وكانها هى الكلمة اللى بتدينا الامان والثقة ان فعلا هتحصل الحاجة دى بس ياما برضو الكلمة دى زعلتنا من بعض لاننا مش دايما بنعرف ننفذ وعودنا لاننا بشر ايه الكلام ده طب مانسينا من الوعود الارضية دى ونتكلم مع بعض عن وعد اعظم علشان نقعد مع اله اعظم  واللى استحالة ابدا يخلف الوعد بتاعه يسوع المسيح وعدنا وعد مهم اوى اننا نصدقه فى حياتنا واذا كان احنا بنصدق وعود الناس اللى عالارض يبقى ازاى مش هنصدق وعد اله السموات والارض ربنا وعدنا بالحياة الابدية واحنا واثقين انه هايتنفذ فهو تمم عملية الفداء كلها من اولها لاخرها من ساعة مااتجسد لحد الصلب والقيامة علشان يأكد علينا الوعد ده اللى اتعذب علشانه كتير علشاننا احنا اللى وعدهولنا كتير اوى فى انجيله سواء عهد قديم فى المزامير او اسفار العهد القديم او فى الجديد فى رسايل بولس الرسول او معظم انجيل يوحنا اللى قالنا وطمننا بكل صراحة ان فى حياة ابدية لكل من يؤمن به واكيد انت عارف ان كلام ربنا غير قابل للشك ابدا و